20. januar 2012

Naalakkersuisut ulloq 20. Januar ataatsimiikkamik makku aalajangerpaat

Pingaarutilimmik aningaaseriveqartitsineq pillugu kiffartuussinissamik isumaqatigiissuteqarnissaq pillugu.
Naalakkersuisut aalajangerput:

  • 2012-imi nunaqarfinni illoqarfinnilu aningaaseriveqartitsinerup ingerlanneqarnissaanut Grønlandsbanken A/S-imik kiffartuussinissamik isumaqatigiissutip atsiornissaanut Aningaasaqarnermut Naalakkersuisoq piginnaatinneqassasoq.
  • 2012-imi pingaarutilimmik aningaaseriveqartitsinerup isumagineqarnissaa pillugu KNI A/S-imik kiffartuussinissamik isumaqatigiissutip atsiornissaanut Aningaasaqarnermut Naalakkersuisoq piginnaatinneqassasoq.
  • 2012-imi aningaasanik pilersuinerup isumagineqarnissaa pillugu KNI A/S-imik kiffartuussinissamik isumaqatigiissutip atsiornissaanut Aningaasaqarnermut Naalakkersuisoq piginnaatinneqassasoq.

Paasissutissat sukumiinerusut Pisortaq Jan H. Pedersen Aningaasaqarnermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

2008-miit 2011-mut nioqqutissanik pilersuineq pillugu kiffartuunneqarnissamik isumaqatigiissummut tapiliussaq
Naalakkersuisut aalajangerput, inassuteqaatit Inatsisartut Aningaasaqarnermut Akileraartarnermullu Ataatsimiititaliaannut ingerlateqqinneqarnissaat Naalakkersuisut akuersissutigaat.

Paasissutissat sukumiinerusut Pisortaq Steffen Ulrich-Lynge Ineqarnermut, Attaveqarnermut Angallannermullu Naalakkersuisoqarfik oqarasuaat 34 50 00 saaffiginnilluni pissarsiarineqarsinnaapput