2. februar

Naalakkersuisut ulloq 2. Februar ataatsimiikkamik makku aalajangerpaat

Kalaallit Røde Korsiata Syriami, Aleppomi sorsuuttoqarnerani eqqugaasunut ikiuiniarluni sulineranut tunissuteqarneq
Naalakkersuisut aalajangerput, Inassutigineqartut Inatsisartut Aningaasaqarnermut Akileraartarnermullu Ataatsimiititaliaannut akuerisassanngorlugit ingerlateqqinneqassasut, Naalakkersuisut akuersissutigissagaat

Paasissutissat sukumiinerusut Pisortaq Julie Præst Wilche Isumaginninnermut, Ilaqutariinnut, Naligiissitaanermut Inatsisinillu Atortitsinermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Baffin Kangerliumarngani ikummatissanik imerpalasunik akuersissuteqarfinnik marlunnik akuersissutit normui 2011/12 aamma 2011/14 tunniussilluni utertitsineq
Naalakkersuisut aalajangerput:

  • ikummatissanik imerpalasunik suliaqarnissamut akuersissutit 2011/12 aamma 2011/14 tunniullugit utertinneqarnissaat akuerineqassasoq,
  • isumaqatigiissutit marluk tunniullugit utertinneqassasut pineqarlutik ikummatissanik imerpalasunik suliaqarnermi akuersissutit 2011/12 aamma 2011/14 piumasaqaatit saqqummiussami taaneqartut naapertorlugit akuerineqassasoq,
  • Aatsitassanut Ikummatissanullu Aqutsisoqarfik ikummatissanik imerpalasunik suliaqarnermi akuersissummut 2011/12 aamma 2011/14 isumaqatigiissummut utertitsilluni tunniussinissamut teknikkikkut inatsisitigullu annikitsumik aaqqiissuteqarnissaannik pisinnaatinneqassasoq,
  • Aatsitassanut Ikummatissanullu Naalakkersuisoq ikummatissanik imerpalasunik suliaqarnermi akuersissutinik 2011/12 aamma 2011/14 tunniussilluni utertitsinissamut isumaqatigiissummi atsiornissaanut piginnaatinneqassasoq.

Paasissutissat sukumiinerusut Pisortaq Jørgen T. Holm Aatsitassanullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Pituffimmi innuttaasut siunnersuisoqatigiivinut qinersinermi 2017-imi ulloq qinersivissap aalajangiunneqarnera.
Naalakkersuisut aalajangerput, innuttaasut siunnersuisoqatigiivinut qinersineq ullormi 11 april 2017-imi pissasoq.

Paasissutissat sukumiinerusut Pisortaq Ruth Lindhardt Ineqarnermut, Sanaartornermut Attaveqarnermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Tunumi sumiiffimmut aatsitassarsiorluni misissuinissamut akuersissutip 2013/21-ip 21st NORTH ApS-imit Greenland Gold Resources Ltd.-imut toqqaannartumik tunniunneqarnissaata akuerineqarnissaa pillugu inassuteqaat.
Naalakkersuisut aalajangerput, aatsitassarsiorluni misissuinissamut akuersissutip 2013/21-ip Tunumi inissisimasup 21st NORTH ApS-imit Greenland Gold Resources Ltd.-imut toqqaannartumik tunniunneqarnissaa akuerineqassasoq

Paasissutissat sukumiinerusut Pisortaq Jørgen T. Holm Aatsitassanullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput