21. marts 2012

Naalakkersuisut ulloq 21. marts ataatsimiikkamik makku aalajangerpaat

2012-imiit 2016-imut nioqqutissanik pilersuineq pillugu KNI A/S-imut kiffartuunneqarnissamik isumaqatigiissutip nutaap akuerineqarnissa.
Naalakkersuisut aalajangerput, inassuteqaatit Inatsisartut Aningaasaqarnermut Ataatsimiititaliaannut akuerisassanngorlugit ingerlateqqinnissaat Naalakkersuisut akuersissutigaat.

Paasissutissat sukumiinerusut Pisortaq Steffen Ulrich-Lynge Ineqarnermut, Attaveqarnermut Angallannermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

Kontomut pingaarnermut Inissianik attartortittakkanik ingerlatsineq, aningaasaatinit iluanaarutit, oqaasertaliussamik erseqqissaaneq.
Naalakkersuisut aalajangerput, inassuteqaatit Inatsisartut Aningaasaqarnermut Ataatsimiititaliaannut akuerisassanngorlugit nassiunneqarnissaat Naalakkersuisut akuersissutigaat.

Paasissutissat sukumiinerusut Pisortaq Steffen Ulrich-Lynge Ineqarnermut, Attaveqarnermut Angallannermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

UPA 2012/45 Siunnersuut: 2016-imi Arctic Winter Gamesimik Kalaallit Nunaata aaqqissuisuunissaa aammalu 2013-imut aningaasanut inatsimmi ukiunilu missingersuusiorfiusuni tassunga aningaasanik immikkoortitsisoqarnissaa pillugit Inatsisartut akuersinissaannik siunnersuutip akuerineqarnissaa.
Naalakkersuisut aalajangerput:

  • Naalakkersuisunut inassutigineqarpoq 2016-imi Arctic Winter Gamesimik Kalaallit Nunaata aaqqissuisuunissaa aammalu 2013-imut aningaasanut inatsimmi ukiunilu missingersuusiorfiusuni tassunga aningaasanik immikkoortitsisoqarnissaa pillugit Inatsisartut akuersinissaannik siunnersuutip akuerineqarnissaa upernaakkut 2012-imi ataatsimiinnissaannut saqqummiunneqassasoq, piffissarititaasumik killigitinneqartumit kingusinnerusukkut tunniunneqarluni,
  • aalajangiiffigisassatut siunnersuut tunngavilersuutilik Inatsisartut Allattoqarfianut nassiunneqassasoq.

Paasissutissat sukumiinerusut Pisortaq Lise Lennert Olsen Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

UPA 2012/33 Siunnersuut uunga: Meeqqanut suli atualinngitsunut perorsaanikkut inerikki-artuutaasunik ulluunerani neqerooruteqartarneq pillugu Inatsisartut inatsisaat nr. xx, xx.xx 2012-imeersoq.
Naalakkersuisut aalajangerput, UPA 2012/33: 33 Siunnersuut uunga: Meeqqanut suli atualinngitsunut perorsaanikkut inerikkiartuutaasunik ulluunerani neqerooruteqartarneq pillugu Inatsisartut inatsisaat nr. xx, xx.xx –imeersoq” UPA 2012-imit tunuartinneqarneranik Inatsisartut Siulittaasoqarfiannut nalunaaruteqarnissaq pillugu inassuteqaat akuersissutigineqarpoq.

Paasissutissat sukumiinerusut Pisortaq Mikael Kristensen, Ilinniartitaanermut Ilisimatusarnermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput

Ukiuni 2012-mi, 2013-mi, 2014-mi aamma 2015-mi Arctic Circle Racep ingerlanneranut atatillugu Sisimiut eqqaanni imeqarfiup killeqarfiata iluani ingerlatsinissamut immikkut akuersineq.
Naalakkersuisut aalajangerput, - Sisimiut eqqaani 2012-2015-mi Arctic Circle Racep ingerlanneqarneranut atatillugu imeqarfiup killeqarfiata iluani ingerlatsinissamut Qeqqata Kommunianut immikkut akuersisoqassasoq, immikkut akuersinermi takuneqarsinnaasut piumasaqaatigineqarlutik.

Paasissutissat sukumiinerusut Pisortaq Hans-Erik Bresson Nunamut Namminermut, Pinngortitamut Avatangiisinullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Eurovision Sports Winter Games 2012-p ingerlanneranut atatillugu Sisimiut eqqaanni imeqarfiup killeqarfiata iluani ingerlatsinissamut immikkut akuersineq.
Naalakkersuisut aalajangerput, Sisimiut eqqaani Eurovision Sports Winter Games 2012-p ingerlanneqarneranut atatillugu imeqarfiup killeqarfiata iluani ingerlatsinissamut Qeqqata Kommunianut immikkut akuersisoqarpoq, immikkut akuersinermi takuneqarsinnaasut piumasaqaatigineqarlutik.

Paasissutissat sukumiinerusut Pisortaq Hans-Erik Bresson Nunamut Namminermut, Pinngortitamut Avatangiisinullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput