6. februar

Naalakkersuisut ulloq 6. februar ataatsimiikkamik makku aalajangerpaat

Nunatta Kitaani 2017-imi avataasiorluni misileraalluni saarullinniarnermik aallartitsineq
Naalakkersuisut aalajangerput:

  • Nunatta Kitaani 2017-imi avataasiorluni misileraalluni saarullinniarnissamut 5.000 tons-inik pisassiisoqarnissaa inassutigineqarpoq.
  • Misileraalluni pisassiissutit kalaallit aalisariutaannut ningittagarsortunut aamma angallatinut sinerissap qanittuani kilisaatinut minnerusunut tunniunneqarsinnaapput.

Naalakkersuisut aammattaaq aalajangerput:

  • Tusarniaanermi Pinngortitaleriffiup akissuteqaataani allaaserineqartutut siammasinnerusumik aalisartoqarnissaa siunertaralugu pisassiissutit sumiiffinnut arlalinnut agguaanneqassasut, taamaasilluni Dana Banki aalisarfiit NAFO 1D-p aamma 1E-p akornanniimmat innersuussutigineqassalluni immikkoortunut sisamanut aggornilersorneqassasut.
  • Saarulliit piffissami 1.apriilimiit – 31.maaji tikillugu suffinerisa nalaanni saarullinniarneq inerteqqutaassasoq.
  • Misissugassanik tigooqqaaneq pisanillu nalunaaruteqartarnissamut piumaasaqaatit sukatiteriffigineqassasut aammalu aalisarnissamik akuersissutini allassimasassasoq misissugassanik tigooqqaanermut nalunaaruteqartarnissamillu piumasaqaatinik eqquutitsinnginneq aalisarnermi peqataasinnaanermut akuersissutip arsaarinnissutigineqarneranik kinguneqarsinnaasoq.
Paasissutissat sukumiinerusut Pisortaq Jørgen Isak Olsen Aalisarnermut, Piniarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput2017-imi avataasiortunut pisassiissutit agguarneqarneri

2017-imi kalaallit aalisariutaannut qaleralinnik, saarullinnik aalisakkanillu allanik inaarutaasumik agguaassinermut tunngasoq
Naalakkersuisut aalajangerput:

  • Qaleralittassat, saarullittassat suluppaagartassallu pisassat 10 %-ii illuartinneqarallassasut pisortatigoortumik avammut neqeroorutigineqarlutik saqqummiunneqassasut, inuit ingerlatseqatigiiffiilluunniit taakkuninnga pisassaqanngitsut qinnuteqarsinnaassallutik.
  • Qaleralittassat takussutissiaq allassimasutut agguaanneqassasut.
  • Pisassiissutinik tunniussinermi piumasaqaatigineqassasoq aalisariutaatileqatigiit pisassiissutit 25 %-ii nunami tunisassiorfimmut tunisassiassatut tulaanneqassasut.
  • Saarullittassat takussutissiaq allassimasutut agguaanneqassasut.
  • Suluppaagartassat takussutissiaq allassimasutut agguaanneqassasut.
  • Nataarnartassat, imminnguartassat qeerartassallu saniatigut pisarisuukkat pillugit nalunaarut malillugu pisarineqarsinnaasut.
  • Ingerlatseqatigiiffik Polar Pelagic aalisariut Polar Amaroq atorlugu Kalaallit Nunaanut pisassanngortinneqarsimasunik nunallu tamalaat imartaanni aalisarneqarsinnaasunik saarullernartassinneqassasoq.
  • Tinguttuut pisassat takussutissiaq allassimasutut agguaanneqassasut.
  • Savalimmiut eqqaanni pisassat immikkoortoq 7-imi allassimasutut agguaanneqassasut.
  • Norgep Ruslandillu eqqaanni pisassiissutissat immikkoortoq 8-imi allassimasutut agguarneqassasut.
  • Kilisaatit Kalaallit Nunaanni raajarniarnissamut akuersissummik pigisaqartut tamarmik kiisalu allat qinnuteqartut Svalbardip eqqaani nunat tamat aalisartarfianni paggatassiissutinik raajanik aalisarnissamut akuerineqassasut.
  • Aalisakkat assigiinngitsut pisassiissutigineqarsimasut tamakkerlugit pissusissamisoortumillu pisarineqartarnissaat qulakkeerniarlugu inuussutissarsiuteqartut aallartitaat peqatigalugit pisassiissutinit qanoq annertutigisut pisarineqarsimanerisa 1. julimit qaammatikkaartumik misissuiffigineqartalernissaanut Aalisarnermut Piniarnermullu Naalakkersuisoqarfik piginnaatinneqassasoq.
Naalakkersuisut aammattaaq aalajangerput:

  • Saarulliit piffissami 1.apriilimiit – 31.maaji tikillugu suffinerisa nalaanni saarullinniarneq inerteqqutaassasoq.
  • Qalerallit 1.500 tonsit Royal Greenland A/S-imut tamakkiisumik nunamut tulaassassanngorlugit pisassiissutigineqartut Maniitsumut tulaanneqarnissaat piumasarineqassanngitsoq. Tulaassisussaatitaaneq nunami tunitsivinnut allanut sumiiffinni suliffissaqartitsiniarneq anguniarlugu nioqqutissiassanik pisariaqartitsisunut pissaaq.
Paasissutissat sukumiinerusut Pisortaq Jørgen Isak Olsen Aalisarnermut, Piniarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Saniatigooralugu aalisartunut Kitaani sinerissap qanittuani saarullinnut pisassiissutinut akuersissummut piumasaqaatit

Naalakkersuisut aalajangerput, Saniatigooralugu aalisartunut saarullinnut pisassiissutit 1.500 tons-iusut aalisarneqarsinnaasut umiatsiaaqqat amoorullu kisiisa atorlugit.

Paasissutissat sukumiinerusut Pisortaq Jørgen Isak Olsen Aalisarnermut, Piniarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput


Qaasuitsup Kommuniani Savissivimmi nunaqarfimmi aqutsisunik ataatsinik pilersitsisoqarnissaanut immikkut ittumik akuersissuteqarnissaq
Naalakkersuisut aalajangerput:

  • Qaasuitsup Kommuniani kommunalbestyrelsimit inassutigineqartutut Qaanaap eqqaani Savissivimmi nu-naqarfimmi aqutsisunik ataatsinik pilersitsisoqarnissaata immikkut ittumik akuerineqarnissaa
  • Naalakkersuisut aalajangiinerisa kommunimut nalunaarutigineqarnissaata akuerineqarnissaa

Paasissutissat sukumiinerusut Pisortaq Ruth Lindhardt Ineqarnermut, Sanaartornermut Attaveqarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput