Nunamut tunngatillugu paasissutissat

Angissusia

Kalaallit Nunaata takissusia 2.670 km-iuvoq atitussusialu 1.050 km-iulluni, taamalu nunarsuarmi qeqertat annersaralukku. Nunap 85 %-ia sermimit qalleqqavoq.

Inuisa amerlassusaat

Kalaallit Nunaanni inuit 56.000-t missaanniittut najugaqarput, taakkunannga 6.000-t missaanniittut danskiupput. Innuttaasut amerlanerpaartaat, 80 %-it, illoqarfinni 18-iusuni najugaqarput, sinneruttullu 20 %-it nunaqarfinni 60-it missaanniittuni agguataarsimapput.

Nuuk, Kalaallit Nunaanni illoqarfiit pingaarnersaat, nunarsuarmilu illoqarfiit pingaarnerit minnersaat 16.000-it missaannik inoqarpoq.

Nunap agguagaanera

Kalaallit Nunaat kommunerujussuarnut sisamanut aggugaavoq: Kommune Kujalleq (Kujataa), Qaasuitsup Kommunia (Avannaa), Qeqqata Kommunia (Qeqqa) aamma Kommuneqarfik Sermersooq (Kitaa – aamma Tunu). Nuuk Kommuneqarfik Sermersooq-mut atavoq .

Nalunaaqutaq

Nunarsuarmi nalunaaquttap ingerlaaqatigiiffii sisamaasut iluanni Kalaallit Nunaat inissisimavoq. Kalaallit Nunaanni tamarmiusumi GMT-3 nalinginnaasumik atugaavoq, taamalu Danmarkimut sanilliullugu 4 tiiminit kingulliusumik nalunaaqutaqarluni.