9. december 2005

Ulloq 9. decemberi 2005-mi Naalakkersuisut ataatsimiinnerat

2006-imut Aningaasat inatsisissaannut siunnersuut nutaaq

Naalakkersuisut aalajangerput:

  • Ilinniartitaanermut pilersaarutip allaaserineqartup ingerlateqqinnissaat Naalakkersuisut akuerissagaat.
  • Naalakkersuisut akuerissagaat Inatsisartut ataatsimiittarfiata allaffitsigullu aqutsinermut allaffit allineqarnissaat Inatsisartullu Ombudsmandeqarfiata illutaata nutarternissaa AIS 2006-imit peerneqassasut
  • Naalakkersuisut AIS 2006 II-p suliarinissaanut piffissalersuineq allaaserineqartoq akuerissagaat.

Uku sipaarniuteqarfigineqarsimasut annertunerusumik misissuiffigineqassapput:

  • ¿Ujarassiorit¿,
  • Angallannikkut naleqqussaaneq,
  • Maniitsumi utoqqaat Illuanit sanaartorneq ingerlateqqinnissaa,
  • Inerisaavik,
  • Akileraarutinik isertitat missingersuutaat nalileqqissaaqqinnissaat, soorlu umiarsuit takornarissanik ilaasullut akiliutaat eqqarsaatigalugit,
  • Sanami pilattaasarfiup naammassinissaanut ØD Peqqissutsimullu pisortaqarfiup misissussavaat,
  • 2008-miit KNAPK-mut 2,6 mio.kr-init attatiinnarsinnaanerat misissorneqassaaq

Paasissutissat sukumiinerusut Aningaasaqarnermut Pisortaqarfimmi pisortamut Peter Bech oqarasuaat 34 50 00 saaffiginnilluni pissarsiarineqarsinnaapput

Nunarsuarmi niuernikkut kattuffimmi WTO-mi malittarisassanut Kalaallit nunaanni inatsisiliornermik tapersiissutinillu aaqqissuussinernik naleqqussaaniarluni sulineq.

Naalakkersuisut aalajangerput:

  • Nunanut allanut Pisortaqarfik pisortaqarfiit/suliffeqarfiit attuumassuteqartut suleqatigalugit akitsuutit akiinik nunamilu tapersiisarnermik aaqqissuussinernik atuuttunngortitsiniarluni sulinermik aallarniissasoq Nunarsuarmi niuernikkut kattuffimmi WTO-mi malittarisassanut naapertuuttunngortitsiniaalluni.
  • Qulaani taaneqartut tunngavigalugit Nunanut allanut Pisortaqarfimmit WTO-mi allattoqarfimmut oqaloqatiginninnerit aallartissagai 2006-ip ingerlanerani.
  • Pisariaqartinneqartunik aningaasaliissutissat immikkoortinneqassasut AI 2006-mi 50.000 kronit inatsisiliornerup nutserneqarnissaanut aamma 600.000 kronit eqqartuussisoqatigiinnit inatsisiliornermik misissueqqissaarnissamut

Paasissutissat sukumiinerusut Aningaasaqarnermut Pisortaqarfimmi pisortamut Peter Bech oqarasuaat 34 50 00 saaffiginnilluni pissarsiarineqarsinnaapput