AtuartigukTasiilami aalisarneq pillugu isumasioqatigiinneq iluatsilluarpoq – siunissaqarluartitsilerpoq
Nassiussisuuvoq: Aalisarnermut Piniarnermullu Naalakkersuisoqarfik
Aalisarnermut Piniarnermullu Naalakkersuisoqarfik Tunumi aalisarneq pillugu apriilip 21-annit 23-annut isumasioqatigiissitsinera iluatsilluarpoq. Aalisarneq pillugu nalunaarusiap Tunumi aalisarnerup ineriartortinneqarnissaanut pilersaarut 2023-2030 timitalernissaanut suliniutigineqartut siullersaasa ilagaat. Aalisartut isumasioqatigiinnermi peqataalluarput amerlasuunillu pitsaasunik siunnersuuteqartarlutik, suliniutigineqartup ineriartortinneqarnissaanut tunngasunik. Aalisartut isumasioqatigiinneq pillugu isumalluartorujussuupput oqarlutillu isumasioqatigiinnermit pissarsilluaqalutik.
Aalisarneq pillugu isumasioqatigiinnermi KNAPK-ip immikkoortortaqarfii aamma Tasiilami, Kuummiuni, Sermiligaami aamma Kulusummi aalisartut peqataapput. Tunumi KNAPK-ip immikkoortortaqarfii pingasuni ilaasortat ilaat isumasioqatigiinnermut aggersarneqarput, ajoraluartumilli sumiiffinnit marlunnit peqataasoqanngilaq, taamaattoq Naalakkersuisoqarfiup peqataatitaqanngitsoortut isumasioqatigiinnermit paasissutissanik pinissaat qulakkeerniarpaa.
Aalisarneq pillugu isumasioqatigiinnermi Aalisarnermut Piniarnermullu Naalakkersuisoqarfimmit, Pinngortitaleriffimmit, Aalborgip Universititetianit, Kommuneqarfik Sermersuumit aamma Royal Greenlandimit peqataasoqarpoq. Internetsikkut Arctic Prime Fisheries ApS, Kalaallit Nunaanni uumasunut nakorsaqarfik inuussutissalerinermullu oqartussaaffik aamma KONFIFA (aalisartunut piniartunullu siunnersorteqarfik) peqataapput.
Isumasioqatigiinnermi saqqummiisoqartarpoq, oqallittoqartarpoq aamma aalisarneq pillugu pikkorissartoqarluni kiisalu aalisartunut eqqiluisaarneq aamma pikkorissarfigineqarluni. Isumasioqatigiinneq nuannersumik ingerlanneqarpoq, aalisartut ilisimasatik misilittakkatillu tunngavigalugit oqaloqatigiittarlutik, tunisassiortut, allaffissornermik suliallit aamma ilisimatuut aamma oqaloqatigiittarlutik. Tunumi aalisarnerup periarfissarpassui tamanit neriuutigineqarluarput. Nipisanniartarnerup periarfissai tamatumalu ineriartortinneqarnissaa immikkut isiginiarneqarpoq, aamma Tasiilami aalisakkanik tunitsiviup iluaqutaalernissaa aamma immikkut isiginiarneqarpoq.
Aalisarnermut Piniarnermut Naalakkersuisoqarfiup siunnersuuterpassuit sapaatip akunnerini tulliuttuni malitseqartissavai sapinngisarlu naapertorlugu suliniutigineqartut 2024-mi aallartinneqassapput, 2025-mut siunissamullu aamma pilersaarusiortoqassaaq. Isumaqatigiissutigineqareerpoq 2025-mi aamma aalisarneq pillugu isumasioqatigiittoqassasoq, aalisartunit siunnersuutigineqarluni isumasioqatigiinneq ulluni amerlanerusuni ingerlanneqassalluni.
Aalisarnermut Piniarnermullu Naalakkersuisoq Kim Kielsen aalisarneq pillugu isumasioqatigiinneq allanik suliassaqarnini pissutigalugu ajoraluartumik peqataaffiginngitsoorpaa, neriuutigaali Tunu kingusinnerusukkut tikissinnaassallugu.
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl
Aalisarneq pillugu isumasioqatigiinnermi KNAPK-ip immikkoortortaqarfii aamma Tasiilami, Kuummiuni, Sermiligaami aamma Kulusummi aalisartut peqataapput. Tunumi KNAPK-ip immikkoortortaqarfii pingasuni ilaasortat ilaat isumasioqatigiinnermut aggersarneqarput, ajoraluartumilli sumiiffinnit marlunnit peqataasoqanngilaq, taamaattoq Naalakkersuisoqarfiup peqataatitaqanngitsoortut isumasioqatigiinnermit paasissutissanik pinissaat qulakkeerniarpaa.
Aalisarneq pillugu isumasioqatigiinnermi Aalisarnermut Piniarnermullu Naalakkersuisoqarfimmit, Pinngortitaleriffimmit, Aalborgip Universititetianit, Kommuneqarfik Sermersuumit aamma Royal Greenlandimit peqataasoqarpoq. Internetsikkut Arctic Prime Fisheries ApS, Kalaallit Nunaanni uumasunut nakorsaqarfik inuussutissalerinermullu oqartussaaffik aamma KONFIFA (aalisartunut piniartunullu siunnersorteqarfik) peqataapput.
Isumasioqatigiinnermi saqqummiisoqartarpoq, oqallittoqartarpoq aamma aalisarneq pillugu pikkorissartoqarluni kiisalu aalisartunut eqqiluisaarneq aamma pikkorissarfigineqarluni. Isumasioqatigiinneq nuannersumik ingerlanneqarpoq, aalisartut ilisimasatik misilittakkatillu tunngavigalugit oqaloqatigiittarlutik, tunisassiortut, allaffissornermik suliallit aamma ilisimatuut aamma oqaloqatigiittarlutik. Tunumi aalisarnerup periarfissarpassui tamanit neriuutigineqarluarput. Nipisanniartarnerup periarfissai tamatumalu ineriartortinneqarnissaa immikkut isiginiarneqarpoq, aamma Tasiilami aalisakkanik tunitsiviup iluaqutaalernissaa aamma immikkut isiginiarneqarpoq.
Aalisarnermut Piniarnermut Naalakkersuisoqarfiup siunnersuuterpassuit sapaatip akunnerini tulliuttuni malitseqartissavai sapinngisarlu naapertorlugu suliniutigineqartut 2024-mi aallartinneqassapput, 2025-mut siunissamullu aamma pilersaarusiortoqassaaq. Isumaqatigiissutigineqareerpoq 2025-mi aamma aalisarneq pillugu isumasioqatigiittoqassasoq, aalisartunit siunnersuutigineqarluni isumasioqatigiinneq ulluni amerlanerusuni ingerlanneqassalluni.
Aalisarnermut Piniarnermullu Naalakkersuisoq Kim Kielsen aalisarneq pillugu isumasioqatigiinneq allanik suliassaqarnini pissutigalugu ajoraluartumik peqataaffiginngitsoorpaa, neriuutigaali Tunu kingusinnerusukkut tikissinnaassallugu.
Sukumiinerusumik paasisaqarusukkaanni immikkoortortaqarfimmi pisortaq Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl