EU-p aamma OCTA-p suleqatigiiffigisaat

OCTA EU-lu arlaleriarlutik OLT-mut atassuteqarnissamik aalajangiineq naapertorlugu oqaloqatigiittarput.

OCT-mi ministerit ataatsimeereeraangata OCT-mi oqartussat, naalagaaffiit ilaasortaatitaqartut sinniisui Kommissionilu peqatigalugit OCT-EU-p oqallittarfiani ukiumoortumik naapeqatigiittoqartarpoq. Europa-Parlamentetimi ilaasortat, EIB-imut sinniisuutitat aamma Regioner i den Yderste Periferi-mi sinniisuutitat oqallinnermut malinnaatinniarlugit aamma qaaqquneqartarput. Nunami nunasiaataasimasumi ukioq allortarlugu oqallittoqartarpoq ukiorlu allortarlugu Bruxelles-imi Kommissionermit aqunneqartumik oqallittoqartarluni.

Kommissioni, nunat nunasiaataasimasut naalagaaffiilli ilaasortaatitaqartut Bruxelles-imi akuttuallaanngitsumik isumasioqatigiittarput. Isumasioqatigiittarnerit taakku Kommissionip sulissuteqarneratigut imaluunniit nunat imarpiup akianiittut nunasiaataasimasullu naalagaaffiillu ilaasortaatitaqartut kaammattuinerisigut ukiumut minnerpaamik sisamariarluni aaqqissuunneqartussaapput. Isumasioqatigiinnerni peqataasut najukkaminni, nunat immikkoortuini nunarsuarmilu suleqatigiinnerminni inissisimaneq pillugu paasitinneqartarput.

Nunat imarpiup akianiittut nunasiaataasimasullu, naalagaaffiit ilaasortaatitaqartut Kommissionilu isumaqatigiissuteqarfigalugit suleqatigiissitat pilersinneqarsimapput, taaku kattuffiup teknikkikkut suliaqarnerulernissaat malinnaaffiginiarlugu siunnersuisartutut suliaqartuupput. Kommissionip, naalagaaffittut ilaasortaasup nunat imarpiup akianiittup nunasiaataasimasulluuniip qinnutiginninneratigut suleqatigiissitat taakku ataatsimiigiaqquneqarsinnaapput. Pissutsit nunanut imarpiup akianiittunut nunasiaataasimasullunut aamma naalagaaffinnut ilaasortaatitaqartunut immikkut pingaarutillit pillugit teknikkikkut oqallittoqarnissaa taakku isumagisarpaat aamma suliat OCT-EU-p oqallittarfiani aamma/imaluunniit susassaqartut pingasuusut isumasioqatigiinnerani aallartinneqarsimasut naammassillugit suliarisarpaat.

Suleqatigiinnermi suleqatigiissitarpassuit pilersinneqarsimapput, taakku suliarisarpaat ukununnga tunnassuteqartut:

  • avatangiisit, pinngortitami ajunaarnersuaqartoqarnera silallu pissusaat allanngoriartornera
  • nukissiuutit ataavartut
  • nunap immikkoortuanik peqataatitsineq
  • aallaavittut malittarisassat niuernerlu
  • aningaasatigut tapiissutit
  • ilisimatusarneq ilinniartitaanerlu

Kalaallit Nunaat oqallinnernut tamanut peqataasarpoq, pingaartumilli Issittumi silap pissusaata allanngornerata kingunerisaanik avatangiisinut tunngatillugu suleqatigiissitamut peqataasarluni. Avatangiisinut tunngassutilinnik suliaqarneq ingerlatiinnarneqarlunilu annertusineqassaaq.