2. december 2005

Ulloq 2. decemberi 2005-mi Naalakkersuisut ataatsimiinnerat

Ilassinninnermut aningaasartuutinik, angalanermi aningaasartuutinik aamma aningaasartuutinik allanik il.il. Naalakkersuisut atuinerat pillugu Naalakkersuisut kaajallaasitaat aamma Naalakkersuisunut ilaasortat 2006-imi aningaasartuutissaannut missingersuut.

Naalakkersuisut aalajangerput ,kaajallaasitamut allannguutissatut siunnersuutit ikkunneqareerpata, suliaq suliareqqinneqassasoq, naalakkersuisut angalanernut aningaasat atorneqartussatut immikkoortitat assigiimmik agguarneqassasut.

Paasissutissat sukumiinerusut Naalakkersuisut Allattoqarfianni pisortaanermut Kaj Kleist oqarasuaat 34 50 00 saaffiginnilluni pissarsiarineqarsinnaapput

WTO-imi ministerit ataatsimiinnerat Hong Kongimi, Kina ulluni 13. - 18. december 2005.

Naalakkersuisut aalajangerput:

  • Namminersornerullutik Oqartussat WTO-mi ministerit arfinilissaanik ataatsimiinnissaanni Hong Kongimi pisussami peqataatitaqarnissaq Aningaasanut Nunanullu Naalakkersuisumit kiisalu Nunanit Allanut Pisortaqarfimmit isumagineqassasoq,
  • Hong Kongimi ataatsimiinnissami Nunanut Allanut Pisortaqarfiup ullumikkut niuernermi soqutigisat isumaginiassavai kiisalu nunanut allanut niuernermi naalakkersuinikkut periaatsit WTO-mullu attuumassutit nunanut naligisanut milittakkaatigut paarlaateqatiginiassallugit,
  • Pisortaqarfinnit allanit oqqersuutit tunngavigalugit nunanut allanut niuernermi politikkikkut sammisassat tulleriinnilersornissaannut Nunanut Allanut Pisortaqarfik saqqummiussassamik suliaqassaaq siunissaq ungasinnerusoq isigalugu nunani tamalaani niuernikkut suleqatigiinnermi Kalaallit Nunaata sulissutigiumasai pillugit,
  • Nunanut Allanut Pisortqarfiup WTO-mi kiisalu WTO-mi komiténut attuumassutilimmik sulineq annertusiartortumik malitttarissavaa kalaallit soqutigisaasa illersornissaat siunertaralugu,
  • Namminersornerullutik Oqartussat ¿ Hong Kongimi angusassat apeqqutaatinnagit ¿ nunanut allanut niuerernermi politikkimik suliat salliutissavai nunallu marlukkaat arlallit akornanni isumaqatigiissuteqarnissaq isumaliutigissallugu kiisalu nunanut allanut niuernermi politikki pillugu namminersortunik oqaloqateqartarnissaq ilanngutitinniassallugu.

Paasissutissat sukumiinerusut Nunanut Allanut Pisortaqarfimmi pisortagallartoq Inuuteq Holm Olsen oqarasuaat 34 50 00 saaffiginnilluni pissarsiarineqarsinnaapput

Ukiup 2005-ip sinnerani aqutsiveqarfimmi Nuuk-Paamiuni aamma aqutsiveqarfimmi Narsaq-Qaqortumi sinerissap qanittuani saattuanik pisassiissutit allanngortinneqarnissaat pillugu.

Naalakkersuisut aalajangerput, aqutsiveqarfimmi Nuuk-Paamiuni aalisartut aqutsiveqarfinni allani pisassanik nunguutsinngiffiusuni aalisarsinnaanerannut innersuunneqassasut, nalunaarugineqassasoq aqutsiveqarfimmi Nuuk-Paamiuni aalisartut aalisarsinnaanermut akuersissutinik peqareersut aqutsiveqarfimmi Maniitsoq-Kangaamiuni aqutsiveqarfinniluunniit allani pisassanik nunguutsinngiffiusuni aalisarsinnaanerannut immikkut akuersissummik tunineqarsinnaasut aammalu qularnaarneqassasoq aalisartut aalisarfimminni pisaminnik umiarsuarmut tunitsivimmut tunisisinnaanissaat, Aalisarnermut Piniarnermullu Naalakkersuisoq piginnaatinneqassasoq, angallammik tunitsiveqartitsinnissamik Paamiunullu assartuinissamik aalajangiisinnaanissamut.

