Aalisarnermut, Piniarnermut, Nunalerinermut Imminullu Pilersornermut Naalakkersuisup Ilulissani Internationale Cold Water Prawn Forum 2025 ammarpaa

International Cold Water Prawn Forum Ilulissani ulluni 24-25 september 2025 suliffissuaqarneq pillugu ataatsimiippoq. Cold Water Prawn Forum siullermeerluni Kalaallit Nunaanni ataatsimiippoq

” Immami nillertumi raajat Kalaallit Nunaannut arlalippassuartigut ilisarnaataapput. Immami nillertumi raajat issittumi imartatsinni innarlerneqanngitsuni arriitsumik alliartortarnerisa immikkuullarissutut ilisarnartutullu tunisassiaanerat qulakkeerpaa. Immami nillertumi raajat Issittumeersut mamaat allanut assersuunneqarsinnaanngilaq - taakkulu nunarsuarmi tamarmi atuisunit pisiniarfinniillu pilerigineqarnerpaapput. Taamaammat Cold Water Prawn Forum kiisami Kalaallit Nunaanni – minnerunngitsumillu Ilulissani illoqarfitsinni aalisartoqarfiusuni pingaarnerit ilaanni - ingerlanneqarnera naleqquppoq. Illoqarfillu taanna illoqarfiit raajanik tunisassiorfiusut sisamaannaasut ilagaat. Kalaallit Nunaanni raajarniarneq Qeqertarsuup Tunuani tassani piffissap ingerlanerani ineriartortinneqarnikuuvoq, ammalu Qeqertarsuup Tunua raajarniartarfiit pingaarnerit ullumikkut ilagaat. Kalaallit Nunaanni ataatsimiinnerup siulliup ingerlanneqarfia pitsaanerusinnaanngilaq.

International Cold Water Prawn Forum (ICWPF) tassaavoq ingerlatseqatigiiffik niuernermik ingerlatsiviunngitsoq pisortatigoortumik 2013-imi pilersinneqartoq. ICWPF-imi siunertaq tassaavoq inuussutissarsiummi soqutigisaqartunut attaveqaateqarnissamik paasissutissiisarnissamillu arlalinnik neqerooruteqarnermigut immami nillertumi raajat pillugit periarfissanik iluaqutinillu siuarsaanissaq. Ilaasortat tassaapput tunisassiortut, aalisartut, aalisartut peqatigiiffii, niuertut, ilisimatusartut, kattuffiit inuillu ataasiakkaat nillertumi raajanik immikkut soqutigisaqartut.

Læs mere om International Cold Water Prawn Forum pillugu uani annertunerusumik atuarit: ICWPF - International Coldwater Prawn Forum | International Coldwater Prawn Forum


Annertunerusunik paasisaqarusukkuit Aalisarnermut, Piniarnermut, Nunalerinermut Imminullu pilersornermi ugguuna attaveqarfigiuk apn@nanoq.gl