Peqqinnissaq pillugu ataatsimiititaliarsuup isumaliutissiissutaa kinguartinneqarpoq

Peqqinnissaq pillugu ataatsimiititaliarsuup Naalakkersuisut qinnuigaat isumaliutissiissutissamik tunniunneqarnissaa kinguartikkumallugu. Naalakkersuisut kinguartitsinissamut qinnuteqaat akueraat. Peqqinnissaq pillugu ataatsimiititaliarsuup tunniussineq kingusinnerpaamik Inatsisartut upernaakkut ataatsimiinneranni 2023-mi pissasoq naatsorsuutigaa.

”2019-mi Ukiakkut ataatsimiinnermi Inatsisartut inatsisartut aalajangiinerat ima isumaqarpoq" Peqqinnissaq pillugu ataatsimiititaliarsuup 2020-ip qaammataani siullerni pingasuni sulineq aallartereersimassagaat. Kisiannili soorlu tamatta nalunngikkipput Kalaallit Nunaat Corona-mik tuniluunnersuarmik eqqorneqarpoq. Tamatuma kinguneraa Peqqinnissaq pillugu ataatsimiititaliarsuup suliaq aatsaat 2020-mi ukiakkut aallartittariaqarmassuk. Suliap aallartinneqarnerata kingorna Peqqinnissaq pillugu ataatsimiititaliarsuup sulinera arlaleriarluni Coronamik tuniluunnersuarmik kinguartinneqartariaqarsimavoq. Assersuutigalugu Nuup avataanut tikeraarnerit arlallit angalanermi killilersuinerit pissutaallutik kinguartinneqartariaqarsimapput.  Suliap naammassineqarnissaanut ilaatigut Ataatsimiititaliarsuup Nuummi, Nuussuarmi Nuullu qinnguani inuttaasunik ataatsimiisitsinerit amigaatigai.”,  taama oqarpoq Peqqinnissaq pillugu ataatsimiititaliarsuami siulittaasoq, Ulrik Blidorf.   

2019-mi ukiakkut ataatsimiinnermi aalajangiunneqarpoq peqqinnissaq pillugu ataatsimiititaliarsuarmik pilersitsisoqassasoq, tamatumani siunertaavoq peqqinnissaqarfiup pitsanngorsarneqarnissaanut naleqqussarneqarnissaanullu innersuussinernik suliaqarnissaq.  Tamatumunnga ilanngullugit Peqqinnissaqarfiup ataatsimut isigalugu katiterneqarnera, sulisussarsiortarneq sulisullu sulisoriinnarnissaannik, kiisalu Danmarkimik aamma nunanik allanik suleqateqarneq. 

Siunissami peqqinnissamut suliat tunngavissaasa qulakkeerneqarnissaannut innersuussutit peqqinnissaqarfimmi aaqqissuusseqqinnissamut Inatsisartut politikikkut tunngavigissavai.

Marsi 2022-mi Peqqinnissaq pillugu ataatsimiititaliarsuaq oqallissaarummik saqqummiivoq, tamatumanilu isumaliutissiissutissamut ilanngunneqartussat uku maluginiarpai. Tamatumunnga malitseqartitsissutitut Peqqinnissaq pillugu ataatsimiititaliarsuaq sulisussarsiortarneq aamma sulisut sulisorineqaannarnissaat, peqqinnissaqarfimmi suleqatigisat, kommunit aamma peqqissutsimut ilinniarfiit suleqatigalugit peqatigalugit saqqummeeqqammerpoq.  Aamma Rigshospitalimut, Københavnimilu kalaallit peqqissartut angerlarsimaffianut pulaarput.

November qiteqqunnerani peqqinnissaq pillugu ataatsimiititaliarsuaq Islandimut angalassaaq, Islandimilu peqqinnissakkut sullinneqarneq isumassarsiorfigalugu.

Ulrik Blidorf ilanngullugu ima oqarpoq:  Peqqinnissaq pillugu ataatsimiititaliarsuarsurmit pingaaruteqarpoq erseqqissaatigissallugu Inatsisartunit akuersissutaasimasut iluini suliaq naammassineqarnissaa.

Peqqinnissaq pillugu ataatsimiititaliarsuup annertuumik naammagisimaarpaa, Naalakkersuisut isumaliutissiissut 2023 upernaap tungaanut kinguartinneqarnissaa akuersissutigimmassuk.”

Annertunerusumik paasissutissanik siunnersortimut Susanne Lynge +299 345034, imaluunniit e-mail: slng@nanoq.gl atorlugit attavigineqarsinnaavoq.