AtuartigukQilaatersorneq UNESCO-p kulturikkut kingornussanut tigussaanngitsunut allattorsimaffiannut ilanngunneqarpoq
Nassiussisuuvoq: Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik
Maanna Qilaatersorneq UNESCO-p kulturikkut kingornussanut tigussaanngitsunut allattorsimaffiannut Parisimi The Intergovernmental Committeep 16-issaanik ataatsimiinnerani ilanngunneqarpoq.
Nunarsuaq tamakkerlugu COVID-19-ip piffissami kingullermi tunillaassuunnerata annertuseqqinnera pissutigalugu qarasaasiakkut toqqaannartumik ataatsimiinneq ingerlanneqarpoq. Qilaatersorneq Kalaallit Nunaata kulturikkut kingornussaanni tigussaanngitsuni allattorsimaffimmut ilanngunneqartuni siullersaraat.
Kulturikkut kingornussassanut tigussaanngitsunut allattorsimaffimmi nunani assigiinngitsuni kulturikkut kingornussassat tigussaanngitsut nunat assigiinngitsut akimorlugit assersuutissaqartinneqarput, matumanilu kulturikkut kingornussat assigiinngitsorpassuunerat annerusumik ersersinniarneqarput, tamatumalu qanoq pingaaruteqartiginera annerusumik ilisimaneqalernissaa qularnaarlugu. Allattorsimaffik qullersaqartitsinermik eqqarsaatigineqanngilaq, kisianni kulturikkut kingornussat tigussaanngitsut suusinnaanerannik pitsaasumik assersuutissaalluartunik imaqarpoq.
Toqqaanissamut naliliineq tamanut ammasumik novembarimi saqqummiunneqarpoq, kisianni kulturikkut kingornussat tigussaanngitsut allattorsimaffiannut Qilaatersornerup nalunaarsorneqarnissaa pillugu innersuussutit ataatsimiititaliap aatsaat ullumikkut akuersissutigai. Toqqaanerup UNESCO-p Evaluation Body-anit kusanarluinnartumik nalilerneqarnera Naalakkersuisut nuannaarutigaat. Toqqaanernut nalilersuinerni tunngaviusut tallimat atorneqartartut atorlugit toqqaanerit naammassineqarput. Aamma Kalaallit Nunaata nersorneqaatigaa Qilaatersornerup kulturikkut kingornussap uummaarissutut qulakkeerneqarneranut ilanngussisutut.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup aamma Nunatta Katersugaasivia Allagaateqarfialu (NKA) suleqatigiilluarnerisigut toqqaaneq pisinnaanngorpoq.
Kulturikkut kingornussat tigussaanngitsut qulakkeernissaanut UNESCO-p 2003-mi isumaqatigiissutaanik ingerlatsisutut NKA-p qilaatersortartut suleqatigalugit suliaqarneq ingerlassimavaa. Taamaattumik suliamut annertoorujussuarmut atortussanik katersinermut toqqaanerullu kusanartumik suliarineqarneranut suliaqartut NKA-lu qutsavigineqassapput.
”Kalaallit kulturikkut kingornussaanni immikkoortup pingaarutillip UNESCO-p allattorsimaffianut ilanngunneqarnera Kalaallit Nunaannut pingaarutilerujussuuvoq. Qilaatersornerup ilanngunneqarnera kalaallit kulturiannik inunnullu tassannga uumassuseqartitsisunut nersuineruvoq. Naalakkersuisut neriuutigaat, tamanna Qilaatersornerup ilinniarnissaanut amerlanerusunut isumassarsisitsissasoq taamaalillunilu kulturikkut kingornussaq uumassuseqartoq qulakkeerinneqataaffigalugu.” Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Peter Olsen oqarpoq.
Toqqarneqartoq, Qilaatersorneq – Inuit Drum Dancing and Singing, imatut allanneqarsimavoq Issittumi nunap inoqqaavi allat qilaammik atuisartut aamma tassani eqqarsaatigineqartut. Canadap Ruslandillu 2003-mi isumaqatigiissut atortussanngortissagunikku, Kalaallit Nunaata ilanngunneqarnera apeqqutaatinnagu Qilaatersornerup allattorsimaffimmut ilanngunneqarnissaanik aamma qinnuteqarsinnaapput.
Annertunerusumik paasisaqarusunnermi saaffigineqarsinnaavoq Line Hasselriis på telefon +299 34 57 08
Uani takusinnaavarsi Naalakkersuisup Peter P. Olsenip qilaatersorneq UNESCO-p kulturikkut kingornussanut tigussaanngitsunut allattorsimaffianut ilanngunneqarmat oqalugiaataa.
