9. marts

Naalakkersuisut ulloq 9. marts ataatsimiikkamik makku aalajangerpaat

Nuummi Qinngutta eqqaani Qallussuarmi, Qaqortumi Tasersuarmi, kiisalu Kangerlussuup qanitaani sermeqarfimmi sumiiffinnut sermip erngullu avammut nioqqutiginissaannut inatsimmi § 3 malillugu misissueqqaarnissamut akuersissutit
Naalakkersuisut aalajangerput, Greenland Water Bank ApS-imut kisermaassissutaanngitsumik sermip erngullu avammut nioqqutiginissaannut inatsimmi § 3 malillugu misissueqqaarnissamut akuersissummik Inuussutissarsiornermut, Suliffeqarnermut, Niuernermut, Nukissiuuteqarnermut Nunanullu Allanut Naalakkersuisup nalunaaruteqarnissaa akuersissutigineqassasoq.

Paasissutissat sukumiinerusut Pisortaq Jørn Skov Nielsen Inuussutissarsiornermut, Suliffeqarnermut Niuernermut, Nukissiuuteqarnermut Nunanullu Allanut oqarasuaat 34 50 00 saaffiginnilluni pissarsiarineqarsinnaapput

Upalungaarsimanermut inatsisip Kalaallit Nunaannut atuuttussanngortinneqarnissaanut kunngip peqqussutaata allanngortinneqarnissaa
Naalakkersuisut aalajangerput:

  • Upalungaarsimanermut inatsisip Kalaallit Nunaannut atuuttussanngortinneqarnissaa pillugu kunngip peqqussutaata, takuuk UKA2016-imi immikkoortoq 129  allanngortinneqarnissaa pillugu Illersornissamut ministeriaqarfiup ilisimatitsissutigimmagu, missingersuut taama isikkulerlugu akuerineqassanngitsoq pillugu, missingersuut Inatsisartunut ilaasortanit  akuerineqassasoq.  
  • Namminiilivinnermut, Pinngortitamut, Avatangiisinut Nunalerinermullu Naalakkersuisoqarfik Inatsisartuni ilaasortanut ilisimatitsissutissatut missingiutip teknikkimut kukkunersiuinermullu tunngasortaanik allannguinissamut piginnaatinneqassasoq.

Paasissutissat sukumiinerusut Pisortaq Mette Skarregaard Pedersen Namminiilivinnermut, Pinngortitamut, Avatangiisinut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Kommuneqarfik Sermersuup upalungaarsimanermut pilersaarutaata akuerineqarnissaa
Naalakkersuisut aalajangerput, Kommuneqarfik Sermersuup upalungaarsimanermut pilersaarutaa akuerineqassasoq.

Paasissutissat sukumiinerusut Pisortaq Mette Skarregaard Pedersen Namminiilivinnermut, Pinngortitamut, Avatangiisinut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Tunumi sumiiffimmut aatsitassarsiorluni misissuinissamut akuersissutip 2012/25-ip atugassarititaasut akuersissummi aalajangersarneqartut tunngavigalugit sivitsorneqarnissaa pillugu inassuteqaat.
Naalakkersuisut aalajangerput:

  • Aatsitassarsiorluni misissuinissamut akuersissutip 2012/25-ip Tunumi inissisimasup piffissamut 31. december 2021 tikillugu sivitsorneqarnissaa akuerineqassasoq, tamatumani piumasaqaataassalluni pisinnaatitsissummik pigisaqartoq saliinissamut pilersaarummik nassiussissasoq, aammalu taanna Aatsitassanut Ikummatissanullu Aqutsisoqarfimmit akuerineqarsinnaassalluni,
  • Aatsitassanut Ikummatissanullu Aqutsisoqarfik tamatuma kingorna aatsitassarsiorluni misissuinissamut akuersissummut 2012/25-imut tapiliussami teknikkimut inatsisilerinermullu tunngasunik annikinnerusunik iluarsiinissamut piginnaatinneqassasoq,
  • Aatsitassanut Ikummatissanullu Naalakkersuisoq aatsitassarsiorluni misissuinissamut akuersissummut 2012/25-imut tapiliussap atsiornissaanut piginnaatinneqassasoq.

Paasissutissat sukumiinerusut Pisortaq Jørgen T. Holm Aatsitassanullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Inatsisartunut ingerlatitat

Nunanit allanit aningaasanik taarsigassarsinissaq pillugu Inatsisartut inatsisaata atorunnaarsinneqarnissaanik siunnersuutip akuerineqarnissaa

Uunga siunnersuut: Inuussutissarsiuteqarneq pillugu Inatsisartut inatsisaat allanngortinnissaa pillugu Inatsisartut inatsisaat nr. xx, xx.xxx 2017-imeersoq

Uunga siunnersuut: Suliffeqarfinnik tunniussisoqartillugu sulisut inatsisitigut inissisimanerat pillugu Inatsisartut peqqussutaata allanngortinneqarneranik Inatsisartut inatsisaat nr. xx, xx. xxx 2017-imeersoq

Uunga siunnersuut: Piginnaanngorsaqqinnissamut ikiorsiisarneq pillugu Inatsisartut peqqussutaata allanngortinneqarneranut Inatsisartut inatsisaat nr. xx, xxx 2017-imeersoq

Uunga siunnersuut: Inissianik attartortitsisarneq pillugu Inatsisartut peqqussutaata allanngortinneqarnera pillugu Inatsisartut inatsisaat nr. xx, xx. Xx 2017-imeersoq (Sulisunut inissiamik tigusinissamut ukiunik 7-inik maleruagassaqarnermut allanngortitsineq)