Nunanut Allanut, Inuussutissarsiornermut Niuernermullu Naalakkersuisoqarfik

Kunngeqarfiup Danmarkip NATO-mut aalajangersimasumik sinniisuutitaqarfiani kalaaleq siulleq

Nutaarsiassaq atuaruk

Naqitat

Nunanut Allanut, Inuussutissarsiornermut Niuernermullu Naalakkersuisoqarfiup naqitai takukkit

Akiliuteqarlutik takornariartitsisartunut nannunik takusassarsiortitsisartunut – nannunniarnertaqanngitsunut akuersissummik pigisaqarnissamut piumasaqaat

Nutaarsiassaq atuaruk

Naalakkersuisoqarfik pillugu

Nunanut Allanut, Inuussutissarsiutinut Niuernermullu Naalakkersuisoqarfiup inuussutissarsiornermi niuernermilu politikkikkut suliniutinik pingaarnertut pilersaarusiorneq, misissueqqissaarneq aamma allaffissorneq isumagisarai. Kalaallit Nunaanni inuussutissarsiortunut pitsaasunik aalajaatsunillu tunngavissanut inerisaanissamullu piumasaqaatinik qulakkeerinninnissamut naalakkersuisoqarfik akisussaavoq, ilaatigut inuussutissarsiornermut niuernermullu suliassaqarfimmi periusissanik immikkoortunullu politikinik suliaqartarnikkut.

Suliassaqarfiit

Inuussutissarsiornermut niuernermullu suliassaqarfimmi ataatsimut politikikkut Naalakkersuisut anguniagaasa piviusunngortinnissaannik Naalakkersuisoqarfik qulakkeerinnissaaq. Atuisoqarnermut Unammilleqatigiinnermullu Aqutsisoqarfik atuisut suliffeqarfiillu suleqatigiinnerisigut niuerfiit ingerlalluartut pillugit sulinissamut tassunga tapersersuisuuvoq.

Naalakkersuisut nunanut allanut politikkiannik Naalakkersuisoqarfik isumaginnippoq aamma nunanut allanut sillimaniarnikkullu politikkikkut pissutsinik kiisalu nalinginnaasumik nunani tamalaani pissutsinik Naalakkersuisunut naalakkersuisoqarfinnullu allanut siunnersuisarluni. Naalakkersuisoqarfik aamma nunani tamalaani ingerlataqartunik attaveqarnermut akisussaavoq imaluunniit akisussaaqataavoq.

Nunanut allanut politikkeqarnermi Kalaallit Nunaannut aamma Issittumut nunat allat soqutiginninnerat Kalaallit Nunaata kalaallillu inuussutissarsiortuisa politikikkut aningaasarsiornikkullu periarfissaasa allanngortinnerisigut qulakkeerneqassaaq. Aningaasaqarnermut imminut napatittumut tunngatillugu suliaqarnermi ilaatigut niuernermut aammalu nunanik allanik aningaasaqarnikkut suleqateqarnermut nalinginnaasumik sinaakkutitigut piumasaqaatinik Nunanut Allanut Naalakkersuisoqarfik sammisaqarpoq. Tamatuma saniatigut nunani tamalaani isumaqatigiissutit assigiinngitsut ataanni pingaartumik inuit pisinnaatitaaffiinut tunngasuni nunap pisussaaffii naapertorlugit Kalaallit Nunaata nalunaarusiortarnissamut assigiinngitsunik pisussaaffilernerata isumaginissaanut imaluunniit peqataaneranut Naalakkersuisoqarfik akisussaavoq.
Naalakkersuisoqarfiup aaqqissuussaaneranik takussutissiaq