Kalaallit Peqqissartut Illuanniittussanik pinasuartariaanngitsunik unititsigallarneq


Aasaanerani Danmarkimi napparsimmavinniit pinasuartariaanngitsunik aggersaanerup malunnaatilimmik annertusisimanera Peqqinnissaqarfimmit misigineqarpoq. Tassa nakorsiat pinasuartuunngitsumik misissortinnissamut passunneqarnissamullu utaqqisut allattorsimaffianniittut. Nakorsiat –ingiallortaasullu Københavnimi Kalaallit Peqqissartut Illuannut inissinneqartussat amerleriaateqarnerat tamatuma nassataraa. Tamatuma peqatigisaanik akunnittarfiit amerlasuut takornarissanik ulikkaarneqarsimammata unnuiffissanik allanik pissarsiniarneq ajornakusooqaaq.

Taamaammat Peqqinnissaqarfik tamatuma kingunerisaanik ingerlaannaq atuutilersinneqartumik suleriaasissanik napparsimasunut ingiallortaasunullu sunniuteqartussanik pingarnersiuilluni tulleriiaarisariaqalerpoq.
Tamanna ima kinguneqassaaq:
  • Napparsimasut aggersarneqareersimasut piffissaat allanngortinniarlugu attavigineqarsinnaapput
  • Inissat tamakkerlutik napparsimasunut atorneqassammata Kalaallit Peqqissartut Illuat ingiallortaasunut unnuinissamik neqeroorsinnaanngilaq.

Qulaani pineqartup napparsimasunut juulimi aggustimilu misissortinnissamut nakorsartinnissamullu aggersarneqarsimasunut sunniuteqarnissaa naatsorsuutigineqarpoq.

Kinguartinneqartariaqartut sapinngisamik piaarnerpaamik salliunneqassammata qanigisaasut septembari qiteqquppat unnuisaleqqissinnaanissaat naatsorsuutigineqarpoq.

Qulaani pineqartup napparsimasunut qanigisaasunullu ilungersunartumik nassataqartitsisimanissaa Peqqinnissaqarfimmi qullersat ajuusaarutigaat.

Paasissutissat sukumiinerusut Aqutsisoqarfiup pisortaanut Malene Marie Nielsenimut mailikkut: sundhedsledelsen@peqqik.gl attaveqarnikkut pissarsiarineqarsinnaapput