20. april

Naalakkersuisut ulloq 20. april ataatsimiikkamik makku aalajangerpaat

Kommune Kujallermi akiitsulinnut siunnersuisarnermik misiligummik suliniut
Naalakkersuisut aalajangerput, Naalakkersuisut akuersissutigissagaat, inassuteqaatit Inatsisartut Aningaasaqarnermut Akileraartarnermullu Ataatsimiititaliaannut akuersissutigineqartussatut ingerlateqqinneqassasut

Paasissutissat sukumiinerusut Pisortaq Nikolai Sten Christensen Aningaasaqarnermut Akileraartarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Aningaasanut kontot USA-mut attuumassuteqartut ilisimanissaat nalunaarutigineqarnissaallu pillugit Namminersorlutik Oqartussat nalunaarutaat.
Naalakkersuisut aalajangerput, Aningaasanut kontot USA-mut attuumassuteqartut ilisimanissaat nalunaarutigineqarnissaallu pillugit Namminersorlutik Oqartussat nalunaarutaattut siunnersuut saqqummiunneqarneratut akuersissutigineqassasoq

Paasissutissat sukumiinerusut Pisortaq Nikolai Sten Christensen Aningaasaqarnermut Akileraartarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Tunngaviusumik Inatsisissamut Isumalioqatigiissitamut suliakkiissutinut najoqqutassat allassimaffiat aamma ilaasortat
Naalakkersuisut aalajangerput:

  • Tunngaviusumik Inatsisissamut Isumalioqatigiissitamut suliakkiissutinut najoqqutassat allassimaffiat akuerineqassasoq.
  • Tunngaviusumik Inatsisissamut Isumalioqatigiissitamut ilaasortassatut partiit inassuteqaataat akuerineqassasoq.
  • Namminiilivinnermut, Pinngortitamut, Avatangiisinut Nunalerinermullu Naalakkersuisoq suliakkiissutinut najoqqutassat allassimaffianni aaqqissuussinikkut allanngortitsinissamut piginnaatinneqassasoq.
  • Naalakkersuisunut isummernissamut tunngavissiap kalaallisuunngortinneqarnera aammaartumik atuaqqissaarneqaqqilaassasoq.

Paasissutissat sukumiinerusut Pisortaq Mette Skarregaard Pedersen Namminiilivinnermut, Pinngortitamut, Avatangiisinut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Nuummi, Ilulissani Qaqortumilu mittarfiit pilersinneqarnissaannut akuersissummik qinnuteqarnissamut killissarititaasumik kinguartitsisinnaanermut, kiisalu Inatsisartunut inatsimmi piumasaqaatinik saneqqutsisinnaanermut Kalaallit Airports A/S-ip immikkut ittumik akuerineqarnissaa.
Naalakkersuisut aalajangerput:

  • Kalaallit Airports-ip Nuummi, Ilulissani Qaqortumilu mittarfiit pilersinneqarnissaannut akuersissummik qinnuteqarnissamut killissarititaasup kinguartinneqarnissaanik immikkut ittumik akuerineqarnissamik qinnuteqaataa Naalakkersuisut akuerissagaat. Sanaartornissap 1. juli 2018-imi aallartinnissaa naatsorsuutigalugu, qinnuteqarnissamut piffissarititaasup 1. februar 2017-imiit 1. juni 2017-imut kinguartinneqarnissaa qinnuteqaatigineqarpoq.
  • Kalaallit Airports-ip nassuiaasiornissamut piumasaqaatip, ”Timmisartoqarfiit pillugit Inatsisartut inatsisaanni nr. 12-imi, 5. december 2008-meersumi” § 7-imi allassimasup saneqqunnissaanut immikkut ittumik akuerineqarnissamik qinnuteqaataa Naalakkersuisut akuerissagaat.
  • Isummernissamut tunngavissiap matuma ilanngussanik ilaqartinneqartup Inatsisartut Aningaasaqarnermut Akileraartarnermullu Ataatsimiititaliaannut aamma Inatsisartut Sanaartornermut Ataatsimiititaliaannut nassiunneqarnissaa Naalakkersuisut akuerissagaat.

Paasissutissat sukumiinerusut Pisortaq Ruth Lindhardt Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Qeqertarsuarmi Namminersorlutik Oqartussat inissiarsuaataanut suliassaqarfimmi pilersaarut.
Naalakkersuisut aalajangerput, Qeqertarsuarmi suliassaqarfimmi pilersaarut 2016 – Namminersorlutik Oqartussat inissiaataanik iluarsaassineq isaterinerlu – maannatut iluseqarluni akuerineqassasoq.

