19. juli 2005

Naalakkersuisut Siulittaasuat Hans Enoksen ulloq 19. juli 2005-imi aalajangerpaa:

Nuuk-Paamiut eqqaani saattuarniarnerup aallarteqqinnissaa pillugu.

Naalakkersuisut Siulittaasuata aalajangerpaa:

Saattuarniarnermi pisassat Nunatta kitaani 400 tonsinik qaffaavigineqassasut,
Aqutsiveqarfimmi Nuuk-Paamiut pisassat 400 tonsinik qaffaavigineqassasut,
Aalisarnermut susassaqartut nalunaarfigineqassasut aqutsiveqarfimmi Nuuk-Paamiuni saattuarniarneq ullummimiit aallarteqqinneqarsinnaasoq
Kiisalu pisortaqarfik septemberi naatinnagu 2005-ip naanissaata tunngaanut saattuarniarnissaq pillugu Naalakkersuisunut saqqummiussissasoq.


NASCO-p 6. – 10. juni 2005-imi ukiumoortumik ataatsimiinnerata inernerata akuersissutigineqavinnera.

Naalakkersuisut Siulittaasuata aalajangerpaa:

Uani aalajangiiffigisassatut inassutigineqartut tamaasa akuersissutigalugit

NASCO-p 22-issaanik ukiumoortumik ataatsimiinnerani 2005-imi Kitaani kapisilinniarnerup aqunneqarnissaa pillugu isumaqatigiinniarnermi angusaasoq akuerineqassasoq,
Ukioq manna Kalaallit Nunaata eqqaani kapisilinniarnermi ilisimatuuttut misiligutissanik tigusisarnissaq pillugu Canadap, USA-p, EU-p Kalaallit Nunaatalu isumaqatigiissutaat akuerineqassasoq, aamma
Aalisarnermut Piniarnermullu Pisortaqarfik 2005-imi kapisilliniarnerup siornatut ingerlasussanngorlugu aaqqissuunneqarnissaa pillugu pisinnaatinneqassasoq.


Ulloq 19. juli 2005


Hans Enoksen
Naalakkersuisut Siulittaasuat