5. november 2012

Naalakkersuisut ulloq 5. November ataatsimiikkamik makku aalajangerpaat

UKA 2012/38-imut akissuteqaat, 2013-p ingerlanerani Kalaallit Nunaanni piniagassat avammut tunisassiarineqartarnerisa siuarsarnissaat pillugu 2013-p ingerlanerani misissueqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Naalakkersuisut aalajangerput, akissuteqaat ilusimisut iluseqartillugu akuersissutigalugu.

Paasissutissat sukumiinerusut Pisortaq Jens K. Lyberth Aalisarnermut, Piniarnermut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

UKA 2012/62-imut akissuteqaat, Sapaatip akunneranik pujortarnaveersaarfimmik pilersitsinissaq anguniaqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Naalakkersuisut aalajangerput, akissuteqaat ilusimisut iluseqartillugu akuersissutigalugu.

Paasissutissat sukumiinerusut Pisortaq Ann B. Kjeldsen Peqqissutsimut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

UKA 2012/143-imut akissuteqaat, Kommunit meeqqanut tamanut suli atualinngitsunut ulluunerani neqerooruteqarnissaminnut pisussaatitaanerisa qularnaarnissaat erseqqissarumallugu taamaasiornikkullu meeqqerivinnut utaqqisarnerup qaammatinik aalajangersimasunik sivisussusilerneqarsinnaasup qaangerneqartannginnissaat qularnaarniarlugu Meeqqanut inuusuttunullu perorsaanikkut ineriartuutaasumik ulluunerani neqeroorfigineqartarnissaat pillugu Inatsisartut peqqussutaani § 6 imm. 1-p allanngortinnissaanut Naalakkersuisut peqquneqarnissaannik Inatsisartut aalajangiiffigisassaattut siunnersuut.
Naalakkersuisut aalajangerput, akissuteqaat ilusimisut iluseqartillugu akuersissutigalugu.

Paasissutissat sukumiinerusut Pisortaq Mikael Kristensen, Ilinniartitaanermut Ilisimatusarnermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

UKA 2012/167-imut akissuteqaat, Nunatsinni ilinniartut amerlanerusut ilinniarnerminni naammassisalernissaat siunertaralugu, nuna tamakkerlugu ilinniagaqartunut tarnikkut inooqatigiinnikkullu siunnersuisarfimmik (studenterrådgivning) Naalakkersuisut pilersitsinissamik peqquneqarnissaat pillugu inatsisartut aalajangiiffissaattut siunnersuut.
Naalakkersuisut aalajangerput, akissuteqaat ilusimisut iluseqartillugu akuersissutigalugu.

Paasissutissat sukumiinerusut Pisortaq Mikael Kristensen, Ilinniartitaanermut Ilisimatusarnermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

UKA 2012/54-imut akissuteqaat, Kalaallit Nunatsinni efterskolimik suli ataatsimik, Tasiilami inissinneqartussamik, UKA 2013-mut pilersitsinissaq pillugu Naalakkersuisut siunnersuusiornissamik peqquneqarnissaannik Inatsisartut aalajangiiffigisassaattut siunnersuut.
Naalakkersuisut aalajangerput, akissuteqaat ilusimisut iluseqartillugu akuersissutigalugu.

Paasissutissat sukumiinerusut Pisortaq Mikael Kristensen, Ilinniartitaanermut Ilisimatusarnermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

UKA 2012/34-imut akissuteqaat, Pisortat ikiorsiissutaannik pisartagaqarniarluni qinnuteqartup pisartagaqartorluunniit pissutissaqarani:

- suliffissani innersuussutigineqartoq naaggaarpagu

- suliffissatut innersuunneqartumut suliartunngitsoorsimappat imaluunniit

- soraarpat imaluunniit suliffik tunniunneqartoq qimaannarpagu imaluunniit nammineq pisuussutigisaminik soraarsitaappat

Sapaatip akunnerini sisamani qinnuteqartup imaluunniit imminut napatinniarluni pisortat ikiorsiissutaannik pisartagaqartup aningaasartuutinut aalajangersimasunut kiisalu ataasiarluni aningaasartuutinut ikiorsiissutinik pisartagaqartarunnaarsittalernissaa anguniarlugu Pisortat ikiorsiissutaat pillugit Inatsisartut Peqqussutaannik Naalakkersuisut allanngueqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.
Naalakkersuisut aalajangerput, akissuteqaat ilusimisut iluseqartillugu akuersissutigalugu.

Paasissutissat sukumiinerusut Pisortaq Lise Lennert Olsen Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

UKA 2012/21-imut aappassaaneerneqarneranut akissuteqaat, Angajoqqaarsiat aamma ilaqutariit oqilisaasut meeqqanut paarisaminnut ilaqutaanngitsut minnerpaamik 25-nik ukioqalereersimasarnissaat aalajangersaaffigeqqullugu Naalakkersuisut peqquneqarnissaannik Inatsisartut aalajangiiffigisassaattut siunnersuut.
Naalakkersuisut aalajangerput, akissuteqaat ilusimisut iluseqartillugu akuersissutigalugu.

Paasissutissat sukumiinerusut Pisortaq Lise Lennert Olsen Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput