16. april 2012

Naalakkersuisut ulloq 16. april ataatsimiikkamik makku aalajangerpaat

UPA 2012/08-imut saqqummiussissut, Inatsisartut ilassutitut aningaasaliissutissatut 2011 siunnersuutaat.
Naalakkersuisut aalajangerput, saqqummiussissut iluarsiissutitalerlugu akuersissutigalugu.

Paasissutissat sukumiinerusut Pisortaq Jan H. Pedersen Aningaasaqarnermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

UPA 2012/123-imut akissuteqaat, 2013-imi atuutilersussanik ilaasunik angallassineq pillugu sullissinissamik isumaqatiginninniarnerit atuutilersussat manna ingerlanneqartunut atatillugu nunatta kujataani piffissani sikorsuaqanngiffinni umiarsuit atorlugit ilaasunik angallassisinnaaneq, ukiullu sinnerani qulimiguullit atorlugit ilaasunik angallassisinnaaneq pillugu isumaqatigiissuteqarsinnaanermik Naalakkersuisut misissuinissamik peqquneqarnissaannik Inatsisartuni aalajangiiffigisassatut siunnersuut.
Naalakkersuisut aalajangerput, akissuteqaat ilusimisut iluseqartillugu akueralugu.

Paasissutissat sukumiinerusut Pisortaq Steffen Ulrich-Lynge Ineqarnermut, Attaveqarnermut Angallannermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

UPA 2012/44 Uunga siunnersuut: Aalisarnermut aningaasaliissutinut immikkoortitat pillugit Inatsisartut inatsisaata allanngortinneqarneranik Inatsisartut inatsisaat nr. xx, xx. xx 2012-meersoq.
Naalakkersuisut aalajangerput, saqqummiussissullu ilusimisut iluseqartillugu akuersissutigalugu.

  • Aalisarnermut aningaasaliissutit immikkoortitat pillugit Inatsisartut inatsisaata nr. 15 20. november 2006-meersup allanngortinnissaanut siunnersuut oqaaseqaatillu tassunga atasut akuersissutigalugit.
  • saqqummiussissullu ilusimisut iluseqartillugu akuersissutigalugu.

Paasissutissat sukumiinerusut Pisortaq Jens K. Lyberth Aalisarnermut, Piniarnermut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput