Sinniisoqarfimmik ilisarititsineq

Kalaallit Nunaata Reykjavikimi Sinniisoqarfia 2018-imi oktobarimi ammarneqarpoq, siunertarineqarporlu Kalaallit Nunaata Islandillu pitsaasumik sanileriinnerisa ineriartortittuarnerata annertusarneqarnissaata isumannaarneqarnissaa, ilaatigut niuernerup, piorsarsimassutsip aningaasarsiornerullu annertusarneqarneratigut.
Islandimik ataatsimooqateqarneq ukiuni kingullerpaani malunnaatilimmik annertusarneqarpoq, suleqatigiissutaasinnaasullu suussusersineqarlutik. Nunat Avannarliit Killiit Siunersuisoqatigiivini aamma Nunat Avannarliit Ministeriisa Siunersuisoqatigiivini piviusumik naalakkersuinikkut suleqatigiinneq inissilluarnikuuvoq, Sinniisoqarfiullu najuunnera naleqqulluinnartuuvoq. Suleqatigiiffinni pingaartutut isigineqartuni sualummillu aalisarnerup, peqqissutsip, takornarniaqarnerup, niuernerup, silaannakkut angallassinerup uumasunullu nakorsaqarnerup tungaatigut Sinniisoqarfik ataatsimiinnerni ataavartumik peqataallunilu aaqqissuusseqataasarpoq.

Sinniisoqarfittaaq Naalakkersuisoqarfinnut tamanut kiffartuussinissamut piareersimajuartuuvoq.
Sinniisoqarfimmi ullumikkut sulisuupput aallartitaalluni Sinniisoqarfimmi Pisortaq aamma allatsi sumiiffimmi najugalittut atorfinitsinneqarsimasoq kiisalu suliffimmi sungiusartoq.
Nittartakkani taakkunani Kalaallit Nunaat pillugu, kalaallit islandimiullu suleqatigiinnerat pillugu nalinginnaasumik paasissutissat nassaarisinnaavatit, innersuussutigineqarpullu paasissutissat arlallit atorluarneqarsinnaasut.