2. juli 2009

Naalakkersuisut ulloq 2. juli ataatsimiikkamik makku aalajangerpaat

2010-mut Aningaasanut inatsisissap killiffia.

Naalakkersuisut aalajangerput:

  • Naalakkersuisut sulissutigissagaat 2010-mi aningaasanut inatsisissap oqimaaqatigiissup anguneqarnissaa 2013-imilu 100 mio. koruuninik sinneqartooruteqarfiunissaa Nukissiorfinnut aamma Royal Greenland A/S-imut ilanngaasikkanik taarsigassarsiarititat iluarsiissutigalugit.
  • Suleriaqqinnermi tulleriiaarineq tassaassasoq ingerlatsinermut aningaasartuutinik ikilisitsineq, atuisunik akiliuteqartitsisarneq kiisalu periarfissat misissorneqarnissaat akileraarutinik akitsuutinillu qaffaanerit periaaserineqareersut iluanni
  • Naalakkersuisut Aningaasanut Naalakkersuisoqarfik aamma Naalakkersuisut Siulittaasuata Naalakkersuisoqarfia piginnaatissagaat pisariaqartinneqartunik tulleriiaarinissaannut. Taamaalippat naalakkersuinikkut tulleriiaarineq siunnersuutigineqarpoq naalakkersuisooqatigiit suleqatigiinnissamut ataatsimiititaliaanni aalaakkaasumik inissinneqassasoq Naalakkersuisunut akuersissutigivitassanngorlugu saqqummiunneqartinnagu.

Paasissutissat sukumiinerusut Pisortaq Jan H. Pedersen Aningaasaqarnermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Nunat Avannarliit Suleqatigiinnerannut ilioriusissanik suliaqarnissaq pillugu.

Naalakkersuisut aalajangerput:

  • Nunat Avannarliit suleqatigiinnerannut ilioriusissat Inatsisartunut saqqummiutissagaat ukiakkut ataatsimiinnermi.
  • Aningaasanut Nunanullu Avannarlernut tunngasunut Naalakkersuisoq piginnaatinneqassasoq Nunat Avannarliit Siunnersuisoqatigiivisa Stockholmimi 26.-29. oktobarimi katersuunnerata aallartinnerani sinniisut tamarmiullutik ataatsimiinnissaannut aggersaanissaanut.

Paasissutissat sukumiinerusut Pisortaq Jan H. Pedersen Aningaasaqarnermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

 

Kalaallit Nunaanni atortussiassat aatsitassallu pillugit ataatsimiittartoqatigiit ilaasortassaannik siulittaasullu tullianik toqqaaneq.

Naalakkersuisut aalajangerput, Niels Thomsen (D) Kalaallit Nunaanni atortussiassat aatsitassanit pisut pillugit siunnersuisoqatigiinni siulittaasup tullissaatut tikkuarneqassasoq.

Paasissutissat sukumiinerusut Pisortaq Bent A. Sørensen Inuussutissarsiornermut Aatsitassarsiornermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

 

PPK-mut isumaqatigiissusiornerup malitsigisaanik isumaqatiginninniarnermi angusaasunik aammalu ilassutitut aningaasaliissutissatut qinnuteqaatinik akuersinissaq.

Naalakkersuisut aalajangerput:

  • isumaqatiginninniarnermi angusat ilusimisut iluseqartut akuerineqassasut, tunngavissaritillugu
  • Inatsisartut Aningaasaqarnermut Ataatsimiititaliaata isumaqatiginninniarnermi angusat akuerissagai
  • Naalakkersuisut matuma kinguliini inassuteqaatit ilalissagaat, taamatullu inassuteqaatit Inatsisartut Aningaasaqarnermut Ataatsimiititaliaannut akuerisassanngorlugit ingerlateqqinneqassasut

Paasissutissat sukumiinerusut Pisortaq Jan H. Pedersen Aningaasaqarnermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

 

Nunatta karsiata 2008-mut naatsorsuutai.

Naalakkersuisut aalajangerput:

  • Nunatta karsiata 2008-mut naatsorsuutaanik nalunaarusiaq saqqummiunneqar-ermisut iluseqarluni akuersissutigineqassasoq,
  • Aningaasaqarnermut Naalakkersuisoqarfik piginnaatinneqassasoq kukkunersiuisoq avataaneersoq suleqatigalugu naatsorsuutini sinneruttunik inaarsaanissaminut.
  • Aningaasaqarnermut Naalakkersuisunut Ilaasortaq piginnaatinneqassasoq tusa-gassiutinut aammalu Inatsisartut Aningaasaqarnermut ataatsimiititaliaanut kukkunersiuinermillu ataatsimiititaliamut paasissutissiinissaminik.
  • Naatsorsuutit Inatsisartunut nassiunneqassasut naammassineqarniariarpata, tamannalu ilimagineqarpoq pisinnaassasoq 1. Juli miss.
  • saqqummiissutitut allakkiassamut siunnersuut ukiamut ataatsimiinnissaq sioqqullugu Naalakkersuisunut akuerisassanngorlugu nassiunneqassaaq.

Paasissutissat sukumiinerusut Pisortaq Jan H. Pedersen Aningaasaqarnermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput