8. december 2005

Ulloq 8. decemberi 2005-mi Naalakkersuisut ataatsimiinnerat

Ilassinninnermut aningaasartuutinik, angalanermi aningaasartuutinik aamma aningaasartuutinik allanik il.il. Naalakkersuisut atuinerat pilllugu Naalakkersuisut kaajallaasitaat aamma Naalakkersuisunut ilaasortat 2006-imi aningaasartuutissaannut missingersuut.

Naalakkersuisut aalajangerput, kaajallaasitamut Inoroorsaarneq ilanngunneqassasoq, § 5 assigalugu aningaasat atugassat killilerneqassasut, kaajallaasitap kalaallisortaani § 13 naqqinneqassoq.

Paasissutissat sukumiinerusut Naalakkersuisut Allattoqarfiannut pisortaanermut Kaj Kleist oqarasuaat 34 50 00 saaffiginnilluni pissarsiarineqarsinnaapput

NAFO-p 2005-imi ukiumoortumik ataatsimiinneranni 19. - 23. september isumaqatiginninniarnerni angusat akuersissutigineqarnerat pillugu.

Naalakkersuisut aalajangerput, Ukiumoortumik ataatsimiinnermi angusat akuerineqassasut, aamma Pisortaqarfik DSK-mi aallartitat allat peqatigalugit 2006-imut pisassiissutit pillugit 3L-mi raajartassiissutinik aalajangersaaneq pilllugu akerliliisinnaanermut isummernissamut pisinnaatinneqassasoq kiisalu 2006-imi DSK-p nammineq 3L-imi pisassiinissaanut isummernissamut pisinnaatinneqassasoq.

Paasissutissat sukumiinerusut Aalisarnermut Piniarnermullu Pisortaqarfimmi pisortamut Amalie Jessen oqarasuaat 34 50 00 saaffiginnilluni pissarsiarineqarsinnaapput

Sullivimmi avatangiisit pillugit nalunaarutit arfinillit nutaat.

Naalakkersuisut aalajangerput, Piffissaq ullormut qasuersaarfissaq nal. akunnerinut 8-nut sivikillineqarnissaanut tunngasoq itinerusumik aalajangiinnginnermi tunngavilersorneqarnissaa kissaatigineqarput

Paasissutissat sukumiinerusut Inuussutissarsiornermut, Nunalerinermut Suliffeqarnermullu Pisortaqarfimmi pisortaq Peter Hansen oqarasuaat 34 50 00 saaffiginnilluni pissarsiarineqarsinnaapput

Maniitsumi Sisimiunilu illut nutaaliorfissat sananeqartut naammassisaqarnissaannut isumaqatigiissutissaq.

Naalakkersuisut aalajangerput, Inuussutissarsiornermut, Nunalerinermut Suliffeqarnermullu Naalakkersuisoq 2005-07-imut illut nutaaliorfiusussat marluk naammassineqarnissaannut isumaqatigiissuteqarnissamik pisinnaatinneqassasoq.

Paasissutissat sukumiinerusut Inuussutissarsiornermut, Nunalerinermut Suliffeqarnermullu Pisortaqarfimmi pisortaq Peter Hansen oqarasuaat 34 50 00 saaffiginnilluni pissarsiarineqarsinnaapput

Sinerissamut qanittumi raajarniarnerup ineriartornera pillugu Aalajangiisartunut ilaasortassanik nutaanik toqqaaneq kiisalu Aalajangiisartut 2005-ip ukiaa pillugu nassuiaataa december 2005-imi Naalakkersuisunut nassiunneqartussatut naatsorsuutigineqartup ilisimatitsissutigineqarnera.

Naalakkersuisut aalajangerput, Royal Greenland A/S aamma Polar Seafood A/S qinnuigineqassasut tamarmik immikkut sinerissamut qanittumi raajarniarnermi ineriartorneq pillugu Aalajangiisartunut ilaasortassamik ataatsimik toqqaaqqullugit.

Paasissutissat sukumiinerusut Aalisarnermut Piniarnermullu Pisortaqarfimmi pisortamut Amalie Jessen oqarasuaat 34 50 00 saaffiginnilluni pissarsiarineqarsinnaapput

Missingersuutinut sunniuteqanngitsumik nuussinerit - Peqqinnissaqarfik.

Naalakkersuisut aalajangerput:

  • nunani allani napparsimasut katsorsarneqartarnerat, timikkut nappatit, aningaasaliissutit 1.000.000 kr.-inik appartinneqassasut,
  • Nunani allani napparsimasut katsorsarneqartarnerat, tarnikkut nappaatit, aningaasaliissutit 1.000.000 kr.-inik appartinneqassasut
  • Dronning Ingridip Napparsimavissua, aningaasaliissutit 6.400.000 kr.-inik qaffatsinneqassasut
  • Imigassamik ajornartorsiuteqartunik katsorsaasarfiit, aningaasaliissutit 1.000.000 kr.-inik appartinneqassasut
  • Ataatsimut aningaasartuutit, nakorsanit sullinneqarneq, aningaasaliissutit 1.000.000 kr.-inik appartinneqassasut
  • Ataatsimut aningaasartuutit, napparsimasunut angallassinerit il.il. 2.300.000 kr.-nik appartinneqassasut
  • Najukkani peqqinnissaqarfiit, nakorsanit sullinneqarneq, aningaasaliissutit 5.000.000 kr.-inik qaffatsinneqassasut
  • ataatsimut aningaasaliissutit, kigutilerineq, aningaasaliissutit 1.000.000 kr.-inik appartinneqassasut
  • Najukkani peqqinnissaqarfiit, kigutilerineq, aningaasaliissutit 4.000.000 kr.-inik appartinneqassasut.

Paasissutissat sukumiinerusut Peqqissutsimut Pisortaqarfimmi pisortaq Søren Rendal oqarasuaat 34 50 00 saaffiginnilluni pissarsiarineqarsinnaapput

Puisit amiinik tunisinermi akinut tapiissutinik 2005-imi ilassutitut aningaasaasaliissutit pllugit qinnuteqaammut tunngatillugu naalakkersuisut isummernissaannut tunngavissiamut, Naalakkersuisut ulloq 2. december 2005-imi ataatsimiinneranni tapiliussaq pillugu.

Naalakkersuisut aalajangerput, tunisinermi tapiissutit kingumoortumik atuutilersumik 1. december 2005-imiit akiliutigineqassasut

Paasissutissat sukumiinerusut Aalisarnermut Piniarnermullu Pisortaqarfimmi pisortamut Amalie Jessen oqarasuaat 34 50 00 saaffiginnilluni pissarsiarineqarsinnaapput