Juullimi pilluaqqussut: Juuddi uddoriaa

Naalakkersuisut Siulittaasuata juullimut ukioq manna pilluaqqussutaa saqqummerpoq. Qalipaasoq tassaavoq 26-nik ukiulik Kristiane Kilime Mikaelsenimit qalipagaavoq.

- Kristianep qalipagaani piorsarsimassutsikkut ileqqugut pingaartikkai takuneqarsinnaavoq, alutornarlunilu takoranneqaaq, Jens-Frederik Nielsen oqarpoq.

Qalipakkap oqaluttuassartaa tassaavoq: Ataataasoq meeqqani juullip ulloriaa pillugu oqaluttuartoq.

Kristiane Kilime Mikaelsen Tasiilami inunngorpoq peroriartorlunilu, qalipakkanilu sumiorpaluutini atorlugit qulequtsersimavaa: Juuddi uddoriaa.
Nuummi eqqumiitsuliornermik ilinniarfimmi ukioq ataaseq taavalu Aarhus Kunstakademimi ukiut marluk ilinniarsimavoq.

Sukumiinerusumik paasissutissat pillugit attaveqarfissaq: Naalakkersuisut Siulittaasuata allattaa Andreas Poulsen, +299 345280, andp@nanoq.gl