Kalaallit Nunaata Reykjavikimi Sinniisoqarfia

Sinniisoqarfimmi pisortap Tove Søvndalh Gant Islandimi Kalaallit Sinniisoqarfianut tikilluaqqusivoq

Kalaallit Nunaat Islandilu oqaluttuarisaanermi sivisuumik ukiullu 1000-t sinnerlugit ataatsimoorussaqarput, ullumikkumullu sunniutai ersarissut takuneqarsinnaallutillu misigineqarsinnaapput.

Ataatsimoorussavut arlalippassuit suleqatigiissutigaavut. Nunagisatsinni ataatsimoorluta illugiillutalu suliffeqarlutalu najugaqarfeqarpugut. Nunagisatsinni immikkuutitaarluta naalakkersuinikkut aaqqiissutigut inuiaqatigiinnilu aaqqissuusseriaaserput illugiilluta soqutigisaqarfigaavut. Immitsinnut tikeraartarpugut. Immikkuutitarluta ilisimatusarfitsinni ilinniartarpugut, ilinniaqarfinnilu naapittarluta. Aamma piorsarsimassutsikkut inuunerput killeqarfiit pitarlugit ingerlalluarparput. Nunat marluiit taakku nunat tamalaat susassaqarfiinik - taakkununngalu ilanngullugit Nunat Avannarliit Siunnersuisoqatigiivini, Issittumi Siunnersuisoqatigiinni aamma Nunat Avannarliit Killiit Siunnersuisoqatigiivini - soqutigisaqarluartuupput suleqataalluarlutillu - tamakkumi aqqutigalugit ataatsimut naleqartitavut aallaavigalugit suleqatigiittaratta.

Sinniisoqarfiup ilaatigut suliassaraa ikaartarfittut pissuseqarnissaq, Islandimimi inuiaqatigiinnut, oqartussaasunut aamma inuussutissarsiortunut atatillugu sinniisoqarfittut inissisimanitsinni kalaallit soqutigisaat isumagisussaagatsigit. Kalaallit isiginneriaasiat aallaavigalugu Islandimi pissutsinut immikkut paasisimasaqarpugut. Kalaallit niuerfiinut periarfissaqarnissamut ikiortaasinnaavugut. Pissutsit tigussaasut pillugit aamma ikiortaasinnaavugut. Suliassaqarfitta allaaserineqarnerat nittartakkatsinni takuneqarsinnaapput. facebookimi aamma twitter-imi nassaarineqarsinnaavuguttaaq.

Nittartakkami tassani Kalaallit Nunaat pillugu, kalaallit islandimiullu suleqatigiinnerat pillugu nalinginnaasumik paasissutissat nassaarisinnaavatit, innersuussutigineqarpullu paasissutissat arlallit atorluarneqarsinnaasut.

Nammineq inuttut saaffiginninnissannut tikilluaqqusaajuarputit.

Tikilluaritsi!

Covid-19 pillugu paasissutissiineq, Island aamma Kalaallit Nunaat
Sinniisoqarfik Kalaallit Nunaannut angalanermut akuersissuteqaranilu immikkut akuersisinnaanngilaq. Kalaallit Nunaannut tikinneq pillugu paasissutissanut paasissutissallu atuuttut pillugit apeqqutit tamarmik uunga innersuussutigineqarput www.nun.gl imaluunniit attavigiuk corona pillugu allatseqarfik uunga corona@nanoq.gl imaluunniit oqarasuaat nr.: +299 80 11 00.

Island
Covid-19 pillugu Islandimi takussutissiaq
Islandimi Covid-19 pillugu kisitsisit nutaat
Islandimi maleruagassat atuttut aamma killilersuinerit

Kalaallit Nunaat
SUMUT-immersuiffissaq
Nunatsinni Nakorsaaneq
Kalaallit Nunaanni Politiit