AtuartigukKalistat Lund Kalaallit Nunaanni pinngortitaq pillugu Nunarsuarmi avatangiisinut naalakkersuisunut oqalugiarpoq
Nassiussisuuvoq: Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund ulluni makkunani FN-imi Uumassusillit Assigiinngisitaarnerinut Isumaqatigiissummut ilaasut 15-issaannik ataatsimiinneranni (COP15-imi), Montrealimi Canadamiittumi ingerlanneqartumi Kalaallit Nunaata Kunngeqarfiup Danmarkip aallartitaanut ilaalluni saqqummiussivoq. Nunarsuarmi avatangiisinut naalakkersuisut Montrealimi katersuupput, uumassusillit assigiinngisitaarnerinik (nunarsuarmi uumasut naasullu tamarmik) illersuinissaq pillugu isumaqatigiissut pimoorussiffiusoq nutaaq, ukiuni qulini atuuttussaq isumaqatigiissutiginiarlugu. Tassami nunarsuarmi uumasoqatigiinnik nungutaasoqartarnera sukkasoorujussuarmik ingerlavoq. Tamanna pissutigalugu 2030 nallertinnagu nunarsuarmi uumassusillit assigiinngissitaarnerisa ikiliartornerinik unitsitsinissaq siunertaavoq– aammalu 2050-ip tungaanut avatangiisinut aamma uumassusillit assigiinngissitaarnerini pilerseqqinneqarnissaat siunertarineqarpoq.
”Pinngortitap najukkatta, inuuniarnitsinni tunngavigisatta paarinissaata pingaaruteqassusia pillugu Kalaallit Nunaat sinnerlugu oqalugiarnera tulluusimaarutigisorujussuuara. Kinguaariit ingerlanerini pinngortitaq inuuffigisimavarput, tassanilu isumalluutit inuussutigisimallugit. Pinngortitami isumalluutit inuunitsinnut, nerisassanik pilersuinermut, nerisaqarnermut, kinaassutsimut ineriartornissamullu periarfissatsinnut pingaaruteqartorujussuupput”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
”Kisiannili silap pissusiisa allanngornerini Issittumi pinngortitaq najugarput asseqanngitsoq sunnerneqareerpoq. Pinngortitaq minguitsuusussaagaluarpoq, kisiannili Issittoq nunarsuup assingani takusinnaasaraluatsitut inuilaarsuartut taaneqarsinnaajunnaarsimavoq. Mingutsitsinerit sialuttut aputitullu nakkaalinnginnerminni ungasissorsuarmut ingerlaartarput nunallu killeqarfii qaangertarlugit imaluunniit immat sarfai aqqutigalugit takkuttarlutik”, Naalakkersuisoq Kalistat Lund naggasiivoq.
Kalaallit Nunaat ukiuni kingullerni sisamani nunarsuarmi isumaqatigiissutissap oqaasertassai pillugit isumaqatiginninniarnerni suleqataasimavoq, Kalaallit Nunaanni soqutigisanik, pinngortitami anguniakkanut aammalu nunap inoqqaavisa pisinnaatitaaffiinik qulakkeeriniarnermut tunngasunik qulakkeerinninniarluni.
Isumaqatiginninniarnerit naammassineqarnissaat, aammalu ullut tulliuttut ingerlanerini isumaqatigiissutissap nutaap isumaqatigiissutigineqarnissaa naatsorsuutigineqarpoq.
Oqaluagiaat uani takuneqarsinnaavoq.
Paasissutissat – Uumassusillit assigiinngisitaarnerat suua?
Uumassusillit assigiinngisitaarnerinut nunami uumassusillit uumasoqatigiillu tamarmik, soorlu naasut, uumasut, pupiit, issuatsiaat, tappiorannartut il.il., arferit annersaanniit immami, nunami, apummi serminilu tappiorannartunut ilaatinneqarput. Tassaapput uumasoqatigiit aalisartakkagut, nuniattakkagut imaluunniit isiginnaaginnartakkagut, tassanilu aamma mikingaarmata isigisinnaanngisagut pineqarput. Tappiorannartut ataqatigiinneri uumasoqatigiit naleqqussarsinnaassusiinut, nunarsuarmilu allanngoriartortumi aniguisinnaassusiinut pingaaruteqarput.
Attaveqarfissaq
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Natuk Lund Olsen tlf.: 346476/539228-mut imaluunniit e-mail: natl@nanoq.gl imaluunniit pan@nanoq.gl aqqutigalugit attaveqarfigineqassaaq.
”Pinngortitap najukkatta, inuuniarnitsinni tunngavigisatta paarinissaata pingaaruteqassusia pillugu Kalaallit Nunaat sinnerlugu oqalugiarnera tulluusimaarutigisorujussuuara. Kinguaariit ingerlanerini pinngortitaq inuuffigisimavarput, tassanilu isumalluutit inuussutigisimallugit. Pinngortitami isumalluutit inuunitsinnut, nerisassanik pilersuinermut, nerisaqarnermut, kinaassutsimut ineriartornissamullu periarfissatsinnut pingaaruteqartorujussuupput”, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund oqarpoq.
”Kisiannili silap pissusiisa allanngornerini Issittumi pinngortitaq najugarput asseqanngitsoq sunnerneqareerpoq. Pinngortitaq minguitsuusussaagaluarpoq, kisiannili Issittoq nunarsuup assingani takusinnaasaraluatsitut inuilaarsuartut taaneqarsinnaajunnaarsimavoq. Mingutsitsinerit sialuttut aputitullu nakkaalinnginnerminni ungasissorsuarmut ingerlaartarput nunallu killeqarfii qaangertarlugit imaluunniit immat sarfai aqqutigalugit takkuttarlutik”, Naalakkersuisoq Kalistat Lund naggasiivoq.
Kalaallit Nunaat ukiuni kingullerni sisamani nunarsuarmi isumaqatigiissutissap oqaasertassai pillugit isumaqatiginninniarnerni suleqataasimavoq, Kalaallit Nunaanni soqutigisanik, pinngortitami anguniakkanut aammalu nunap inoqqaavisa pisinnaatitaaffiinik qulakkeeriniarnermut tunngasunik qulakkeerinninniarluni.
Isumaqatiginninniarnerit naammassineqarnissaat, aammalu ullut tulliuttut ingerlanerini isumaqatigiissutissap nutaap isumaqatigiissutigineqarnissaa naatsorsuutigineqarpoq.
Oqaluagiaat uani takuneqarsinnaavoq.
Paasissutissat – Uumassusillit assigiinngisitaarnerat suua?
Uumassusillit assigiinngisitaarnerinut nunami uumassusillit uumasoqatigiillu tamarmik, soorlu naasut, uumasut, pupiit, issuatsiaat, tappiorannartut il.il., arferit annersaanniit immami, nunami, apummi serminilu tappiorannartunut ilaatinneqarput. Tassaapput uumasoqatigiit aalisartakkagut, nuniattakkagut imaluunniit isiginnaaginnartakkagut, tassanilu aamma mikingaarmata isigisinnaanngisagut pineqarput. Tappiorannartut ataqatigiinneri uumasoqatigiit naleqqussarsinnaassusiinut, nunarsuarmilu allanngoriartortumi aniguisinnaassusiinut pingaaruteqarput.
Attaveqarfissaq
Annertunerusumik paasisaqarusunnermi Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfimmi pisortaaneq Natuk Lund Olsen tlf.: 346476/539228-mut imaluunniit e-mail: natl@nanoq.gl imaluunniit pan@nanoq.gl aqqutigalugit attaveqarfigineqassaaq.