AU-mi ilinniartut

AU-mi ilinniarneq kimut sammiva?
Ilinniarnertuunngorniarneq AU annertusisamik niuernermik ilinniarneruvoq, tassani ilinniartunngornissamut ilinniarfissuarmi imaluunniit EVU-mi ilinniarsimanissaq piumasaqaataavoq.

Ilinniarnerup katitigaanera
Ilinniarneq marlunnik toqqagassaqarpoq:

  1. Aningaasaqarneq & Isumalluutinik aqutsineq
    Pinngitsoorani ilinniagassaapput ukuusut: Inuutissarsiornermi aningaasanik aqutsineq, Aaqissuusseriaaseq, isumalluutinik aqutsineq saniatigullu ilinniagaqarneq (soorlu: Naatsorsueqqissaarneq, iml. Piareersaaneq aqutsinerlu). Ilinniarneq naammassineqassaaq specialeliornermik aammalu naggataarutaasumik iluarsartuullugu pilersaarusiornermik (Afgangsprojekt).
  2. Nunani Tamani Niuerneq & Tuniniaanerlu
    Pinngitsooratik ilinniagassat pingasuupput: Tuniniaaneq, Aaqqissuussisimaneq, Tuniniaanermi annertusaaneq/pilerisaarineq aammalu saniatigut ilinniagaqarneq (soorlu Naatsorsueqqissaarneq (Statistik) iml. Pilersaarusiorneq aqutsinerlu (Logistik) ). Ilinniarneq naammasineqassaaq specialiliornermik aammalu naggataarutaasusmik Iluarsartuullugu pilersaarusiornermik (Afgangsprojekt).

Akissarsiat
AU-mi ilinniartut Namminersorlutik Oqartussat Qitiusumik Allattoqarfiata ataani ilinniartut SIK ataani isumaqatigiissutit malillugitaningaasarsiaqartinneqartarput: isumaqatigiissut ilinniartunut 14. Nov 2014 –imeersoq, isumaqatigiissullu ilinniartunut 18-it angullugit ukioqalereersimasunut tunngavoq.

Aningaasarsiassat tunniunneqartarput taamaallaat ilinniartoq ilinniartuuffimmini piffissami sulisimappat.

Sulinngiffeqarnerit katersorneqartarput ilinniartoq ilinniartuuffimmini sulinerani.