AtuartigukKulusummi Tasiilamilu timmisartuussisarnermi piffissaq eqqorlugu tikittarnernik/aallartarnernik pitsanngorsaaniarluni suliniutit
Nassiussisuuvoq: Ineqarnermut Attaveqaasersuutinuullu Naalakkersuisoqarfik
Kulusummi mittarfimmi kiisalu Tasiilami qulimiguulinnut mittarfimmi piffissaq eqqorlugu tikittarnerit/aallartarnerit pitsanngorsaavigineqarnissaat Naalakkersuisunit qangaaniilli kissaatigineqarsimavoq. Pingaartumik ukiukkut tarrajussinerani piffissaq eqqorlugu tikittarnissat/aallartarnissat ajornartorsiutigineqartarput. Tamanna patsisigalugu Kulusummi Tasiilamilu piffissaq eqqorlugu tikittarnernut/aallartarnernut pitsanngorsaataasinnaasunik Mittarfeqarfiit misissuisimavoq.
Tassunga tunngatillugu Tasiilami qulimiguulinnut mittarfiup qullilersorneqarnissaanut kiisalu Kulusummi mittarfimmut aputaajaatissanik sermiiaatissamillu pissarsinissamut aningaasalersuutissanik Mittarfeqarfiit nassaarsimavoq. Mittarfeqarfiit sinaakkutissaasa iluini taakkua aningaasalersorneqassapput.
Tasiilami qulimiguulinnut mittarfimmi qullilersuineq
Tasiilami qulimiguulinnut mittarfiup qullilersorneqarnera, Tasiilap nunaqarfiillu akornanni kiisalu Tasiilap Kulusuullu mittarfiata akornanni timmisartuussisarnernut iluaqutaassaaq.
Mittarfiup sinaani qulaaniillu il.il. qullilersuinikkut, tarrajunnerani Air Greenlandip qulimiguuliutai Tasiilamut minnissaminnut periarfissagissaarnerulissapput. Ersernerlutsillugu minnissaminnut aamma periarfissagissaarnerulissapput. Ataatsimut isigalugu qulimiguulinnut mittarfimmi timmisartuussisarnermi piffissaq atorneqartartoq annertusissaaq, tamatumalu saniatigut ingasanngitsumik silarlutsillugu timmisartuussivigineqarsinnaalissalluni.
Kulusummi Nerlerit Inaannilu mittarfinni aputaajaatit
Kulusuk Tasiilarlu Nunatsinni sumiiffippaalunnut sanilliullugit nittaakkajunnerullutillu anorersuakkajunnerusarput. Mittarfimmik mittarfiullu saavanik mittarfiit aputaajaasinnaanerinut piumasaqaatit annertupput. Aputaajaatit ajoquteqartillugit timmisartut piffissaq eqqorlugu tikittarnerinut/aallartarnerinut sunniuteqartarmat, aputaajaatit mittarfiup pinngitsoorsinnaanngilai. Taamaattumik nittaalartalimmik anorersuareertillugu mittarfiit piaarnerusumik miffigineqarsinnaanerat/ aallarfigineqarsinnaanerat, mittarfinnut tamanut sillimmatissamik aputaajaatisinerup qulakkiissavaa. Aputaajaatit mittarfinnut ornitanullu kiisalu Kitaata Islandillu akornanni timmisartuussinerni pisariaqarfiini miffigineqarsinnaanerinut sunniuteqarluassapput.
Kulusup mittarfiani sermiiaat
Timmisartut timmisinnaanerinut sermeq akornutaasarmat, sermillu timmisartut motooriinik akornusiisinnaasarmata, ukiukkut piffissaq eqqorlugu tikittarnernut/aallartarnernut sermiiaat annertusaaqataasinnaavoq.
Kulusup mittarfiani sermiiaateqarnikkut timmisartut suluusallit Kulusup mittarfianut tikissinnaanerinut, aallarsinnaanerinullu annertusaaqataassaaq. Sermernarsinnaanera patsisaalluni massakkut ukiuunerani aallartussaagaluit arlallit aallanngitsoortarput.
