Aalisarnermut, Piniarnermut, Nunalerinermut Imminullu Pilersornermut Naalakkersuisoqarfik

Inatsisilerinermi, aningaasaqarnermi IT-milu pilersaarusiornermi immikkoortortaqarfik immikkoortortaaqqanut pingasunut agguagaavoq, tassanilu inatsisilerineq, aningaasaqarneq inuiaqatigiillu pisariaqartitaat suliarineqartarput.

Inatsisilerineq

Immikkoortortaqarfiup inatsisilerinermi suliarisai isumalluutinut uumassusilinnut qitiusumik inissisimavoq aammalu politikikkut aalajangiinerit sammivilersinniarlugit patajaatsinniarlugillu ersarissumik atoruminartumillu inatsisinngortittarpaat.
Immikkoortortaqarfiup isumalluutit uumassusillit ingerlatsiviup suliatigut patajaatsumik inissisimanissaat isumannaartarpaat aammalu inatsisit, nalunaarutit, aqqutissiuinerit, kaajallaasitat il.il. naalakkersuisoqarfiup oqartussaaffigisaani suliarineqartarput politikikkullu aalajangiisartut qanimut suleqatigisarlugit.

Immikkoortortaqarfiup ilaatigut makku suliarisarpai

- Inatsisinik nalunaarutinillu Namminersorlutik Oqartussat nittartagaasigut nalunaarutigalugit : www.nalunaarutit.gl
- Naalakkersuisut tusarniaasarnermi nittartagaaniittunik tusarniutinik suliaqarneq: https://naalakkersuisut.gl/Hoeringer?sc_lang=kl-GL
- Innuttaasut saaffiginnissutaannut akissuteqarnerit aammalu ombudsmandip inatsisartunut saaffiginnissutaannut akissuteqarnerit
- Pisortaqarfinnut qullernut naalakkersuisoqarfinnilu immikkoortortaqarfinnut inatsisitigut allakkianik suliaqarnerit
- Naalakkersuisoqarfimmi sulisunut inatsisinut, sulianik suliarinninnermut aammalu pisortat ingerlatsinerani inatsisinut tunngasunik siunnersuineq
- Naalakkersuisoqarfimmi inatsisitigut paasinneriaatsit aammalu pitsaassutsimik qulakkeerinninneq. Tassani ilaavoq immikkoortortaqarfiit ataavartumik inatsisilerinermi nassuiaatinik sulianillu aalajangersimasut pitsaassutaanik isumannaarinninnernik suliaqartarmata.

Aningaasaqarneq
Aningaasaqarnermut tunngatillugu suliat aalajangiisartut naalakkersuinikkut suliniutinut tunngatillugu pingaarnersiunerni pilersaarusiornernilu tunngavissaraat. Immikkoortortaqarfiup inatsisitigut maleruaqqusat kingunerisinnaasaasa misissorneri aammalu naalakkersuisoqarfimmi tamarmi aningaasaqarnerup tunngasunik misissueqqissaarnerit ugguuna saqqummersinneqartartut suliarisarpaat : https://naalakkersuisut.gl/Departementer/Fiskeri_Fangst_Landbrug_Selvforsyning/Publikationer?sc_lang=kl-GL 
Taassuma saniatigut aningaasatigut naliliinerit politikikkut allaffissornikkullu aalajangiinerni tunngavissaasut suliarineqartarput taamaasillunilu ingerlatsinermi periusissiorluni pilersaarusiornermut iluaqutaasussaalluni.

IT-mi pilersaarusiorneq
Teknologi ingerlatsivimmut nutaaliaasumut pingaarutilittut inissisimavoq. Naalakkersuisoqarfimmi IT-mi suliniutit ingerlatsinerit siunissarluni ungasissoq isigalugu ineriartornerit innuttaasut akuersissutinut qinnuteqarnissaannut, nalunaarsuinernut il.il. ajornannginnerulersinnissaa pingaartitaraat.

Immikkoortortaqarfiup immikkoortortaqarfiit akornanni ataqatigiissaarineq suleqatigiinnerlu qarasaasiatigut aaqqiissutissat ataqatigiissuunissaat pitsaasuunissaallu anguniarlugu isumannaartarpaat. Taassuma saniatigut immikkoortortaqarfik systeminik maliinnartumik nutarterineq pitsanngorsaanerillu sulianik suliarinninnermik oqilisitaasumik, ilisimasanik avitseqatigiinnerup siuarsarneranut IT-millu isumannaallisaaneq piniarlugu.