Isiginnaartitsisarfeqarneq pillugu Inatsisartut inatsisaannik allannguineq


Nunatta Isiginnaartitsisarfiata siulersuisuinut inassuteqarsinnaasunik allannguineq aamma atorfinititsisarneq pillugu aalajangersagaliorneq.

Allannguutissatut siunnersuummut pingaarnertut tunuliaqutaavoq Nunatta Isiginnaartitsisarfianiit kissaatigisaq, qularnaarneqassasoq toqqaasoqarsinnaasoq pisortat suliaannik ilisimasalimmik ataatsimik, tamatumanilu aningaasaqarnermut aamma inatsisinut tunngasunik.
Tamatumalu saniatigut KANUKOKA ulloq 31. Juli 2018 atorunnaartussaavoq, taamaattumillu pissusissamisoortinneqarsimalluni kattuffik inassuteqarsinnaatitaasoq allanngortinneqassasoq inatsimmi § 4, imm. 2, nr. 2-mi, inatsit atuuttoq naapertorlugu maanna KANUKOKA, kommunit ataatsimoorlutik toqqaasarnerannik taarserlugu.
Siunnersuullu aamma pissutsinut malinnaatitsineruvoq, peqatigiiffik KAISKA piujunnaarnikuummat, maannalu peqatigiiffik SILA isiginnaartitsisartunut nunatsinni sinniisuulluni.

Sammisaq:

Ilinniartitaanermut Ilisimatusarnermullu

Tusarniaanerup suunera:

Inatsisartut inatsisaat

Naalakkersuisoqarfik:

Ilinniartitaanermut, Kultureqarnermut Ilageeqarnermullu Naalakkersuisoqarfik

Saqqummiunneqarfia:

12 juni 12:00:00

Tusarniaanermi piffissaliussaq:

06 juli 16:00:00

Tusarniaanermi akissutit uunga nassiuteqquneqarput:

Ikin@nanoq.gl