2014-2020-mut suleqatigiinnissamik isumaqatigiissut

Suleqatigiinnissamik isumaqatigiissummi Ataatsimoorussamik nalunaaruteqarnikkut siunertarineqarpoq EU-p Kalaallillu Nunaata suliaqarfinni assigiinngitsuni ataqatigiinnerisa suleqatigiinnerisalu pitsanngorsaaffigineqarnissaat, tassa ilisimatusarnermik, nungusaataanngitsumik ineriartortitsinermi, suliffissuaqarnermi piffissarlu ungasinnerusoq eqqarsaatigalugu ilinniartitaanermi suliaqarfiit eqqarsaatigalugit.

2014-2020-mut suleqatigiinnissamik isumaqatigiissummi ukkatarineqarpoq ilinniartitaaneq, tassani nunarsuarmioqataaleriartornermi inuttut imminut napatissinnaasumik ineriartornissaq eqqarsaatigalugu suliaqarfiup aalajangersimasup taassuma ineriartortinneqarnissaa siunertarineqarluni. Siunertarineqartup piffissami 2014-imiit 2020-mut piviusunngortinneqarnissaanut aningaasat EUR 217 millionit najoqqutassasut tunniunneqarsimapput. "Kalaallit suliniutit pillugit uppernarsaataat" anguniakkanik nalinginnaasunik immikkullu ittunik aamma najoqqutassanik piffissap pineqartup iluani naammassineqartussanik takutitsivoq.

Suleqatigiinnissamik isumaqatigiissummi nutaami takuneqarsinnaavoq Kalaallit Nunaata EU-llu atassuteqaqatigiinnerat nunanut pineqartunut iluaqutaasoq.  Nalinginnaasumittaaq anguniagaavoq Kalaallit Nunaata aningaasaqarneranik annertusaanissaq.