21. april

Naalakkersuisut ulloq 21. april ataatsimiikkamik makku aalajangerpaat

Sumiiffinni nunami aalajangersimasuni takornariartitsinermut akuersissuteqartarnissaq pillugu Inatsisartut inatsisaat nr. 19, 3. december 2012-imeersup allanngortinnissaa pillugu Inatsisartut inatsisaat nr. 15, 3. juni 2015 (Inatsisip atuuffigisaa sukisaarsaatigalugu aalisarnermut akuersissutinut sumiiffikkaanullu pilersaarutinut piginnaatitsissummik ilaqartilerlugu annertusissaaq) naapertorlugu Qeqqata Kommuniani sukisaarsaatigalugu aalisarnermut (eqaluk, salvelinus alpinus) akuersissutinik nalunaaruteqarneq
Naalakkersuisut aalajangerput:

  • qinnuteqartoq Leif Fontaine sivitsortinnissaanut periarfissalikkamik ukiunut tallimanut sumiiffimmut qinnuteqarfiusumut (04.5, Sassannguit, Itillip Kangerlussuullu kangerluata akornanni) takornariartitsinermut akuersissuteqarfiuneranik (sukisaarsaatigalugu aalisarnermut) nalunaarfigineqassasoq,
  • qinnuteqartoq Karl Davidsen sivitsortinnissaanut periarfissalikkamik ukiunut tallimanut sumiiffimmut qinnuteqarfiusumut (04.14, Kangia, Kangiata kangerluata eqqaani) takornariartitsinermut akuersissuteqarfiuneranik (sukisaarsaatigalugu aalisarnermut) nalunaarfigineqassasoq,
  • qinnuteqartoq Karl Davidsen sivitsortinnissaanut periarfissalikkamik ukiunut tallimanut sumiiffimmut qinnuteqarfiusumut (04.16, Amitsuarsuk) takornariartitsinermut akuersissuteqarfiuneranik (sukisaarsaatigalugu aalisarnermut) nalunaarfigineqassasoq.

Peqqinnissamut Nunat Avannarliit Suleqatigiinnerannullu Naalakkersuisup Naalakkersuisut immikkoortumik suliarinninnerini ataatsimiinneq qimakkallarpaa.

Inatsisartunut ingerlatitaq

Paasissutissat sukumiinerusut Pisortaq Jørn Skov Nielsen Inuussutissarsiornermut, Suliffeqarnermut Niuernermut, Nukissiuuteqarnermut Nunanullu Allanut oqarasuaat 34 50 00 saaffiginnilluni pissarsiarineqarsinnaapput
UPA 2017 imm. 166 akissummut akuersissut