6. april

Naalakkersuisut ulloq 6. april ataatsimiikkamik makku aalajangerpaat

Nukissiuuteqarnermut suliassaqarfiup pitsanngorsarnissaanut periusissiamut nutaamut aamma nukissiuuteqarnermut suliassaqarfiup iluani sanaartornissaq aningaasaliinissarlu pillugit isumaqatigiissutinut atugassamik siunnersuisarnissaq pillugu isumaqatigiissuteqarneq
Naalakkersuisut aalajangerput:

  • Tusaatissatut tigussallugu, Siemens-imik oqaloqateqarneq ingerlanneqartoq.Tassunga atatillugu Naalakkersuisut paasivaat suliffeqarfiit imminnut ingerlattut siunnersortinnissamut isumaqatigiissutaat pillugit Naalakkersuisut aaliangiinissartik pisussaaffeqarfiginngikkaat
  • Nukissiorfinnut atatillugu malugissallugu siunnersortinnissamut isumaqatigiissutit siunnersortinnissamut isumaqatigiissutit pillugit maleruagassat, sanaartornerup iluani sulikkiinermi maleruagassat, assigiimmik pinninnissamik tunngaviit aammalu unammillernissamut inatsimmi maleruagassat naapertorlugit isumaqatigiissutigineqartassasut kiisalu
  • Naalakkersuisut isummernissaannut tunngavissiami ulloq 28/10 2015-imeersumi, siulittaasumit akuerineqarsimasumi innersuussutaasut akuersissutigineqarsimasut suli atuuttut.

Paasissutissat sukumiinerusut Pisortaq Jørn Skov Nielsen Inuussutissarsiornermut, Suliffeqarnermut Niuernermut, Nukissiuuteqarnermut Nunanullu Allanut oqarasuaat 34 50 00 saaffiginnilluni pissarsiarineqarsinnaapput

Ingerlatseqatigiiffiup Panoceanic Energy Limited-ip piffissat ilaanni suliaqarnermi pisussanut pilersaarut geofysiskimik aamma ujarassiornikkut misissuinernik imaqartillugu, Kujataata kitaani suleriaaseq ammaassisoq (open door) malillugu ikummatissiassarsiornissamut akuersissummi suliaqartuunissaata akuerineqarnissaa pillugu inassuteqaat.
Naalakkersuisut aalajangerput:

  • piffissat ilaanni suliaqarnermi pisussanut pilersaarut geofysiskimik aamma ujarassiornikkut misissuinernik imaqartillugu, Kujataata kitaani ikummatissiassarsiornissamut akuersissummi suliaqartuusussatut piukkunneqarnissamut Panoceanic Energy Limited akuerineqassasoq,
  • Aatsitassanut Ikummatissanullu Aqutsisoqarfik Panoceanic Energy Limited-ip suliaqartuusussatut piukkunneqarnissaa pillugu qinnuteqaammut pisortatigoortumik akuersissuteqarnermi teknikkimut inatsisilerinermullu tunngasunik annikinnerusunik iluarsiinissamut piginnaatinneqassasoq,
  • Aatsitassanut Ikummatissanullu Naalakkersuisoq Kujataata kitaani suliaqartuusussatut piukkunneqarnissaq pillugu qinnuteqaammut pisortatigoortumik akuersissuteqarnermut atsiornissamut piginnaatinneqassasoq.

Paasissutissat sukumiinerusut Pisortaq Jørgen T. Holm Aatsitassanullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Sumiiffimmut Kujataata kitaaniittumut aatsitassarsiorluni misissuinissamut akuersissutip 2007/45-ip sivitsorneqarnissaa pillugu inassuteqaat.
Naalakkersuisut aalajangerput:

  • aatsitassarsiorluni misissuinissamut akuersissutip 2007/45-ip Kujataata kitaani inissisimasup piffissamut 31. december 2019 tikillugu sivitsorneqarnissaa akuerineqassasoq,
  • Aatsitassanut Ikummatissanullu Aqutsisoqarfik tamatuma kingorna aatsitassarsiorluni misissuinissamut akuersissummut 2007/45-imut tapiliussami teknikkimut inatsisilerinermullu tunngasunik annikinnerusunik iluarsiinissamut piginnaatinneqassasoq,
  • Aatsitassanut Ikummatissanullu Naalakkersuisoq aatsitassarsiorluni misissuinissamut akuersissummut 2007/45-imut tapiliussap atsiornissaanut piginnaatinneqassasoq.

