Nunat imarpiup akianiittut nunasiaataasimasullu

Group photo

OLT-mut atassuteqarnissamik aalajangiineq

OLT-mut atassuteqarnissamik maanna isumaqatigiissutaasoq 2014-imit 2020-mut atuuppoq EU-milu suleqatigiinnermik tapersersuisuulluni – nunat imarpiup akianiittut nunasiaataasimasullu imminut napatittumik ineriartortinneqarnissaat anguniarlugu. Erseqqissaassutigineqarpoq nunat imarpiup akianiittut nunasiaataasimasullu "Europami ilaqutariinnut" ilaasut. Tamanna eqqarsaatigalugu kattuffiup nunat imarpiup akianiittut nunasiaataasimasullu unammillersinnaassusaat pitsanngorsaaffigissavai, qajannaassusaat nukittorsassavai, aningaasaqarnikkut avatangiisitigullu sanngiissusaat annikillisassavai taakkulu suleqataasalu suleqatigiinnerat pitsanngorsaaffigalugu.

Kattuffiup suliffeqarfittut sinaakkusiussaani allassimavoq EU, nunat imarpiup akianiittut nunasiaataasimasullu naalagaaffiillu nunasiaateqarsimallutik ilaasortaasut akulikitsumik naalakkersuinikkut oqallinnermut annertuumut peqataasassasut. Nunat imarpiup akianiittut nunasiaataasimasullu imminut napatittumik ineriartortinneqarnerinut atortussanik ikiorsertassavai, tassunga ilanngullugu nunat imarpiup akianiittut nunasiaataasimasullu periusissiornermi inatsisiliornermilu oqaasertaliorsinnaanerisa atuutsitsilersinnaanerisalu pitsanngorsarneqarnissaat siunertaralugu aningaasatigut teknikkikkullu ikiorsertassavai. Aamma nunat imarpiup akianiittut nunasiaataasimasullu EU-mi pilersaarutit aningaasaliiffigineqarnissaannut peqataasinnaatitaapput. Den 11. Europæiske Udviklingsfondip nunat imarpiup akianiittut nunasiaataasimasullu EUR 364,5 millioninik tunisimavai. Den Europæiske Investeringsbankip malittarisassani periutsinilu naapertorlugit nammineq aningaasaatiminik EUR 100 millionit tapiissutigisimavai.