4. april 2012

Naalakkersuisut ulloq 4. april ataatsimiikkamik makku aalajangerpaat

Ilinniartitaanermut Ilisimatusarnermullu Naalakkersuisoqarfiup aamma Aningaasaqarnermut Naalakkersuisoqarfiup akornanni aningaasaliissutinik nuussineq.
Naalakkersuisut aalajangerput:

  • konto pingaarneq Niuernermik Ilinniarfik, Nuuk 420.000 kr.-inik appartinneqassasoq, aamma
  • konto pingaarneq Aningaasaqarnermut Sulisoqarnermullu Aqutsisoqarfik, ASA allaffissorneqmi aningaasaliissutit 420.000 kr.-inik qaffatinneqassasut.

Paasissutissat sukumiinerusut Pisortaq Mikael Kristensen, Ilinniartitaanermut Ilisimatusarnermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

Aningaasaqarnermut Ataatsimiititaliap aalajangiinerata nr. 11-562-ip, 09. december 2011-mi akuerineqartup allaffissornikkut kukkuneqarnerani suniutissanut iluarsiissut.
Naalakkersuisut aalajangerput, inassuteqaatit Inatsisartut Aningaasaqarnermut Ataatsimiititaliaannut akuerisassanngorlugit ingerlateqqinneqarnissaat Naalakkersuisut akuersisutigaat.

Paasissutissat sukumiinerusut Pisortaq Steffen Ulrich-Lynge Ineqarnermut, Attaveqarnermut Angallannermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

Visit Greenland A/S-imut kiffartuunneqarnissamut isumaqatigiissuteqarneq.
Naalakkersuisut aalajangerput:

  • 1. januar 2012-imiit 31. december 2015-imut Visit Greenland A/S-imut kiffartuunneqarnissamut isumaqatigiissut akuersissutigalu.
  • Inatsisartut Aningaasaqarnermut Ataatsimiititaliaat aamma Inatsisartut Kukku-nersiuinermut Ataatsimiititaliaat kiffartuunneqarnissamut isumaqatigiissummik ilisimatitsissutitut tigusaqassasut.

Paasissutissat sukumiinerusut Pisortaaneq Peter Schultz Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput

Suliffissaaleqisunut nuna tamakkerlugu iliuusissamut tapiliutitut aningaasaliinissamut qinnuteqaat.
Naalakkersuisut aalajangerput, Inatsisartuni Aningaasaqarnermut ataatsimiititaliamit akuerisassanngorlugit inassuteqaatit ingerlateqqinneqarnissaat Naalakkersuisut akuersissutigaat

Paasissutissat sukumiinerusut Pisortaaneq Peter Schultz Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput

UPA 2012/35 Siunnersuut uunga: Imeruersaatit qiimmassaatinik akullit (energidrik) inunnut 18-it inorlugit ukiulinnut tuniniarnissaannik sassaalliutiginissaannillu inerteqquteqarneq, kiisalu imeruersaatit qiimmannartunik akullit allagartalersoreqartarneri ussassaarutigineqartarnerilu pillugit Inatsisartut inatsisaat.
Naalakkersuisut aalajangerput, Imeruersaatit qiimmassaatinik akullit (energidrik) inunnut 18-it inorlugit ukiulinnut tuniniarnissaannik sassaalliutiginissaannillu inerteqquteqarneq, kiisalu imeruersaatit qiimmassaatinik akullit allagartalersorneqartarneri ussassaarutigineqartarnerilu pillugit Inatsisartut inatsisissaattut siunnersuummut saqqummiussissummut missingiut Inatsisartunut saqqummiunneqarnissaanut ilusimisut iluseqartillugu akuersissutigalugu.

Paasissutissat sukumiinerusut Pisortaq Ann B. Kjeldsen Peqqissutsimut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput