AtuartigukKalistat Lund Tasiilami, Sermiligaami, Kuummiuni Kulusummilu innuttaasunit aallussilluartunit silap pissusaanut iluatinnaatilinnik paasisimasalinnit naapinneqarpoq
Nunalerinermut, Imminut Pilersornermut, Nukissiutinut Avatangiisinullu Naalakkersuisoq, Kalistat Lund, Tasiilami, Sermiligaami, Kuummiuni Kulusummilu innuttaasut silap pissusiata allanngoriartornerinik nalaattagaat aammalu silap pissusianut naleqqussarnissamut silallu pissusiani nalimmassarnissamut suliniutissanut isumaat ukkataralugit, silap pissusia pillugu suliaqarluni isumasioqatigiissitsivoq. Innuttaasut nipaat nunami namminermi silap pissusianut periusissiassamut iluaqutaassapput.
Nassiussisuuvoq:
Naalakkersuisut nunami namminermi silap pissusianut periusissiamik suliaqarneq aallartippaat. Silap pissusianut periusissiaq nunami namminermi silap pissusianut suliniuteqarnitsinni pingaarnertigut siunnerfissanik suliniutissanillu imaqassaaq aammalu nunatsinni ineriartortitsinissamut periarfissat ukkatarineqassallutik. Silap pissusiata allanngoriartornerini nalaattagaat aammalu silap pissusianut aaqqiissutissanut isumaat ukkataralugit, innuttaasut akuutinniarlugit, Naalakkersuisoq Kalistat Lund nunatsinni silap pissusia pillugu suliaqarluni isumasioqatigiissitsiniarpoq. Tasiilami, Sermiligaami, Kuummiuni Kulusummilu tikeraarnermi silap pissusia pillugu suliaqarluni isumasioqatigiissitsinerit siulliit maannakkut ingerlanneqareerput. Ilisimatusartoq Inuk Petersen Pinngortitaleriffimmeersoq silap pissusiata allanngoriartorneri aammalu najukkani innuttaasunut sunniutaasut pillugit innuttaasut oqaloqatiginiarlugit Naalakkersuisoq Kalistat Lund peqatigalugu silap pissusia pillugu suliaqarluni isumasioqatigiinnerni peqataavoq.
”Silap pissusia pillugu suliaqarluni isumasioqatigiissitsinerni Tasiilami, Sermiligaami, Kuummiuni Kulusummilu ingerlanneqartuni siullermik pingaarnertullu innuttaasut silap pissusaanik aallussinerujussuat uppernarsivara. Silap pissusiata allanngoriartornerini – aammalu aaqqiissutissani pisariaqartuni – inuit sunniutaasussanit toqqaannartumik sunnerneqartussat aallaavigineqassasut, taakkunani uppernarsivara. Innuttaasut silap pissusiata allanngoriartornerini nalaattakkaminnik oqaluttuarlutik aallussinerat aammalu sila pissusianut suliniutissanut siunnersuutaat, periusissiap suliarineqarnerani pingaaruteqarput”, oqarpoq Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund nangillunilu:
”Innuttaasut nunami namminermi silap pissusianut periusissiamut ilassuteqarnissaat pingaaruteqartorujussuuvoq aammalu suliap ingerlaqqinnissaanut aalajangiisuulluinnarluni. Nunami namminermi silap pissusianut periusissiatsinni innuttaasut nalaattagaat aammalu nunami namminermi najukkanilu silap pissusianut naleqqussarnissamut silallu pissusiani nalimmassarnissamut suliniutissanut siunnersuutaat aallaavigineqassapput. Taamaattumik ilassutigineqartut annertoorujussuunerat pissarsiaqartitsilluarnerallu nuannaarutigisorujussuuara. Neriuutigaara nunatta sinnerani innuttaasut taamaaqataanik aallussillutik naapissagaannga”, naggasiivoq Naalakkersuisoq Kalistat Lund.
“Taamatut silap allanngoriartornera tunngavigalugu Kuummiuni qanimut malugisimavarput allannguutit assigiinngitsut takkussimanerat - tamanna arajutsisimanngilarput. Soorlu ilungersunartut piniartunut aalisartunullu, tassa umiatsiaararsortut, nalaataat ilungersunartuusut. Siunissami qanoq iliuuseqassanerluta pakkersimaaniarlutalu nassaartariaqarpugut. Taamatullu aamma silap allangoriartornera malitsigalugu soorlu Kuummiuni avinngarusimasumiilluta malugivarput, arlaatigut pinngitsoorani nunami namminermi silap pissusianut periusissiami iliuuserisassami pinngitsoorata nunatsinni ataatsimoorluta tapersiisariaqarpugut. Inuttaasunut ataatsimiisitsinermi pissarsiaqarnarpoq silap pissusiata allanngoriartornerini nalaatat aamma nunami namminermi silap pissusianut periusissiassamut suliaq pillugu saqqummiunneqarnerini. Aalisartunut piniartunuttaaq paasinninnera malillugu pissarsiaqarnarsimavoq. Ataatsimiitsitsineq iluatsilluartutut nalilersinnaavara”, oqarpoq nunaqarfimmi aqutsisuni ilaasortaq Kuummiuneersoq Mikkel Boassen.
”Silap pissusia pillugu suliaqarluni isumasioqatigiinnerni peqataanera pissarsiaqarfigisorujussuuara. Innuttaasut kajuminnerat, pinngortitaq pillugu ilisimasaqarnerujussuat aammalu silap pissusiata allanngoriartornerani sunniutaasuni nammineerlutik malinnaaffiginninnerat, misigalugit nuannaarutigisorujussuuara. Sumiiffiit tikitagut tikeraarsimanngitsuugutsigu, taamatut paasisimasaqalersimassanngikkaluarpunga. Misigaara silap pissusiata allanngoriartornerata pinngortitamut sunniisarnerannik innuttaasut nassuiaanerat, Pinngortitaleriffimmi takusartakkatsinnut naapertuuttorujussuupput. Taamaattoq suli immitsinnut ilinniarfigisinnaasorujussuvugut, aammalu uagut Pinngortitaleriffimmiit siunissami nunatta kangiani najuunnerunissarput qilanaaraarput”, oqarpoq ilisimatusartoq Pinngortitaleriffimmeersoq Inuk Grønvold Petersen.
Nunami namminermi silap pissusianut periusissiamut alloriarnissap tullissaa tassaavoq nunatta sinnerani silap pissusia pillugu suliaqarluni isumasioqatigiissitsinissat
Innuttaasut silap pissusiata allanngoriartornerini nalaattagaat aammalu silap pissusianut aaqqiissutissanut isumaat ukkataralugit, akuutinneqarnissaat Naalakkersuisut qitiutippaat. Tamanna eqimattani sulinerni ineriartortuartussani pissaaq, tassani innuttaasut ataatsimoorlutik silap pissusiata allanngoriartornerini nalaattakkatik oqallisigissallugit aammalu silap pissusianut suliniutissanut siunnersuuteqassallutik. Taamaattumik Naalakkersuisup Kalistat Lundip innuttaasut, inuiaqatigiit allallu najukkani suliaqartuusut periusissiamut ilassutissaannik katersiniarluni, nunatsinni illoqarfiit nunaqarfiillu tikeraassavai. Piterarnissaanik ilimasaarineq pissutigalugu ajoraluartumik Kulusummi eqimattani suliaqatigiissitsinissaq ajornarsimavoq.
Tullianik silap pissusia pillugu suliaqarluni isumasioqatigiissitsinissanut sumiiffiit, ullut piffissallu uani www.naalakkersuisut.gl tusagassiuutitigut nalunaarutikkoortumik allagarsiissutigineqassapput aammattaarlu Facebook-imi allagarsiissutigineqassallutik.
Tasiilami, Sermiligaami, Kuummiuni Kulusummilu silap pissusia pillugu suliaqarluni isumasioqatigiinnermit naammasseqqammersumit assilisat takukkit uani.
”Silap pissusia pillugu suliaqarluni isumasioqatigiissitsinerni Tasiilami, Sermiligaami, Kuummiuni Kulusummilu ingerlanneqartuni siullermik pingaarnertullu innuttaasut silap pissusaanik aallussinerujussuat uppernarsivara. Silap pissusiata allanngoriartornerini – aammalu aaqqiissutissani pisariaqartuni – inuit sunniutaasussanit toqqaannartumik sunnerneqartussat aallaavigineqassasut, taakkunani uppernarsivara. Innuttaasut silap pissusiata allanngoriartornerini nalaattakkaminnik oqaluttuarlutik aallussinerat aammalu sila pissusianut suliniutissanut siunnersuutaat, periusissiap suliarineqarnerani pingaaruteqarput”, oqarpoq Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund nangillunilu:
”Innuttaasut nunami namminermi silap pissusianut periusissiamut ilassuteqarnissaat pingaaruteqartorujussuuvoq aammalu suliap ingerlaqqinnissaanut aalajangiisuulluinnarluni. Nunami namminermi silap pissusianut periusissiatsinni innuttaasut nalaattagaat aammalu nunami namminermi najukkanilu silap pissusianut naleqqussarnissamut silallu pissusiani nalimmassarnissamut suliniutissanut siunnersuutaat aallaavigineqassapput. Taamaattumik ilassutigineqartut annertoorujussuunerat pissarsiaqartitsilluarnerallu nuannaarutigisorujussuuara. Neriuutigaara nunatta sinnerani innuttaasut taamaaqataanik aallussillutik naapissagaannga”, naggasiivoq Naalakkersuisoq Kalistat Lund.
“Taamatut silap allanngoriartornera tunngavigalugu Kuummiuni qanimut malugisimavarput allannguutit assigiinngitsut takkussimanerat - tamanna arajutsisimanngilarput. Soorlu ilungersunartut piniartunut aalisartunullu, tassa umiatsiaararsortut, nalaataat ilungersunartuusut. Siunissami qanoq iliuuseqassanerluta pakkersimaaniarlutalu nassaartariaqarpugut. Taamatullu aamma silap allangoriartornera malitsigalugu soorlu Kuummiuni avinngarusimasumiilluta malugivarput, arlaatigut pinngitsoorani nunami namminermi silap pissusianut periusissiami iliuuserisassami pinngitsoorata nunatsinni ataatsimoorluta tapersiisariaqarpugut. Inuttaasunut ataatsimiisitsinermi pissarsiaqarnarpoq silap pissusiata allanngoriartornerini nalaatat aamma nunami namminermi silap pissusianut periusissiassamut suliaq pillugu saqqummiunneqarnerini. Aalisartunut piniartunuttaaq paasinninnera malillugu pissarsiaqarnarsimavoq. Ataatsimiitsitsineq iluatsilluartutut nalilersinnaavara”, oqarpoq nunaqarfimmi aqutsisuni ilaasortaq Kuummiuneersoq Mikkel Boassen.
”Silap pissusia pillugu suliaqarluni isumasioqatigiinnerni peqataanera pissarsiaqarfigisorujussuuara. Innuttaasut kajuminnerat, pinngortitaq pillugu ilisimasaqarnerujussuat aammalu silap pissusiata allanngoriartornerani sunniutaasuni nammineerlutik malinnaaffiginninnerat, misigalugit nuannaarutigisorujussuuara. Sumiiffiit tikitagut tikeraarsimanngitsuugutsigu, taamatut paasisimasaqalersimassanngikkaluarpunga. Misigaara silap pissusiata allanngoriartornerata pinngortitamut sunniisarnerannik innuttaasut nassuiaanerat, Pinngortitaleriffimmi takusartakkatsinnut naapertuuttorujussuupput. Taamaattoq suli immitsinnut ilinniarfigisinnaasorujussuvugut, aammalu uagut Pinngortitaleriffimmiit siunissami nunatta kangiani najuunnerunissarput qilanaaraarput”, oqarpoq ilisimatusartoq Pinngortitaleriffimmeersoq Inuk Grønvold Petersen.
Nunami namminermi silap pissusianut periusissiamut alloriarnissap tullissaa tassaavoq nunatta sinnerani silap pissusia pillugu suliaqarluni isumasioqatigiissitsinissat
Innuttaasut silap pissusiata allanngoriartornerini nalaattagaat aammalu silap pissusianut aaqqiissutissanut isumaat ukkataralugit, akuutinneqarnissaat Naalakkersuisut qitiutippaat. Tamanna eqimattani sulinerni ineriartortuartussani pissaaq, tassani innuttaasut ataatsimoorlutik silap pissusiata allanngoriartornerini nalaattakkatik oqallisigissallugit aammalu silap pissusianut suliniutissanut siunnersuuteqassallutik. Taamaattumik Naalakkersuisup Kalistat Lundip innuttaasut, inuiaqatigiit allallu najukkani suliaqartuusut periusissiamut ilassutissaannik katersiniarluni, nunatsinni illoqarfiit nunaqarfiillu tikeraassavai. Piterarnissaanik ilimasaarineq pissutigalugu ajoraluartumik Kulusummi eqimattani suliaqatigiissitsinissaq ajornarsimavoq.
Tullianik silap pissusia pillugu suliaqarluni isumasioqatigiissitsinissanut sumiiffiit, ullut piffissallu uani www.naalakkersuisut.gl tusagassiuutitigut nalunaarutikkoortumik allagarsiissutigineqassapput aammattaarlu Facebook-imi allagarsiissutigineqassallutik.
Tasiilami, Sermiligaami, Kuummiuni Kulusummilu silap pissusia pillugu suliaqarluni isumasioqatigiinnermit naammasseqqammersumit assilisat takukkit uani.
Attaveqarfissaq
Paasissutissanik annertunerusunik piniarnermi attaveqarfigineqassaaq Naalakkersuisup allattaa Manasse Berthelsen oqarasuaammut: 34 56 03/54 88 68 imaluunniit e-mail: pan@nanoq.gl
