Aningaasaqarnermut Naligiissitaanermullu Naalakkersuisoqarfiup Namminersorlutik Oqartussani qitiusumik aningaasaqarnikkut pilersaarusiornera akisussaaffigaa, tassunga ilanngullugu aningaasaliissutinut akuersissutinut inatsisit, aningaasaliissutinik nakkutilliineq, aningaasaqarnermut politikimut aamma aningaasaqarnermut ingerlatsinermut tunngasunut suliassat, Kalaallit Nunaanni kommuninut tunngasunut suliassat, tassungalu tunngatillugu pingaartinneqarluni kommuninik nakkutilliineq, Namminersorlutik Oqartussat aningaasaqarnikkut naalagaaffimmut atassutai, taarsigassarsinermi aamma akiitsunik nakkutilliinermut atatillugu suliassat, Naalagaaffiit Peqatigiit nunarsuarmut anguniagaat aamma tamakkiisumik aningaasaqarnikkut aaqqissugaanermullu politikimut tunngasunut isumaliutersuutit.

Naalakkersuisoqarfiup nuna tamakkerlugu (sanaartorfissanik) pilersaarusiornermut qitiusumik suliassaqarfiit aamma tigummivai.

Naalakkersuisoqarfik immikkoortunut imatut immikkoortiterneqarsimavoq:

• Aningaasaqarnermik pilersaarusiornermut immikkoortortaqarfik
• Nuna tamakkerlugu pilersaarusiortarnermut immikkoortortaqarfik
• Inatsisilerinermut immikkoortortaqarfik (tassunga ilanngullugu naligiissitaanermut tunngasut)
• Aqutsinermut allattoqarfik