Ineqarnermut Attaveqaasersuutinullu Naalakkersuisoq, Erik Jensen ima oqaaseqarpoq:
”Kulusummi mittarfimmi kiisalu Tasiilami qulimiguulinnut mittarfimmi timmisartuussisarnermi piffissaq eqqorlugu tikittarnerit/aallartarnerit annertusineqarnissaat naammagisimaarinnillunga qilanaaraara. Tunumi timmisartuussisarnerup pitsanngorsaavigineqarnissaa qangaaniilli kissaatigineqarsimavoq. Ilaasartaatit piffissaq eqqorlugu tikittarnerisa/aallartarnerisa pitsanngorsaavigineqarnerisa saniatigut, napparsimmaviliarniartunik timmisartuussisarnermi periarfissat aamma pitsaanerulersinneqassapput. Ataatsimut isigalugu ukiuunerani timmisartuussisarnermi isumannaallisaanermut suliniutit aamma iluaqutaassapput.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attavigineqassaaq uunga box909@nanoq.gl
Tassunga tunngatillugu Tasiilami qulimiguulinnut mittarfiup qullilersorneqarnissaanut kiisalu Kulusummi mittarfimmut aputaajaatissanik sermiiaatissamillu pissarsinissamut aningaasalersuutissanik Mittarfeqarfiit nassaarsimavoq. Mittarfeqarfiit sinaakkutissaasa iluini taakkua aningaasalersorneqassapput.
Tasiilami qulimiguulinnut mittarfimmi qullilersuineq
Tasiilami qulimiguulinnut mittarfiup qullilersorneqarnera, Tasiilap nunaqarfiillu akornanni kiisalu Tasiilap Kulusuullu mittarfiata akornanni timmisartuussisarnernut iluaqutaassaaq.
Mittarfiup sinaani qulaaniillu il.il. qullilersuinikkut, tarrajunnerani Air Greenlandip qulimiguuliutai Tasiilamut minnissaminnut periarfissagissaarnerulissapput. Ersernerlutsillugu minnissaminnut aamma periarfissagissaarnerulissapput. Ataatsimut isigalugu qulimiguulinnut mittarfimmi timmisartuussisarnermi piffissaq atorneqartartoq annertusissaaq, tamatumalu saniatigut ingasanngitsumik silarlutsillugu timmisartuussivigineqarsinnaalissalluni.
Kulusummi Nerlerit Inaannilu mittarfinni aputaajaatit
Kulusuk Tasiilarlu Nunatsinni sumiiffippaalunnut sanilliullugit nittaakkajunnerullutillu anorersuakkajunnerusarput. Mittarfimmik mittarfiullu saavanik mittarfiit aputaajaasinnaanerinut piumasaqaatit annertupput. Aputaajaatit ajoquteqartillugit timmisartut piffissaq eqqorlugu tikittarnerinut/aallartarnerinut sunniuteqartarmat, aputaajaatit mittarfiup pinngitsoorsinnaanngilai. Taamaattumik nittaalartalimmik anorersuareertillugu mittarfiit piaarnerusumik miffigineqarsinnaanerat/ aallarfigineqarsinnaanerat, mittarfinnut tamanut sillimmatissamik aputaajaatisinerup qulakkiissavaa. Aputaajaatit mittarfinnut ornitanullu kiisalu Kitaata Islandillu akornanni timmisartuussinerni pisariaqarfiini miffigineqarsinnaanerinut sunniuteqarluassapput.
Kulusup mittarfiani sermiiaat
Timmisartut timmisinnaanerinut sermeq akornutaasarmat, sermillu timmisartut motooriinik akornusiisinnaasarmata, ukiukkut piffissaq eqqorlugu tikittarnernut/aallartarnernut sermiiaat annertusaaqataasinnaavoq.
Kulusup mittarfiani sermiiaateqarnikkut timmisartut suluusallit Kulusup mittarfianut tikissinnaanerinut, aallarsinnaanerinullu annertusaaqataassaaq. Sermernarsinnaanera patsisaalluni massakkut ukiuunerani aallartussaagaluit arlallit aallanngitsoortarput.
Ineqarnermut Attaveqaasersuutinullu Naalakkersuisoq, Erik Jensen ima oqaaseqarpoq:
”Kulusummi mittarfimmi kiisalu Tasiilami qulimiguulinnut mittarfimmi timmisartuussisarnermi piffissaq eqqorlugu tikittarnerit/aallartarnerit annertusineqarnissaat naammagisimaarinnillunga qilanaaraara. Tunumi timmisartuussisarnerup pitsanngorsaavigineqarnissaa qangaaniilli kissaatigineqarsimavoq. Ilaasartaatit piffissaq eqqorlugu tikittarnerisa/aallartarnerisa pitsanngorsaavigineqarnerisa saniatigut, napparsimmaviliarniartunik timmisartuussisarnermi periarfissat aamma pitsaanerulersinneqassapput. Ataatsimut isigalugu ukiuunerani timmisartuussisarnermi isumannaallisaanermut suliniutit aamma iluaqutaassapput.”
Annertunerusumik paasisaqarusunnermi Ineqarnermut Attaveqaasersuutinullu Naalakkersuisoqarfik attavigineqassaaq uunga box909@nanoq.gl