Paasissutissat sukumiinerusut Pisortaq Ruth Lindhardt Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Arctic Umiaq Line-mut sullissinissamut isumaqatigiissut
Naalakkersuisut aalajangerput:

  • Naalakkersuisut akuerissagaat Namminersorlutik Oqartussat aamma Arctic Umiaq Line akornanni sullissinissamut isumaqatigiissut, Sarfaq Ittuk siunissami angalanissaanut tunngatillugu.
  • Naalakkersuisut akuerissagaat 2017-imi ukiakkut angallannermi Qeqertarsuarmut immikkut angalasarnissaq.
  • Naalakkersuisut akuerissagaat, isummernissamut tunngavissiap tassungalu ilanngussat Inatsisartut Aningaasaqarnermut Akileraartarnermullu Ataatsimiititaliaannut tusarniutigalugit nassiunneqarnissaat.

Paasissutissat sukumiinerusut Pisortaq Ruth Lindhardt Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Kalaallit Nunaata kitaani nunap immikkoortuani nalinginnaasumi imaani sumiiffinni ikummatissiassarsiornermut misissueqqaarnissamut akuersissutip akuerineqarnissaa pillugu inassuteqaat
Naalakkersuisut aalajangerput:

  • Great Nevada Oil and Gas Exploration LLC piffissamut 31. december 2021 tikillugu Kalaallit Nunaata kitaani nunap immikkoortuani nalinginnaasumi imaani sumiiffinni misissueqqaarnissamut akuersissummik tunineqassasoq,
  • Aatsitassanut Ikummatissanullu Aqutsisoqarfik tamatuma kingorna akuersissummi teknikkimut inatsisilerinermullu tunngasunik annikinnerusunik iluarsiinissamut piginnaatinneqassasoq,
  • Aatsitassanut Ikummatissanullu Naalakkersuisoq tamatuma kingorna misissueqqaarnissamut akuersissummut 2017/17-imut akuersissutip atsiornissaanut piginnaatinneqassasoq.

Paasissutissat sukumiinerusut Pisortaq Jørgen T. Holm Aatsitassanullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

TELE-POST-imi ukiumi 2016-mi naatsorsuusiorfiusumi tunisassiat immikkut ittut arlallit naatsorsuu-titigut agguarneqarnissaannut pisussaaffeqarnermik saneqqutsinissamut immikkut ittumik akuersissut.
Naalakkersuisut aalajangerput, TELE-POST ukiumi naatsorsuusiorfiusumi 2016-imi naatsorsuusiortarnermi malittarisassat qarasaasiatigut attaveqaatinik qarasaasiatigulluunniit kiffartuussinernik tamanut neqerooru-teqartarnermut akuersissutaateqartut pillugit Namminersorlutik Oqartussat nalunaarutaannik nr. 2-mik, 7. februar 2014-imeersumik saneqqutsinissamut akuerineqassasoq.

Paasissutissat sukumiinerusut Pisortaq Ruth Lindhardt Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Air Greenlandimi aktiaatinik RED 1 A/S-imut SAS-ip tunniussinera
Naalakkersuisut aalajangerput:

  • Air Greenland A/S-imi SAS-ip aktiaataanik salliulluni pisisinnaatitaaneq atorneqassanngitsoq.
  • Air Greenland A/S-imi aktiaatinik tunniussinissaq pillugu akuersilluni nalunaaruteqarneq akuersissutigineqassasoq.

Paasissutissat sukumiinerusut Pisortaaneq Søren Hald Møller Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput

Inatsisartunut ingerlatitat

AIS2018-imut tunngaviusumik missingersuutit akuersissutigineqarnerat

UPA 2017-imi oqaluuserisassaq immikkoortoq 58 Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisaata allanngortinneqarneranik Inatsisartut inatsisaat nr. xx.xx 2017-imeersumut siunnersuut (Imigassanik kimittuunik kimikitsunillu nioqquteqarnermi ammasarfiit sivitsorneqarnissaat) pillugu akissuteqaat

Imm. 17 pillugu akissuteqaatissap akuersissutigineqarnera - Inatsisartut Ombudsmandiat pillugu Inatsisartut inatsisaattut siunnersuut

Immikkoortoq 48 pillugu akissuteqaatissap akuersissutigineqarnera: 1. januar 2018-miit atuutilersumik inatsisinut nalunaarutit atuutsinneqalernissaannut Naalakkersuisut peqquneqarnissaannik Inatsisartut aalajangiiffigisassaattut siunnersuut