10. april

Naalakkersuisut ulloq 10. April ataatsimiikkamik makku aalajangerpaat

Ileqquusumik ataatsimeersuarneq – Sikuki Nuuk Harbour
Naalakkersuisut aalajangerput:

  • ingerlatseqatigiiffiup 2016-imut ukiumoortumik nalunaarusiaa akuerineqassasoq,
  • angusanik atugassanngortitsinissamut siulersuisut siunnersuutaat akuerineqassasoq,
  • siulersuisut katitigaanerat akuersissutigineqassasoq,
  • naalakkersuisut aningaasarsiat qaffanneqarnissaannik aalajangernerat malinneqassasoq, ukioq kingulleq 2015-imi ataatsimeersuarnermi akuersissutigineqarsimasoq,- ingerlatseqatigiiffiup 2016-imut ukiumoortumik nalunaarusiaata Deloitte-mit kukku-nersiorneqarnissaa pillugu siulersuisut inassuteqaataat akuerineqassasoq,
  • Lars Balslev-ip sinniisussatut piginnaatitaanera akuersissutigineqassasoq, ataatsimeersuarnermi piginneqataassutilittut taasisinnaatitaalluni.

Paasissutissat sukumiinerusut Pisortaaneq Søren Hald Møller Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput

Ileqquusumik ataatsimeersuarneq – Visit Greenland A/S
Naalakkersuisut aalajangerput:

  • ingerlatseqatigiiffiup 2016-imut ukiumoortumik nalunaarusiaa akuerineqassasoq,
  • angusat atorneqarnissaannut siulersuisut siunnersuutaat akuerineqassasoq,
  • siulersuisut aningaasarsiat pillugit politikkiannut siulersuisut inassutigisaat tusaatissatut tiguneqassasoq,
  • siulersuisut ajunngitsorsiassaqartitaaneranni ingerlatseqatigiiffinni namminersorlutik oqartussanit pigineqartuni siulersuisunut aningaasarsiat pillugit Naalakkersuisut politikkiata malinneqarnissaa akuersissutigineqassasoq,
  • siulersuisunut toqqarneqartussatut siunnersuutigineqartut akuerineqassasut,
  • ingerlatseqatigiiffiup ukiumoortumik 2017-imut nalunaarusiaanik Deloitte kukkunersiuisuunissaanut siulersuisut inassutigisaat akuerineqassasoq,
  • ingerlatseqatigiiffiit allattoqarfiani pisortap Lars Balslevip ataatsimeersuarnermi piginneqataasutut taasisinnaatitaanera malillugu, taasisinnaatitaanerata atuutsinneqarnera akuerineqassasoq.

Paasissutissat sukumiinerusut Pisortaaneq Søren Hald Møller Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput

Maniitsumi Namminersorlutik Oqartussat inissiarsuaataannut pilersaarut
Naalakkersuisut aalajangerput, Maniitsumi immikkoortumut pilersaarut 2016, Namminersorlutik Oqartussat inissiaataannik iluarsaassineq isaterinerlu, saqqummiunneqartutut iluseqarluni akuerineqassasoq. 

Paasissutissat sukumiinerusut Pisortaq Ruth Lindhardt Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Meeqqanut inuusuttunullu suliaqarfimmik isumaginninnikkut aaqqissuusseqqinnissaq pillugu
Naalakkersuisut aalajangerput, Meeqqanut inuusuttunullu isumaginninnikkut aaqqissuusseqqinnissap suliarinissaa pillugu isummernissamut tunngavissiami siunnersuutigineqartoq Naalakkersuisut akuersissutigissagaat. Suliassamut pilersaarusiap imm. 3-ani ilanngunneqassaaq sulianut arlalinnut tunngasunik suliniutini pingaarnersiuisoqassasoq aallarnisaanernut kiisalu suliassanik ujartuinernik.

Paasissutissat sukumiinerusut Pisortaq Julie Præst Wilche Isumaginninnermut, Ilaqutariinnut, Naligiissitaanermut Inatsisinillu Atortitsinermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Ikiorsiissuteqartarnermik aaqqissuusseqqinneq siulleq – ineqarnermut tapiissutit aamma meeqqanut tapiissutit.
Naalakkersuisut aalajangerput, Ineqarnermut tapiissuteqartarnermik meeqqanullu tapiissuteqartarnermik aaqqissuusseqqinnissaq pillugu isummernissamut tunngavissiami siunnersuut Naalakkersuisut akuerissagaat

Paasissutissat sukumiinerusut Pisortaq Julie Præst Wilche Isumaginninnermut, Ilaqutariinnut, Naligiissitaanermut Inatsisinillu Atortitsinermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Inatsisartunut ingerlatitat

Islandimi sinniisoqarfimmik pilersitsinissamut tunngatillugu UPA 2017/122-mut saqqummiussissutip akuersissutigineqarnera

Uunga siunnersuut: Sullivinni avatangiisit pillugit Inatsisartut inatsisaat nr. xx, xx. xxx 2017-meersoq

Uunga saqqummiussissut Siunnersuut: Sullivinni avatangiisinut suliassaqarfiup ilaata, nunami sullivinni avatangiisinut tunngasup, Namminersorlutik Oqartussanit tiguneqarnissaanik Inatsisartut aalajangiiffigisassaattut siunnersuut

Uunga siunnersuut pillugu saqqummiussissut: Ilinniartut sungiusartullu atorfinitsinnerini suliffiit pisortanilu oqartussat inuiaqatigiinni akisussaaffeqarnerat pillugu Inatsisartut inatsisaat nr. xx, xx. xxx 2017-imeersoq