Kalaallit Nunaata aammaartumik USA-miit tiguarneqarnissaanik oqariartortoqarnera Naalakkersuisoqatigiinniit akuerisinnaanngivillugu oqariartuutigissavarput.

Kalaallit Nunaat Kunngeqarfik Danmarkimut ilaavoq. Kalaallit Nunaat Naalagaaffeqatigiinneq aqqutigalugu NATO-mut ilaasortaavoq taamaattumillu Kalaallit Nunaata illersorneqarnissaa NATO aqqutigalugu pissalluni.

Naalakkersuisoqatigiinniit NATO-mi nunat arfinillit oqariartuutaat aallavigalugu, NATO aqqutigalugu Kalaallit Nunaata illersornissaa nunat killiit peqatigalugit ingerlanneqarnissaa ilassilluarlugu annertusisamik angunialerparput. NATO-mi nunattamarmik USA ilanngullugu illersornissarput soqutigisaraat taamaattumillu Naalakkersuisuniit illersornissamut NATO aqqutigalugu oqaloqatigiinnerit aammalu inerisaanerit Danmark peqatigalugu ingerlannissaat anguniagaraarput.

Kalaallit Nunaat, nunat killiit illersoqatigiinnerannut qaqugumut ilaajuaannarniisaa Naalakkersuisoqatigiit isumaqarfigaat.