28. april

Naalakkersuisut ulloq 28. April ataatsimiikkamik makku aalajangerpaat

Ileqquusumik ataatsimeersuarneq – Kalaallit Airports A/S
Naalakkersuisut aalajangerput:

  • siulersuisunut toqqarneqartussatut siunnersuutigineqartut akuerineqassasut.
  • siulersuisut ajunngitsorsiassaqartitaaneranni ingerlatseqatigiiffinni namminersorlutik oqartussanit pigineqartuni siulersuisunut aningaasarsiat pillugit Naalakkersuisut politikkiata malinneqarnissaa akuersissutigineqassasoq.
  • ingerlatseqatigiiffiup ukiumoortumik 2017-imut nalunaarusiaanik Deloitte kukkunersiuisuunissaanut siulersuisut inassutigisaat akuerineqassasoq.
  • ingerlatseqatigiiffiup ukiumoortumik 2017-imut nalunaarusiaanik Deloitte kukkunersiuisuunissaanut siulersuisut inassutigisaat akuerineqassasoq.

Paasissutissat sukumiinerusut Pisortaaneq Søren Hald Møller Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput

Ileqquusumik ataatsimeersuarneq – Royal Arctic Line A/S
Naalakkersuisut aalajangerput:

  • ingerlatseqatigiiffiup 2016-imut ukiumoortumik nalunaarusiaa akuerineqassasoq.
  • angusat atorneqarnissaannut siulersuisut siunnersuutaat akuerineqassasoq
  • siulersuisut ajunngitsorsiassaqartitaaneranni ingerlatseqatigiiffinni namminersorlutik oqartussanit pigineqartuni siulersuisunut aningaasarsiat pillugit Naalakkersuisut politikkiata malinneqarnissaa akuersissutigineqassasoq.
  • siulersuisunut toqqarneqartussatut siunnersuutigineqartut akuerineqassasut.
  • ingerlatseqatigiiffiup ukiumoortumik 2017-imut nalunaarusiaanik Deloitte kukkunersiuisuunissaanut siulersuisut inassutigisaat akuerineqassasoq.
  • Lars Balslev-ip sinniisussatut piginnaatitaanera akuersissutigineqassasoq, ataatsimeersuarnermi piginneqataassutilittut taasisinnaatitaalluni.

Paasissutissat sukumiinerusut Pisortaaneq Søren Hald Møller Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput

Inatsisartunut ingerlatitat

UPA 2017/161-imut, Inatsisartuni ilaasortap Bendt B. Kristiansenip, Inuit Ataqatigiit, saqqummiussaanut akissuteqaatip saqqummiunneqarnissaa

UPA 2017/42-mut akissuteqaatip akuersissutigineqarnera: Inatsisartunut ilaasortamit Kalistat Lundimit, Inuit Ataqatigiit, saqqummiunneqartoq

UPA 2017/102-mut siullermeerneqarnissaanut akissuteqaatip akuerineqarnera: Naalakkersuisut peqquneqarnissaannik Inatsisartut aalajangiiffigisassaattut siunnersuut, inuussutissat pillugit nalerassamik anguniagassamillu siunnerfiliineq, nerisassanik peqqinnartunik assigiinngisitaartunillu innuttaasut nerisaqarsinnaalernissaat pillugu misissuinermik suliaqaqqullugit. Misissuinerup ilanngutissavaa Kalaalimerngit tunisassiarineqarneranni akitigut apparsarneqarsinnaanerat pillugu suliniutaasinnaasut qulaajarneqarnissaat

UPA 2017/167-mut siullermeerneqarnissaanut akissuteqaatip akuerineqarnera Suliniut MANU-p ineriartorteqqinneratut isigineqarsinnaasumik nuna tamakkerlugu angajoqqaanut atuarfimmik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Angajoqqaanut atuarfik aallartinneqassaaq 1. juuli 2018-mi.

UPA 2017/44-mut siullermeerneqarnissaanut akissuteqaatip akuerineqarnera: ”Meeqqat atuarfianni atuarnermut ilaatillugu sungiusaammik sulinermi assigiimmik sillimmaserneqarnissaannut Naalakkersuisut suliniuteqarnissaat pillugu Inatsisartut aalajangiiffigisassaattut siunnersuut. Suliami tassani kommunit, Center for Arbejdsskadesikring attuumassuteqartullu allat sapinngisamik Naalakkersuisunit akuutinneqartariaqarput.”

UPA 2017/50-mut akissuteqaatip akuersissutigineqarnera:” Naalakkersuisut oqaatsinut kiffartuussivimmik pilersitseqqullugit aalajangiiffisassatut siunnersuut. Oqaatsinik kiffartuussivik oqaatsinut siunnersortinik inuttaqassaaq, kalaallisut oqaatsitta atorneqarnerini nakkutilliiviussalluni aammalu siunnersuinermik neqerooruteqassalluni, tusagassiuutinilu oqaatsitta atorneqarnissaannik ilinniartitsiffiusinnaassalluni”.

(Inatsisartunut ilaasortaq Mimi Karlsen, Inuit Ataqatigiit)

UPA 2017, imm. 47-p aamma 183-ip ataatsikkut oqaluuserineqartussat siullermeernerannut akissuteqaatip akuersissutigineqarnera.

UPA 2017 imm. 182 ” Brintiliornermut brintillu atorneqarnissaanut illoqarfinni imermit nukissiornermik pilersorneqartuni nukiup atorneqanngitsup atornissaanut Ilulissani misiliutaasumik suliniuteqarnissamut pilersaarummik Naalakkersuisut UPA 2018-imut saqqummiussinissamik peqquneqarnissaat pillugu Inatsisartut aalajangiiffigisassaattut siunnersuut.” siullermeerneqarnissaanut akissuteqaat