Qaaqqusissut

Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfik

Sivisussuseq: 1 Ulloq

Nuuk

NALIGIISSITAANEQ pillugu aaqqissuussinermut qaaqqusissut

Maajip 20-at tassaavoq Nunatsinni naligiissitaanerup ullua. Ukioq manna sammineqartussaq tassaavoq naligiissitsineq. Kikkut tamarmik inuiaqatigiinni assigiimmik peqataanissaminnut periarfissaqassapput – suiaassuseq, ammip qalipaataa, inuiattut suminngaanneersuuneq, oqaatsit, upperisaq, innarluuteqarneq, akissarsiat, qassinik ukioqarneq, atoqatigiinnermut tunngasut il.il. apeqqutaatinnagit.

Sara Olsvig Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq tikilluaqqusilluni oqalugiassaaq, nipilersoqatigiit ”Blackout” nipilersussapput, soorlu aamma oqalugiartoqartassalluni, akissarsiassartalinnillu unammisitsisoqassalluni il.il.

Naligiissitaaneq pillugu takkullutit tusarnaariartorit – kattuffiit peqatigiiffiillu assigiinngitsut saaffigineqarsinnaassapput, taakkulu naligiissitaanermut tunngatillugu suliaannik ilaatigut tusagaqarfigineqarsinnaassallutik.

Aaqqissuussineq arfininngornermi maajip 20-anni Nuuk Centerimi katersuuffimmi pissaaq nal. 11:00-14:00.

Kikkut tamarmik tikilluaqqusaapput.

ISUMAGINNINNERMUT, ILAQUTARIINNERMUT, NALIGIISSITAANERMUT INATSISINILLU ATUUTSITSINERMUT NAALAKKERSUISOQARFIK.