Inatsisartut inatsisaat katersugaasiveqarneq pillugu Inatsisartut inatsisaannik allanngortitsineq


Nunamit allanngutsaaliukkamiit annissisinnaanermut aalajangersakkat sukannernerusut, Biosfæreqarfiusumiit Nunatta Avannaarsuani Kangianilu annissisinnaanermut aalajangersakkat sukannernerusut aamma katersugaasiveqarneq pillugu ataatsimiititaliap katitsigaanera, piffissaq atuuffissaa akilerneqartarneralu pillugit aalajangersakkat.

Siunnersuut annerusutigut ingerlatitseqqinneruvoq siunnersuutinik tusarniaassutigineqareersunik piffissami 6. november-imiit 11. December 2017-imi.
Tusarniaanermilu akissutaasut pissutissaqartitsisimapput siunnersuummi ataasiakkaatigut allannguinissanut, oqaaseqaatini erseqqissaatinik ilassutinillu ilaqartunik.
KANUKOKA-lu 31. juli 2018 atorunnaartussaammat pissusissamisoortinneqarsimavoq
kattuffik toqqaasussaatitaasoq inatsimmi § 20, imm. 1, nr. 4-mi allanngortissallugu, inatsit atuuttoq naapertorlugu KANUKOKA, kommunit ataatsimoorussamik toqqaasarnerannik taarserlugu.
Kiisalu aamma pissusissamisoortinneqarsimavoq Katersugaasiveqarnermut ataatsimiititaliap sulinissaani killiliussat annertunerulersinnissaat aamma ersarissaavigineqarnissaat.
Siunnersuutip tunuliaqutai, aamma siunnersuutip siunertaa imarisaalu pillugit siunnersuummut oqaaseqaatit innersuunneqassapput.

Sammisaq:

Ilinniartitaanermut Ilisimatusarnermullu

Tusarniaanerup suunera:

Inatsisartut inatsisaat

Saqqummiunneqarfia:

12 juni 11:00:00

Tusarniaanermi piffissaliussaq:

06 juli 16:00:00

Tusarniaanermi akissutit uunga nassiuteqquneqarput:

Ikin@nanoq.gl