2. juni

Naalakkersuisut ulloq 2. Juni ataatsimiikkamik makku aalajangerpaat

Naalakkersuisut Aalisarnermut Piniarnermullu Naalakkersuisoq pisinnaatippaat nunatta kitaani umiarsuarnik tunitsiviliisinnaatillugu.
Naalakkersuisut aalajangerput, Naalakkersuisut Aalisarnermut Piniarnermullu Naalakkersuisoq isummernissamut tunngavissiami selskabit taaneqartut nunatta kitaani umiarsuarnik saarullinnik tunitsiviusinnaasunik 2017-imi umiarsualiigallarnissaannutt pisinnaatinneqassasoq, taamaalilluni selskabit taakku marluk taaneqartut tamarmik annerpaamik ataatsimik tunitsiviusinnaasumik umiarsualiisinnaassallutik.

Agathe Fontain immikkoortup oqaluuserinerani peqataanngilaq.

Paasissutissat sukumiinerusut Pisortaq Jørgen Isak Olsen Aalisarnermut, Piniarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

NunaOil A/S-mi ileqquusumik ataatsimeersuarneq
Naalakkersuisut aalajangerput:

  • ingerlatseqatigiiffiup 2016-imut ukiumoortumik nalunaarusiaa akuerineqassasoq.
  • sinneqartoorutit agguaannissaannut siulersuisut siunnersuutaat akuerineqassasoq.
  • ingerlatseqatigiiffiup akissarsianut politikkia pillugu siulersuisut inassuteqaataat tusaatissatut tiguneqassasoq.
  • siulersuisut aningaasarsiaasa Naalakkersuisut Namminersorlutik Oqartussanit pigineqarlutik ingerlatseqatigiiffiit siulersuisuini aningaasarsiaqartitsisarnermut politikkiata malinneqarnissaa akuerineqassasoq.
  • ingerlatseqatigiiffiup 2017-imut ukiumoortumik nalunaarusiaata Grønlands Revisionsselskab-imit kukkunersiorneqarnissaa pillugu siulersuisut inassuteqaataat akuerineqassasoq.
  • Immikkoortortami pisortap Lars Balslev-ip sinniisussatut piginnaatitaanera akuersissutigineqassasoq, ataatsimeersuarnermi piginneqataassutilittut taasisinnaatitaalluni.

Paasissutissat sukumiinerusut Pisortaaneq Søren Hald Møller Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput

Tunumi avataasiorluni avaleraasartoortassiissutit salliutitassat aappaannut atatillugu agguaannerat
Naalakkersuisut aalajangerput:

Tunumi salliutitassat aappaanni avataasiorluni avaleraasartoortassiissutinik 20.000 tonsiusunik ima agguaassisoqassasoq:

  • Salliutitassat aappaani avaleraasartoortassiissutit kalaallit suliffeqarfiutaanut avaleraa-sartoorniarnissamut aalisariuteqanngitsunut nunanit allanit attartorlutik Kalaallit Nunaanniluunniit angerlarsimaffeqarallarlutik erfalasulerneqartussanut taamaallaat agguaanneqassapput, avaleraasartuunut, ammassassuarnut saarullernanullu pisassii-nissamut tassungalu tunngatillugu piumasaqaataasussat pillugit isummernissamut tunngavissiaq takuuk.
  • Aalisarnermik immikkoortoqarfiup inassutigivaa qinnuteqarsimasunut piumasaqaatinik naammassinnissimasunut pisassiinissaq Naalakkersuisut piumasaqaatitut aalajangiussineri naapertorlugit agguuaanneqassasut.
  • Qinnuteqartut piumasaqaatinik naammassinnittut selskabit tallimat salliutitassat aappaannit pisassinneqassasut aalajangerneqarpoq.

Paasissutissat sukumiinerusut Pisortaq Jørgen Isak Olsen Aalisarnermut, Piniarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Inatisartunut ingerlatitat

Kalaallit Nunaanni aalisarnermi pisuussutinik atuinermi akitsuut pillugu nassuiaat nutaamillu pisuussutinik atuinermi akitsuusersuinissap ilusissaanut siunnersuutit

UPA 2017 immikkoortoq 23-mut akissuteqaatip akuersissutigineqarnera: Innarluutillit najugaqaqatigiiffiini naleqquttumik najugaqartinneqarnissaminnut pisinnaatitaaffiannut FN-ip Innarluutillit pillugit Isumaqatigiissutaanut naapertuuttumik innarluutillit qanoq ittunik sinaakkusikkanik avatangiiseqartinneqartariaqarnersut pillugu apeqquteqaat aallaavigalugu Inatsisartut oqallinnissaannik siunnersuut

UPA 2017 imm. 30, Annertuumik innarluutillit sullivinni illersugaasuni ulluuneranilu suliassaqartitsiniarfinni sulinerminni aningaasarsiarisartagaat qanoq pitsanngorsarneqar-sinnaanersut pillugu apeqquteqaat aallaafigalugu oqallinnissamik siunnersuummuut akissuteqaatip akuersissutigineqarnera.

Illoqarfiup najugaqarfigisap avataanut peqqissariartorluni nakorsiartup toqukkut qimagunnerani illoqarfigisaanut angerlaannerani ilaqutaasut atuligaannik qanoq iliorluni oqilisaasoqarsinnaanersoq pillugu apeqquteqaat aallaavigalugu Inatsisartut oqallinnisaannik siunnersuummut UPA 2017 immikkoortoq 33-iimut akissuteqaatissap akuerineqarnissaa.

Naalakkersuisut Ilinniartitaanermut pilersaarutaat II 2017 Inatsisartut 2017-imi upernaakkut ataatsimiinneranni ilaasortanut agguaanneqassasoq akuerineqarnissaanut tunngavissiaq

Qanoq iliorluta iluarsartuussinerit aqqutigalugit imminut attattumik aningaasarsiulersinnaanerput pillugu apeqquteqaat aallaavigalugu oqallinnissamik siunnersuummut UPA2017/62-imut akissuteqaat.

2016-imut Ulloq unnuarlu paaqqinnittarfiit pillugit Naalakkersuisut Inatsisartunut ukiumoortumik nalunaarusiaannik akuersineq