Paasissutissat sukumiinerusut Pisortaq Jørgen T. Holm Aatsitassanullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

2017imi Kalaallit Nunaata imartaani biologit avaleraasartuunik misissuinissaannut aningaasaliissutinut ilassutissanik qinnuteqaat
Naalakkersuisut aalajangerput, Inassuteqaatit Inatsisartut Aningaasaqarnermut Akileraartarnermullu Ataatsimiititaliamut akuerisassanngorlugit ingerlateqqinneqarnissaat Naalakkersuisut akuerissagaat:

Paasissutissat sukumiinerusut Pisortaq Mette Skarregaard Pedersen Namminiilivinnermut, Pinngortitamut, Avatangiisinut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Barent-ip Imartaani russit imartaanni raajanut pisassiissutinik agguaaqqinneq
Naalakkersuisut aalajangerput, Barent-ip Imartaani Kalaallit Nunaannut raajanut pisassiissutinik Royal Green-land-imut tunniunneqaraluartunik agguaasseqqinneq tunngavigalugu ingerlatse-qatigiiffik Nanoq Seafood A/S tunineqassasoq.

Paasissutissat sukumiinerusut Pisortaq Jørgen Isak Olsen Aalisarnermut, Piniarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Kunnguneqarfiup Issittoq pillugu Periusissiaanik 2011-2020-mik piffisap qiteqqunnerani naliliineq
Naalakkersuisut aalajangerput:

  • Kunngeqarfiup Danmarkip Issittoq pillugu Periusissaa 2011-2020-p naliliiviginissaata kinguartinneqarnissaanik Naalakkersuisut danskit naalakkersuisui qinnuigissagaat, Kalaallit Nunaatalu akuerisinnaassappagu Kalaallit Nunaata kissaatigisaasa akuerineqarnissaat siunertaralugu taanna nutarterneqassasoq.
  • Naalakkersuisut nalunaarutigissagaat allassimasariaqartoq Kalaallit Nunaata salliutinneqarnerunissaa sulissutigineqassasoq, pingaartumik Issittormiut Siunnersuisoqatigiivini.
  • Naalakkersuisut nalunaarutigissagaat Udenrigsministeriaqarfiup Kunngeqarfiup Danmarkip Issittoq pillugu Periusissaa 2011-2020-mik piffissap qiteqqunnerani nailiinera taamatut isikkoqartillugu akuersaarneqarsinnaanngitsoq, tassa Kalaallit Nunaata kissaatigisai akuerineqarsinnaassanngippata.

Paasissutissat sukumiinerusut Pisortaq Jørn Skov Nielsen Inuussutissarsiornermut, Suliffeqarnermut Niuernermut, Nukissiuuteqarnermut Nunanullu Allanut oqarasuaat 34 50 00 saaffiginnilluni pissarsiarineqarsinnaapput

KNI A/S-ip akinut aningaasallu nalinginut qulakkeerinninnissaq pillugu periusissiaata akuersissutigineqarnissaa
Naalakkersuisut aalajangerput:

  • Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu allanut Naalakkersuisoq KNI A/S-ip 2017-imut akinut aamma aningaasat nalinginut qulakkeerinninnissaq pillugu periusissiaata akuersissuteqarnissamut piginnaatinneqassasoq,
  • KNI A/S-ip akinut aningaasallu nalinginut qulakkeerinninissaa piffissami sukkulluunniit sivisunerpaamik siumut qaammatinut 12-inut sivisussusilerneqassaa akuerineqassasoq,
  • KNI A/S-ip akinut aamma aningaasat nalinginut qulakkeerinninnissat qaammatit 12-it sinnerlugit aaqqissuunneqareersimasut attatiinnarneqarsinnaasut akuerineqassasoq, aammalu
  • Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu allanut Naalakkersuisoq piginnaatinneqassasoq, Naalakkersuisunik ilisimatitsinikkut akuersisarnissamut KNI A/S-ip siunissami ingerlaavartumik allannguisarnissaani aammalu imaluunniit akinut aningaasallu nalinginut qulakkeerinninnissaq pillugu periusissiaata naleqqussaasarnissaani, qulakkeerinninnissaq siunissami sivisunerpaamik qaammatinut 12-inut sivisussuseqarpat.

Paasissutissat sukumiinerusut Pisortaq Jørn Skov Nielsen Inuussutissarsiornermut, Suliffeqarnermut Niuernermut, Nukissiuuteqarnermut Nunanullu Allanut oqarasuaat 34 50 00 saaffiginnilluni pissarsiarineqarsinnaapput

Inatsisartunut ingerlatitaq

Immani avatangiisit allanngutsaaliorneqarnissaat pillugu Inatsisartut inatsisaat nr. xx, xx. xx 2017-imeersumut siunnersuummut saqqummiussissut allanngortinneqartoq