Paasissutissat sukumiinerusut Aalisarnermut Piniarnermullu Pisortaqarfimmi pisortamut Amalie Jessen oqarasuaat 34 50 00 saaffiginnilluni pissarsiarineqarsinnaapput

Puisit amiinik tunisinermi akinut tapiissutinik 2005-imi ilassutitut aningaasaliissutit pillugit qinnuteqaat pillugu.

Naalakkersuisut aalajangerput:

  • ukiup sinneranut puisip amiinik tunisinermi akinut tapiissuteqaqqinnermut 1.600.000 kr.-it aningaasaliisutigineqassasut,
  • taapiissuteqarnermut ilaatinneqanngillat natsersuup aamma ussuup amiinik tunisineq
  • tunisinermi akinut tapiissutit puisit amiinut 15.000-inut tunngatinneqarput,
  • tunisinermi akinut tapiissutit inuussutissarsiutigalugu piniartutut allagartaqartunut puisit amiinik tunisisunut akiliutigineqassapput. Ammit panertut eqqarsaatigalugit puisit amiinik tunisisunut akiliutigineqassapput. Ammit panertut eqqarsaatigalugit puisit amii I aamma II-tut pitsaassusillit tunineqartut kisimik eqqarsaatigineqarput, aamma puisit amii tarajortikkat/masattut tamarmik, pitsaassusii apeqqutaatinnagit,
  • tunisinermut atatillugu ingerlatsinermi aningaasartuutinut tunisinermi akinut tapiissutit atorneqassanngillat. Ingerlatsinermi aqutsinermilu aningaasartuutit GG-mit akilerneqassapput,

Paasissutissat sukumiinerusut Aalisarnermut Piniarnermullu Pisortaqarfimmi pisortamut Amalie Jessen oqarasuaat 34 50 00 saaffiginnilluni pissarsiarineqarsinnaapput

Kalaallit Nunaata Kitaanit raajanik 4.000 tonsinik Namminersornerullutik Oqartussat EU-mut tunniussinerat pillugu APK-p eqqartuussisunut tunniussineranut atatillugu akissarsiassanut aamma suliap ingerlanneqarnerani aningaasartuutinut atatillugu aningaasat nuunneqarnissaat pillugu qinnuteqaammut tunngasoq.

Naalakkersuisut aalajangerput:

  • APK-psuliassanngortitsineranut aningaasartuutinut, 2005-imi suliap suliarineranut aningaasartuutinut matussutissaqarnissaq siunertaralugu aningaasaliissutit 600.000 kr.-it ikineqassasut, aamma
  • Isumaqatigiissutinut tunngasunik aningaasartuutissanut sillimmantini aningaasaliissutit 600.000 kr.-inik taamaaqataanik ikilineqassasut,
  • 2006-imut tunngatillugu suliap suliarinerani aningaasartuutissanut matussutissat 06-imut AIS-ip nutarterneqarneranut atatillugu suliaq qaqinneqaqqissasoq,
  • inassuteqaatit Inatsartut Aningaasaqarnermut Ataatsimiititaliaanit akuerineqartussanngorlugit ingerlateqqinneqassasut

Paasissutissat sukumiinerusut Aalisarnermut Piniarnermullu Pisortaqarfimmi pisortamut Amalie Jessen oqarasuaat 34 50 00 saaffiginnilluni pissarsiarineqarsinnaapput

Suliat naammassisat atuinikiffiusut 19-it, suliat taamaatitat pingasut kiisalu ataatsimut aningaasaliissutit apparneqarnerat pillugu.

Naalakkersuisut aalajangerput, matumani inassuteqaatigineqartut Inatsisartut Aningaasaqarnermut Ataatsimiititaliaannut akuerisassanngorlugit ingerlateqqinneqarnissaat Naalakkersuisut akuerissagaat.

Paasissutissat sukumiinerusut Ineqarnermut Attaveqarnermullu Pisortaqarfimmi pisortamut Dorthe Johansen oqarasuaat 34 50 00 saaffiginnilluni pissarsiarineqarsinnaapput