Nunarsuaq tamakkerlugu COVID-19-ip piffissami kingullermi tunillaassuunnerata annertuseqqinnera pissutigalugu qarasaasiakkut toqqaannartumik ataatsimiinneq ingerlanneqarpoq. Qilaatersorneq Kalaallit Nunaata kulturikkut kingornussaanni tigussaanngitsuni allattorsimaffimmut ilanngunneqartuni siullersaraat.
Kulturikkut kingornussassanut tigussaanngitsunut allattorsimaffimmi nunani assigiinngitsuni kulturikkut kingornussassat tigussaanngitsut nunat assigiinngitsut akimorlugit assersuutissaqartinneqarput, matumanilu kulturikkut kingornussat assigiinngitsorpassuunerat annerusumik ersersinniarneqarput, tamatumalu qanoq pingaaruteqartiginera annerusumik ilisimaneqalernissaa qularnaarlugu. Allattorsimaffik qullersaqartitsinermik eqqarsaatigineqanngilaq, kisianni kulturikkut kingornussat tigussaanngitsut suusinnaanerannik pitsaasumik assersuutissaalluartunik imaqarpoq.
Toqqaanissamut naliliineq tamanut ammasumik novembarimi saqqummiunneqarpoq, kisianni kulturikkut kingornussat tigussaanngitsut allattorsimaffiannut Qilaatersornerup nalunaarsorneqarnissaa pillugu innersuussutit ataatsimiititaliap aatsaat ullumikkut akuersissutigai. Toqqaanerup UNESCO-p Evaluation Body-anit kusanarluinnartumik nalilerneqarnera Naalakkersuisut nuannaarutigaat. Toqqaanernut nalilersuinerni tunngaviusut tallimat atorneqartartut atorlugit toqqaanerit naammassineqarput. Aamma Kalaallit Nunaata nersorneqaatigaa Qilaatersornerup kulturikkut kingornussap uummaarissutut qulakkeerneqarneranut ilanngussisutut.
Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup aamma Nunatta Katersugaasivia Allagaateqarfialu (NKA) suleqatigiilluarnerisigut toqqaaneq pisinnaanngorpoq.
Kulturikkut kingornussat tigussaanngitsut qulakkeernissaanut UNESCO-p 2003-mi isumaqatigiissutaanik ingerlatsisutut NKA-p qilaatersortartut suleqatigalugit suliaqarneq ingerlassimavaa. Taamaattumik suliamut annertoorujussuarmut atortussanik katersinermut toqqaanerullu kusanartumik suliarineqarneranut suliaqartut NKA-lu qutsavigineqassapput.
”Kalaallit kulturikkut kingornussaanni immikkoortup pingaarutillip UNESCO-p allattorsimaffianut ilanngunneqarnera Kalaallit Nunaannut pingaarutilerujussuuvoq. Qilaatersornerup ilanngunneqarnera kalaallit kulturiannik inunnullu tassannga uumassuseqartitsisunut nersuineruvoq. Naalakkersuisut neriuutigaat, tamanna Qilaatersornerup ilinniarnissaanut amerlanerusunut isumassarsisitsissasoq taamaalillunilu kulturikkut kingornussaq uumassuseqartoq qulakkeerinneqataaffigalugu.” Ilinniartitaanermut, Kultureqarnermut, Timersornermut Ilageeqarnermullu Naalakkersuisoq Peter Olsen oqarpoq.
Toqqarneqartoq, Qilaatersorneq – Inuit Drum Dancing and Singing, imatut allanneqarsimavoq Issittumi nunap inoqqaavi allat qilaammik atuisartut aamma tassani eqqarsaatigineqartut. Canadap Ruslandillu 2003-mi isumaqatigiissut atortussanngortissagunikku, Kalaallit Nunaata ilanngunneqarnera apeqqutaatinnagu Qilaatersornerup allattorsimaffimmut ilanngunneqarnissaanik aamma qinnuteqarsinnaapput.
Annertunerusumik paasisaqarusunnermi saaffigineqarsinnaavoq Line Hasselriis på telefon +299 34 57 08
Uani takusinnaavarsi Naalakkersuisup Peter P. Olsenip qilaatersorneq UNESCO-p kulturikkut kingornussanut tigussaanngitsunut allattorsimaffianut ilanngunneqarmat oqalugiaataa.