Kalaallit Nunaat aamma Nuuk pillugit paasissutissat nalinginnaasut

Quppernerit makkua iluanni paasissutissat Nuummut tunngassuteqarnerupput, tassa Namminersorlutik Oqartussani atorfiit amerlanerpaartaat Nuummiimmata. Nuup nunap suatungaani inissisimanera kiisalu Kalaallit Nunaanni illoqarfiit allat 17-it pillugit atuarsinnaavutit uani.

Nuuk Kalaallit Nunaata kitaani inissisimavoq sikunerlu ajortumi illoqarfiulluni, tassa illoqarfik ukioq tamaat angallammik tikinneqarsinnaavoq. Tassunga ilutigitillugu ukioq kaajallallugu aalisarnissamut periarfissaqarpoq.

Qaasuitsup killeqarfiata kujataatungaani Nuuk inissisimavoq, taamaammat aasakkut ulloq unnuarlu qaamasarpoq. Ukiukkut nalunaaquttap akunnerisa 4-5-it missaanni qaamasarpoq, akerlianik arsarneqartaqaaq. Nuummi qimussertoqarsinnaanngilaq. Tassunga pissutaavoq, qimmussernissamut silaannatigut atugassarititaasut eqqortut neqeroorutiginissaannut Nuup kujasippallaartumi inissisimanera. Qimusserniaraanni qaasuitsup killeqarfiata avannaatungaani pisariaqarpoq. Qimmilli qimuttuunngitsut allarpassuit pigaavut. Taakkuli qaasuitsup killeqarfiata avannaata tungaaneeqqusaanngillat. Qimmit qimuttut qimminik allanik akuneqarnissaat pinaveersaartinneqarpoq, tassa akuneqarunik issittoq pissutsillu inuuffigisatik sapilertussaagamikkit.

Domkirken i Nuuk