6. marts 2008

Naalakkersuisut ulloq 6. Marts ataatsimiikkamik makku aalajangerpaat

NEAFC-p 2007-imi ukiumoortumik ataatsimiinnerani isumaqatigiinniarnerni angusat kiisalu kingusinnerusumi suluppaakkat pillugit ataatsimiinnerni angusat akuersissutigineqarnerat pillugu.

Naalakkersuisut aalajangerput, isumaqatigiinniarnermi angusat, aalajangiinissamut tunngavissiami uvani allaaserineqartut, akuersissutigineqarnissaat.

Paasissutissat sukumiinerusut Pisortaq Amalie Jessen Aalisarnermut, Piniarnermut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Novembarimi Joint Committee-p EU-mik ataatsimeeqateqarnerata inerne-rata akuerineqarnera kiisalu 2008-imi februaarimi EU-kommissionimik teknikkikkut ataatsimeeqateqarnermi angusat.

Naalakkersuisut aalajangerput:, isumaqatigiissutaasimasut Naalakkersuisunullu isummernissamut uvani tunngavissiami allaaserineqartut kiisalu ilanngunneqarsimasuni "Agreed Record" kiisalu "Memorandum of Understanding" isumaqatigiinniarnermut aallartitat isumaqatigiissutigisimasaanni takuneqarsinnaasut, Naalakkersuisut akuerissagaat.

Paasissutissat sukumiinerusut Pisortaq Amalie Jessen Aalisarnermut, Piniarnermut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Aalisarneq pillugu Inatsisartut inatsisissaattut nutaatut siunnersuutip aappassaaneerneqarnissaata kinguartinneqarnissaanik Naalakkersuisut kissaateqarnerat pillugu.

Naalakkersuisut aalajangerput:

  • Aalisarneq pillugu Inatsisartut inatsisissaattut siunnersuutip kingu artunuartinneqarnissaata Naalakkersuisunit aalajangiunneqarsimanera Naalakkersuisut Inatsisartunut nalunaarutigissagaat.
  • Aalisarneq pillugu Ataatsimiititaliarsuarmut piffissaliussap allanngortinneqarnera Naalakkersuisut akuerissagaat.
  • Naalakkersuisut kissaatigissagaat Aalisarnermut, Piniarnermut Nunalerinermullu Naalakkersuisoq Inatsisartut Aalisarnermut, Piniarnermut Nunalerinermullu Ataatsimiititaliaanut sassartinneqassasoq Naalakkersuisut aalajangersimaneranik nassuiaajartorluni.
  • Suliap ingerlanneqarnissaa pillugu qulaani allaaserisaq Naalakkersuisut akuerissagaat.

Paasissutissat sukumiinerusut Pisortaq Amalie Jessen Aalisarnermut, Piniarnermut Nunalerinermullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Ilinniagaqarnersiutit pillugit nalunaarutissatut siunnersuutip akuerineqarnissaa.

Naalakkersuisut aalajangerput, ilinniagaqarnersiutit pillugit nalunaarutissatut siunnersuut maannakkut taamatut isikkoqartillugu akuerineqassasoq.

Paasissutissat sukumiinerusut Pisortaq Peter Hansen Inuussutissarsiornermut, Suliffeqarnermut, Inuussutissarsiutinullu Ilinniartitaanermut Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

Mittarfeqarfiit naatsorsuutini sinneqartoorutinik ingerlatsinermut aningaasaliissutissanut atuinissamik qinnuteqaataat.

Naalakkersuisut aalajangerput,

  • Mittarfeqarfiit sinneqartoorutissatut missiliorneqartunik ingerlatsinermut aningaasaliissutissanut isummernissamut tunngavissiami taaneqartunut atuinissamik qinnuteqaat akuerineqassasoq,
  • oqaasertaliussani normu 2-p atorneqarnera pillugu Aningaasaqarnermut Ataatsimiititaliaq ilisimatinneqassasoq.

Paasissutissat sukumiinerusut Pisortaq Steffen Ulrich-Lynge Attaveqarnermut, Avatangiisinunullu Naalakkersuisoqarfimmi oqarasuaat 34 50 00 saaffiginnilluni pissarsiarineqarsinnaapput

INATSISARTUNI OQALUUSERISASSAT

UPA 2007/68-imut akissuteqaat, Ilinniagaqartut qitornallit atugaat pitsanngorsaavigineqaqqullugit periaasissatut aalajangersakkat nutarterneqarnissaat pitsanngorsarneqarnissaallu siunertaralugu Naalakkersuisut sulissuteqaqqullugit Inatsisartut aalajangiiffigisassaattut siunnersuut.

UPA 2008/10-imut akissuteqaat, Ullumikkut ilinniartitsunngorniartarnerup ingerlanneqareersup saniatigut nunatsinni ilinniartitsisussaaleqinerujussuaq akiorniarlugu piaartumik immikkut qanoq ittumik iliuuseqarfigineqarnissaa pillugu Naalakkersuisut qanoq suliniuteqarniarnersut pillugu apeqquteqaat aallaavigalugu oqallinnissamik siunnersuut.

UPA 2008/81-imut akissuteqaat, Nunatta Canadallu aamma nunatta Islandillu akornini imartani ajutoornikkut pinngortitamik minngersaasumik pisoqarsinnaaneranut akiuinissamut atortulersuutinik nunat taaneqartut sanilerisavut peqatigalugit piareersimasuuteqarnissamik naalakkersuisut isumaqatigiinniarnissamut piumaffigineqassasut.

UPA 2008/23-imut akissuteqaat, Inuunerup naleqassusia pillugu ataqatigiissakkamik atuarfinni paasisitsiniaasoqarnissaa siunertaralugu suliniutissanik Naalakkersuisut siunnersuusioqqullugit peqquneqarnissaanik Inatsisartut aalajangiiffigisassaattut siunnersuut.

UPA 2008/37-imut akissuteqaat, Dysleksirtunut nunatsinni immikkut atuarfimmik pilersitsinissaq anguniarlugu Naalakkersuisut suliaqaqqullugit peqquneqarnissaannik Inatsisartut aalajangiiffigisassaattut siunnersuut.