6. november 2008

Naalakkersuisut ulloq 6. november ataatsimiikkamik makku aalajangerpaat

Kalaallit Nunaanni Neriuffiit Kattuffiata nuna tamakkerlugu katersiniarneranut tapiissuteqarnissamik aalajangiiffigisassatut saqqummiineq.

Naalakkersuisut aalajangerput, Namminersornerullutik Oqartussat 300.000 kruuninik Kalaallit Nunaanni Neriuffiit Katuffiat tapiiffigineqarnissaanik akuerineqasassasoq.

Paasissutissat sukumiinerusut Pisortaaneq Kaj Kleist Naalakkersuisut Siulittaasuata Naalakkersuisoqarfiani oqarasuaat 34 50 00 saaffiginnilluni pissarsiarineqarsinnaapput

Inatsisartuni oqaluuserisassat

UKA 2008/130 Inatsisartut aalajangiiffigisassaattut siunnersuut, EU-mut atatillugu nunat avannarliit killiit aalisarnerisa pisaqartarnerisalu nunani avannarlerni killerni aalisarnermut naalakkersuisuinit ataatsimoorussamik ukiumut ataasiartumik ataatsimiinnermi pilersaarummi immikkoortutut aalajangersimasutut oqallisigineqartarnissaat qulakkeeqqullugu Savalimmiuni, Kalaallit Nunaanni Islandimilu naalakkersuisut Nunat Avannarliit Killiit Siunnersuisoqaatigiiffiata kaammattussavai kaammattuut nr. 1/2008 Inatsisartunit akuersissutigineqassasoq. Suliani EU-mut atatillugu ataatsimoorullugit soqutigineqartuni nunani avannarlerni killerni naalakkersuisut isumaat pillugit Nunat Avannarliit Killiit Siunnersuisoqatigiiffiat ingerlaavartumik malinnaasinnaaqqullugu siunnersuisoqatigiit ukiumoortumik ataatsimiinnerannut atatillugu oqalinnernut taakkununnga ukiumoortumik nalunaarut Nunat Avannarliit Killiit Siunnersuisoqatigiiffiannut tunniunneqartassasoq Nunat Avannarliit Killiit Siunnersuisoqatigiiffiata naalakkersuisut qinnutigaa.

UKA 2008/144 Pinngortitami pisuussutit uumassusillit taakku ilagalugit timmissat, aalisakkat miluumasullu nungusaataanngitsumik illersorneqarsinnaasumik piujuartitsinissamik tunngaveqarluni atorneqartarnissaat Nunat Avannarliit Killiit Siunnersuisoqatigiivisa tapersersussagaat Nunat Avannarliit Killiit Siunnersuisoqatigiivisa kaammattuutaat nr. 3/2008 Inatsisartut akuerissagaat Inatsisartut aalajangiiffigisassaattut siunnersuut.