Ajutoormik nalaatsisoqartillugu

Kalaallit Nunaannut tassanngaanniilluunniit angalaninni Islandimilu pinarluinnartunik ajornartorsiuteqaleruit Reykjavikimi Kalaallit Nunaata Sinniisoqarfia ikiortissatut attavigissallugu periarfissaqarputit.
Islandimi tassanngaannartumik politiinit ikiorteqarnissamik pisariaqartitsileruit 112 sianerfigiuk.

Kalaallit Nunaata Sinniisoqarfia makku pillugit ikiuussinnaanngilaq:
Angalanermut bilitsinik pisinissamut aamma/imaluunniit akiliussinissamut.
Unnuiffissanik akunnisimaarfissanilluunniit neqeroornissamut.
Aningaasanik atukkiinissamut imaluunniit aningaaserivinnut atatillugu sullisinnissamut.
Ikiorsiissutinik imaluunniit allatigut pisortanit pisartakkanik tunniussinissamut.
Parnaarussivimmit anisitsinissamut imaluunniit inatsisilerituumik akiliussinissamut.
Ilinnit, aningaaserisivinnit imaluunniit ilaquttannit qularnaveeqqusiisoqarsimanngippat napparsimmavik nakorsarluunniit akilerneqarsinnaanngillat.
Suliffissarsiuussisinnaanngilaq imaluuniit sulinissamut akuersissummik pissarsiuussisoqarsinnaanngilaq.

Aningaasiviup, kortip imaluunniit mobilip annaanerani
Aningaasiviit aningaaserivimmulluunniit kortit katassimagukku kortimik tunniussisoq aningaaserivillu piaarnerpaamik attavigissavatit, tamannalu pillugu nalunaarfigalugit. Islandimi politiit attavigisinnaavatit uunga sianerlutit +354 444 2500 (Reykjavikimi) kiisalu ujakkat pillugit allaffimmut nuutinneqarlutit.

Passi
Passit tillinneqarsimassappat tillinneq pillugu najukkami politiit ingerlaannaq attavigissallugit pingaaruteqarpoq, isumagissavattaaq nalunaaruteqarnerit pillugu uppernarsaammik pissarsinissaq. Passi utaqqiisaasumillu passi pillugu Danmarkip aallartitaqarfia attavigiuk.

Internet atorlugu attaveqaatit aamma Linksit

Twitter


https://twitter.com/GreenlandRepRVK

Facebook

https://www.facebook.com/GLRepRVK