16. marts

Naalakkersuisut ulloq 16. marts ataatsimiikkammik makku aalangerpaat

Atlantikup Avannaani miluumasut imarmiut pillugit Ataatsimiititaliap (NAMMCO) Nuummi ulluni 4. - 6. april 2017-imi 25-issaanik ukiumoortumik ataatsimiinnissaani piginnaatitsissut pillugu

Naalakkersuisut aalajangerput:

  • NAMMCO-p 25-ssaanik ukiumoortumik ataatsimiinnissaanut nunatta aallartitassaat 2017-imut aamma 2018-imut missingersuutissatut missingiutaasut Kalaallit Nunaannit akuerineqarnissaat pillugit piginnaatitsissummik tunineqassasut
  • NAMMCO-p iluani siunissami biologit misissuisarnissaasa pingaartinneqarnissaanut peqataasut attuumassuteqartut suleqatigalugit siunnersuusiortoqassasoq
  • Nunat ilaasortaasut imaani miluumasunik pisassiissutissanik aalajangersaanissamut NAMMCO-p periarfissaanik atuerusussinnaanerat pillugu aallartitatut oqalliseqataaqqittoqassasoq
  • NAMMCO-mi imaani miluumasut amerlassusaat aamma inuussutissaqarnerup isumannaatsuunissaa pillugit pisoqartitsinerani sammineqartunut Kalaallit Nunaat suli peqataasassasoq
  • Suli aammaartumik sulissutigeqqinneqassasoq piniartut ilisimasaat suliarilluagaasumik pisortatigoortumik pisassaliinissamik nalilersuinerni ilaatinneqartalernissaat ilisimasaasalu biolog-it namminneq siunnersuinerisut naleqalernissaat.

Paasissutissat sukumiinerusut Pisortaq Jørgen Isak Olsen Aalisarnermut, Piniarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

2018-imut Aningaasanut Inatsisissatut Siunnersuut - anguniakkanik, tunngaviliunneqartunik piffissamullu pilersaarummik akuersissuteqarneq
Naalakkersuisut aalajangerput:

  • AIS 2018-ip piareersarnissaanut immikkoortoq 2-mi anguniakkanut tunngaviliussanullu siunnersuut akuersissutigineqassasoq
  • immikkoortoq 3-mi ingerlaqqinnissamut piffissamullu pilersaarummut siunnersuut akuersissutigineqassasut

Paasissutissat sukumiinerusut Pisortaq Nikolai Sten Christensen Aningaasaqarnermut Akileraartarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Piiaanissamut akuersissummut 2003/05-imut Nalunaq A/S-imut tunngasumut aningaasaqarnikkut pisussaaffiit naammassineqanngitsut piffissaliussap aappaaniit piffissaliussap pingajuanut nuunneqarnissaasa akuerineqarnissaa pillugu Naalakkersuisunut inassuteqaat
Naalakkersuisut aalajangerput:

  • aningaasaqarnikkut pisussaaffiit naammassineqanngitsut piffissaliussap aappaaniit piffissaliussap pingajuanut nuunneqarnissaat akuerineqassasoq
  • Aatsitassanut Ikummatissanullu Aqutsisoqarfik piiaanissamut akuersissummut 2003/05-imut tapiliussami teknikkimut inatsisilerinermullu tunngasunik annikinnerusunik iluarsiinissamut piginnaatinneqassasoq,
  • Aatsitassanut Ikummatissanullu Naalakkersuisoq piiaanissamut akuersissummut 2003/05-imut tapiliussap atsiornissaanut piginnaatinneqassasoq.

Paasissutissat sukumiinerusut Pisortaq Jørgen T. Holm Aatsitassanullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Akuersissutip nr. 2015/39-ip ataani sumiiffimmi Naajat/White Mountain Hudson Greenland A/S-ip aatsitassanik piiaanissamut pilersaarutaata aamma matusinissamut pilersaarutaata akuerineqarnissaa pillugu Naalakkersuisunut inassuteqaat
Naalakkersuisut aalajangerput:

  • Hudson Greenland A/S akuersissummi 2015/39-imut piiaanissamut aamma matusinissamut pilersaarutaa akuerineqartoq nalunaarfigineqassasoq
  • Aatsitassanut Ikummatissanullu Aqutsisoqarfik tamatuma kingorna teknikkimut inatsisilerinermullu tunngasunik annikinnerusumik iluarsiinissamut piginnaatinneqassasoq
  • Aatsitassanut Ikummatissanullu Naalakkersuisoq tamatuma kingorna akuersissummut 2015/39-imut piiaanissamut aamma matusinissamut pilersaarutit akuerineqarnerannut atsiornissamut piginnaatinneqassasoq
  • Aatsitassanut Ikummatissanullu Naalakkersuisoq tamatuma kingorna akuersissummut 2015/39-imut ataavartumik annikitsumik allannguuteqarsinnaanissaat akuerisinnaanissaanut piginnaatinneqassasoq

Paasissutissat sukumiinerusut Pisortaq Jørgen T. Holm Aatsitassanullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Suliassani Kalaallit Nunaannut tunngassutilinni pisortat ingerlatsinerat pillugu inatsisip atuutilersinneqarneranik peqqussutip aamma Allagaatinik il.il. paasitinneqarsinnaatitaaneq pillugu inatsisitigut aalajangersakkat assigiinngitsut allannguutaat pillugit inatsisip ilaasa Kalaallit Nunaanni atuutilersinneqarnissaanik peqqussutip akuerineqarnissaat pillugu aalajangiiffisassatut siunnersuutip aamma saqqummiussinerup akuerineqarnerat.
Naalakkersuisut aalajangerput, UPA2017-imi aalangiiffigisassatut siunnersuut saqqummiussinerlu Naalakkersuisut akuerissagaat.

Paasissutissat sukumiinerusut Pisortaaneq Søren Hald Møller Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput