Tasiilamiit Ittoqqortoormiiniillu Siunnersuinermi ikiortinngortut

Tasiilami nunaqarfiinilu kiisalu Ittoqqortoormiini isumaginninnermi sullissisut allallu isumaginninnerup iluani suleqataasut Siunnersuinermi ikiortitut ilinniakkaminnik naammassinneqammerput. Katillugit arnat qulit, tassani qulingiluat Tasiilameersuullutillu nunaqarfiineersuupput ataaserlu Ittoqqortoormiineersuulluni.

Siunnersuinermi ikiortinngorniarnermi ingerlaviit immikkoortunut marlunnut sammiveqarput, tamarmik immikkoortukkuutaanut sisamanut avinneqarsimallutik. Ilinniarneq ukiumik ataatsimik sivisussuseqarpoq.

Siunnersuinermi ikiortinngorlaat ataatsimoorlutik immikkoortukkuutaat siulliit marluk ingerlassimavaat, kingorna namminneq toqqaasimallutik ingerlaqqiffissaminnik. Sammivik ataaseq inersimasunut isumaginninnermut tunngasuuvoq, allalu meeqqanut-, inuusuttunut- ilaqutariinnullu tunngasuulluni.

Naalakkersuisoq Anthon Frederiksen ima oqaaseqarpoq: ”Nuannaarutigisorujussuuara, Kalaallit Nunaatsinni upernaaq manna illoqarfik qimannagu ilinniarsimasunik 28-nik isumaginninnermi siunnersorteqalernikuugatta, taakkulu saniatigut siunnersuinermi ikiortinik qulinik amerlillutik. Immikkullu nuannaarutigaara tamarmik Tasiilamiit nunaqarfiiniillu, kiisalu Ittoqqortoormiiniit aggersuummata. Tassani takussutissatsialaavoq qanoq Naalakkersuisut ilinniartoqarfinnik suleqateqarnersut immikkut Tunumut sammisumik”.

Ilinniarneq, Kalaallit Nunaanni Siunnersuinermi ikiortinik qulinik peqalersitsisoq, anin-gaasalersorneqarsimavoq Isumaginninnermi Inatsisinillu Atuutsitsinermi Naalak-kersuisoqarfimmit.

Inersimasunut Siunnersuinermi ikiortinngortut
Ebba Kúnak, Kulusuk
Edvardine Elio, Tasiilaq
Ella Kristiansen, Kuummiut
Johanne Nûko, Tasiilaq
Ane-Sofie Sivertsen, Tasiilaq

Meeqqanut Siunnersuinermi ikiortinngortut
Gunda K Jakobsen, Tasiilaq
Hansigne Brønlund, Ittoqqortoormiit
Sara Kristensen, skolefe, Tasiilami Alivarpi
Thomasine Sanimuinnaq, Meeqqerivik ”Pingajeqqad” Tasiilaq
Karoline Korneliussen, Amarngevat, Tasiilaq

Paaseqarnerorusukkuit attavigiuk Naalakkersuisup allattaa
Judith K. Nielsen, tlf. +299 530627, e-mail: judi@nanoq.gl

Asseq: Siunnersuinermi ikiortinngortut qulit ataqatigiissaarisuat ilinniartitsisuilu peqasiullugit Sara Abelsen,
Ida Abelsen-Hansen, Arkalo Abelsen.