Siunnerfigisamik nalunaarut

Aatsitassanut tunngasutigut suleqatigiinnissaq pillugu EU-p Kalaallillu Nunaata siunnerfigisamik nalunaarutaat

EU-p Kalaallillu Nunaata aatsitassanut tunngatillugu siunnerfigisamik nalunaarut 2012-imi atsiorpaat. Siunnerfigisamik nalunaaruteqarnermi siunertaavoq EU-p Kalaallillu Nunaata suleqatigiinnerannut sinaakkusiussat iluini aatsitassat pillugit oqallinnerup annertusarneqarnissaanut aqqutissiuussinissaq. Suleqatigiinnermi pingaarnertut anguniakkat ilagaat Kalaallit Nunaanni aningaasaqarnerup siammarterneqarnissaa, suliffeqarnermi pissutsit pitsaanerusut atuutsinneqalernissaat, Kalaallit Nunaata aningaasaqarnikkut ineriartorneranut tapersiinissaq aamma EU-mi suliffissuit aatsitassanik imminut akilersinnaasunik pilersorneqarnerisa qulakkeerneqarnissaat.