Uranimik inerteqquteqarnermut inatsimmut tusarniaaneq

Naalakkersuisoqatigiinnissamut isumaqatigiissummi qitiuvoq uranisiornissamut akuersaanngilluinnarnissaq. Naalakkersuisut ivertitaanerminiilli siunnersuutip taamaattup inatsisartut 2021-mi ukiaanerani ataatsimiinneranni saqqummiunnissaa sulissutigeqqissaarpaat. Inatsissatut siunnersuut maanna tusarniaassutigineqarpoq 2. august-imut killeqartillugu.

Naaja H. Nathanielsen, Ineqarnermut, Attaveqatigiinnermut, Aatsitassanut Naligiisitaanermullu Naalakkersuisoq: ”Amerlasuut inatsisissatut siunnersuutip atuarsinnaanerata periarfissaanera atorluassagaat neriuutigaara. Tusarniaaneq inatsissatut siunnersuutinik sulinerup pingaarnersaasut ilagaat, tamatumalu kingunerisaanik Naalakkersuisut inatsissatut siunnersuummik pitsaanerpaarpaamik Inatsisartunut saqqummiussisinnaanerat”.

Tusarniaaneq siunnersuummut, Inatsisartut inatsisissaannut uranimik misissueqqaarnermik, ujaasinermik, piiaanermillu inerteqquteqarnissamik Naalakkersuisut nittartagaanni uani
nanineqarsinnaavoq.